1 Tesalónica'su 4:15 - Cofán: Chiga Tevaen'jen

¹⁵ Va ingi su'cho tsu ñoa'me Na'su Jesús su'cho: Na'su Jesús jisi majan toya canse'chondeccu tsu tayo pa'chondeccuma o'tie Tisenga ja'faya'bi.

1 Tesalónica'su 4:15 ပူးပေါင်းရင်းမြစ်များ

Mateo 17:25

Pedroja su: —Ju, afepoen'jen tsu. Tsonsi Pedro tsa'onga ca'nimba toya afambi'te Jesús tisema o'tie afapa iñajampaña: —Simón, asi'ttaemba ñanga condaja: ¿Majama tsu ande nasundeccuja impuestoma iñajamba isu'fa? ¿Tisupa dushundeccuma ti isu'fa? Tsambi'ta ¿cca'indeccuma ti isu'fa?

1 Corinto'su 15:18

Tsa'canchoecan'da majan Cristove in'jamba tayo pasi a'tu'chondeccu'qque tsangae tsu qque'faye'can.

2 Corinto'su 12:1

Tisuma ñotssiave panshaen afapa ñoa'me patsuye oshambi qquen gi in'jan. Tsa'ma ti'tsse gi condaseya'cho. Ja'ño gi Na'su ñanga attian'choma condaya. Na'su ñama in'jaen'choma'qque gi condaya.

2 Corinto'su 4:14

In'jan'fa gi Chiga Quitsaja Na'su Jesúsma pa'cho'ye ccase qquendyaemba ingima'qque Jesúsi'ccu qquendyaeña. Tiseja que'i'ccu fae'ngae ingima angaya Tisei'ccu can'jen'faye.

Galacia'su 1:12

A'inga vama atesumbipa Cristo ñanga attiamba atesian'choi'ccu gi atesu.

1 Tesalónica'su 2:19

Nane ¿jongoesuya tsu ingi in'jamba ronda'je'choja? ¿Jongoesuya tsu ingi avuja'choja? ¿Jongoesuya tsu ingi patsupa avujaya'choja? Nane ingi Na'su Jesucristo jisi qui que'i tsesu'faya.

1 Tesalónica'su 4:13

Faengasundeccu, in'jan'fambi gi que'i toya atesumbe can'jen'faye, tayo pa'chondeccu ma'caen daya'chone. Ni in'jan'fambi gi que'i'qque ñombi'ye can'jen'faye, cca'indeccu papa ccase qquendyaya'chone in'jambindeqquia'caen.

1 Tesalónica'su 5:10

Tsa Jesucristoja ingine tsu pa cuintsu ingi, majan tayo pa'cho, majan toya canse'cho, tsangae tisei'ccu fae'ngae can'jen'faye.

2 Tesalónica'su 2:1

Ingi Na'su Jesucristo ñoa'me jiye tson'jen. Jisi gi ingija tisenga bo'faya. Tsa'cansi faengasundeccu que'ima gi iñajan'jen: