1 Samuel 2:11 - Cofán: Chiga Tevaen'jen

¹¹ Settapoen nanimba tise tsa'ndu Elcanai'ccu toequi Ramá canqqueni ja'fa tise'pa tsaoni. Tsa'ma du'shuja Na'su Chigama shondoye shanda, Chigama afa'su na'su Elíma pañamba.

1 Samuel 2:11 ပူးပေါင်းရင်းမြစ်များ

1 Samuel 1:1

Israel ande'su Efraín aindeccu can'jen'cho ccotta'cconi tsu Ramá canqque jin. Tseni tsu can'jen Zuf antiandeccu'su a'i tise inise Elcana. Tsa Elcana tsu Jeroham dutssi'ye. Tise yaya ccashe'ye tsu Eliú. Eliú yaya tsu Tohu. Tohu tsu ñoa'me Zuf dutssi'ye. Nane poiyi'cco tsu israe'su Efraín aindeccu'su.

1 Samuel 1:19

Ccaqui a'ta sinte'yi jangipa Na'su Chigama iñajan'fa. Iñajan nanimba toequi tise'pa Ramá canqque'su tsaoni ja'fa. Can'jemba Elcana Anai'ccu fae'ngae can'jensi Na'su Chigaja Ana iñajan'choma in'jan.

1 Samuel 1:28

Tsa'caen afesi gi ccane'qque tisema Na'su Chiganga afe cuintsu paya'ngae tisema shondoye. Elíja tsama pañamba puntssamba Chigama iñajan.

1 Samuel 3:1

Du'shu Samuelja tsa'caen Elíma ñotsse pañamba Na'su Chigama shondó can'jen. Tsaite Samuel can'jeinte Na'su Chigaja a'inga zutsse afa'jembi. Nane zutsse attiambi a'ima in'jaeñe.

1 Samuel 3:15

Na'su Chiga tsa'caen condasesi Samuelja ccuí a'ta. A'tasi jangipa Na'su Chiga a'i'ccu cachuicco'je'tti'su sombo'tti piccofin'dima fetta. Tiseja dyojopa Chiga susi paña'choma Elínga condambi.