1 Tesalónica'su 4:17 - Cofán: Chiga Tevaen'jen

¹⁷ Tsa'caen tsonsi ingija majan toya cansepa can'jendeccu gi fae'ngae tise'pai'ccu ansunde ja'faya unjimba'cconga, Na'suma sefacconi cachuiccoye. Tsa'caen japa gi tsangae canse'faya Na'sui'ccu.

1 Tesalónica'su 4:17 ပူးပေါင်းရင်းမြစ်များ

2 Reyes 2:11

Tsa'caen condase nanimba toya condasé jayi'fa. Tse'faei'ccuyi tise'pa enttinge'ye si'nge caro toya'caen si'nge cavayondeccu attiamba Elíasma sefacconi anga'fa fingian fentsindaccui'ccu.

Salmos 16:11

Que qui ñama atesian ma'caen can'jemba tsangae canseye. Nane quei'ccu can'jemba gi ñoa'me avujatssi. Tsangae gi anttembe'yi quei'ccu avujatssiya.

Salmos 49:15

Tsa'ma Chigaja paya'cho'ye ñama ccushaemba ccase qquendyaemba tisei'ccu angaya.

Mateo 26:64

Jesúsja su: —Ju, que suqquia'can gi. Nane que'i poiyi'cconga gi conda: Jai'ngae qui Sefaccone Ji'cho A'ima Chigai'ccu fae'ngae dyai'choma atte'faya. Osha'chove tson'su Chigambe tansinfanga dyaipa fae'ngae mandaya. Tise sefacconi'su unjimba'cco'ye jiña'choma qui atte'faya.

Marcos 14:62

Tsonsi Jesúsja su: —Ju, ña gi. Nane que'ija atte'faya qui Sefaccone Ji'cho A'i gi Osha'choma Oshacho'cho Chigambe tansinfani dyai'choma. Toya'caen qui atte'faya ña unjimba'cco'ye jiña'choma.

Juan 12:26

Majan ña a'ive dapa shondocañe in'jan'da ñama tsu paña'faya'cho. Mani ña can'jen'ni'qque tseni tsu ñama shondo'su'qque can'jen'faya. Majan ñama shondocansi tsama tsu ña Yayaja ñotsse in'jan.

Juan 14:3

Toya'caen ña tseni japa osha'choma ñoñamba gi ccase vani jiya que'ima i'ngiye cuintsu mani ña can'jen'ninda tseni que'i'qque can'jen'faye.

Juan 17:24

Yaya, va ande meinte queja ñama in'jamba ñama ti'tsse'tssia've tson. In'jan gi cuintsu que in'jaensi ñame in'jan'chondeccu'qque ñai'ccu ña can'jeñani can'jemba que ñama ti'tsse'tssia've tson'choma atte'faye.

Tson'fa'cho 1:9

Jesús qquen afa nanisi Chigaja tisema sefacconi ansundian toya tisema shondosundeccu caña'jen'ni. Tsa'caen ansundiansi unjimba'cco piccosi ccatsse tisema atte'fambi.

Tson'fa'cho 8:39

Fetipa singu'ccuye sombo'fasi Chiga Qquendya'pa Felipema ccani anga. Tsa'caen angasi onocoja Felipema ccatsse attembi'ma avujatsse tsaiqui'ye ja.

1 Corinto'su 15:52

Tse'faei'ccuyi, pasa'pave sefacconi'su jen'choma jeñasi gi ccaningae da'faya'cho. Ñoa'me sefacconi'su jen'choma tsu jeñaña. Jensi pa'chondeccuja congo'masiave dapa tsu qquendyapa canse'faya. Ingi'qque ccaningae dapa canse'faya.

2 Corinto'su 5:8

Tsa'ma ña suqquia'caen dyombi'tsse gi canse'fa. Bove ñotssi tsu va ai'voma catipa Na'su Jesúsi'ccu fae'ngae can'jeñe qquen gi in'jan'fa.

Filipo'su 1:23

Enttingeni ccutsuqquia'caen gi atesumbi mafanga jaya'chove. Ñoa'me paye gi in'jan Cristoi'ccu tsangae ñotsse canseye. Tsa tsu ñoa'me bove ñotsse daya'cho.

1 Tesalónica'su 3:13

Nane Na'suja tsa'caen que'ima in'jaemba tise in'janqquia'caen shaca mechoe que'i injama'choma ñoñamba tsu que'ima Chiga ingi Quitsanga attiaña. Maqui a'ta Na'su Jesús tise aindeccui'ccu ji'ta tsa'caen tsu tsoña.

1 Tesalónica'su 4:15

Va ingi su'cho tsu ñoa'me Na'su Jesús su'cho: Na'su Jesús jisi majan toya canse'chondeccu tsu tayo pa'chondeccuma o'tie Tisenga ja'faya'bi.

1 Tesalónica'su 4:18

Tsa'cansi va su'choi'ccu in'jaenccopa canse'faja.

1 Tesalónica'su 5:10

Tsa Jesucristoja ingine tsu pa cuintsu ingi, majan tayo pa'cho, majan toya canse'cho, tsangae tisei'ccu fae'ngae can'jen'faye.

2 Pedro 3:13

Tsa'ma ingija Chiga su'choma pañamba gi sefacco cuna, ande cuname ronda'je'fa. Tsenijan osha'cho ñotssiayi tsu. Osha'cho tansintssiayi tsu.

Canjaen'cho 1:7

¡Que canjan! Cristoja sefacco'su unjimba'cco'ye tsu jiya. Poiyi'cco a'i tsu tisema atte'faya. Nane tisema quiccu iñaccaensundeccu'qque tsu tisema atte'faya. Poi ande'su aindeccuja tisema attepa i'na'faya. Ju, tsa'caen tsu tsoña.

Canjaen'cho 11:12

Dyopa camboen'jen'fa'ni tsa dos Chiga Aya'fama afasundeccuja sefacconi'su aya'fama paña'fa. Aya'faja tise'pama qquen su: —Vani ansunde'faja. Tsonsi tise'pai'ccu iyiccosundeccu camboen'jen'fa'ni tsu unjimba'ccongae sefacconi ansunde'fa.

Canjaen'cho 12:5

Tsa'ma pushesuja tsandie du'shuve isusi tse'faei'ccuyi du'shuma Chigani angasi Chiga dyaipa'cho jini can'jen. Du'shuja poi ande'su goviernoma mandaya. Nane yoshava'ccoi'ccu mandaqquia'caen tsu quia'me mandaya.