1 Samuel 17:46 - Cofán: Chiga Tevaen'jen

⁴⁶ Ja'ño tsu Na'su Chiga quema patsupa ñanga afeya cuintsu quema fi'ttipa que tsovema'qque chattu catiye. Toya'caen filisteo'su sundarondeccu ai'voma gi afeya ccompananga toya'caen ttesinga. Tsa'caen tsonsi tsu poiyi'cco a'i atesu'faya Chiga Quitsa israendeccui'ccu can'jen'chove.

1 Samuel 17:46 ပူးပေါင်းရင်းမြစ်များ

Génesis 40:19

Tres a'ta pasasi quene injanjangipa na'su faraónjan mandasi quema quini'cconga fi'ttiya. Fi'ttisi chhiriria que ai'voma an'faya.

1 Reyes 8:60

Toya'caen tsa'caen injan'jensi tsu poi ande'su aindeccuja in'jan'faya Na'su Chigayi tsu Chiga. Nane faesuveja me'i'on tsu.

2 Reyes 5:15

Ccushapa toequi tisema shondosundeccui'ccu Eliseoma can'su ja'fa. Tiseni ji ccutsupa tsu Naamánjan su: —Ja'ño gi in'jan poi andeni faesu chiga jimbisi fae Na'su Israel Chiga tsu ñoa'me Chiga. Omboe tsu tsain'bio nasundeccu Israel aindeccuma manda'je'fa. Poiyi'cco egae tsincomba Na'su Chigama ñotsse paña'fambi. Judá andeni'qque tsain'bio nasundeccu, David omba'su dutssiyendeccu, manda'jesi fae pushesu'qque manda. Majan tsendeccu'su Na'suma pañamba ñotsse tson'fa. Tsa'ma faesundeccu egae tsincomba Na'su Chigama ñotsse paña'fambi.

Éxodo 9:16

Tsa'ma tsa'caen tsoñe in'jambipa gi antte cuintsu que'i toya cansepa ña oshacho'choma attepa vana'jensi poi ande'su aindeccu pañamba ñajan osha'choma oshacho qquen in'jan'faye.

Isaías 52:10

Poi ande'su aindeccu caña'jen'ni Na'su tise oshacho'choma canjaensi tsu poi andesundeccu ingi Chiga ingima ccushaen qquen in'jan'faya.

Jeremías 19:7

Vani osha'cho Judá'su, toya'caen Jerusalén'su asi'ttaemba in'jan'choma gi qqueñaña. Ña anttesi tsu tise'pa enemigondeccu tise'pama patsupa fittitti'fasi ccompana, osha'cho tsampi'su putsa'su jipa tise'pa ai'voma an'faya.

Daniel 2:47

Omboe Danielnga su: —Ñoa'me que'i Chiga tsu poi chigandeccuma ti'tsse joccapitssia Chiga. Tsa tsu nasundeccumbe Na'su toya'caen osha'cho atesu'ma'sia'ma attian'su. Nane queyi qui tsa atesu'masia'ma atesupa condaye osha.

Daniel 3:29

Ja'ño ñajan manda: Majan a'i, mani'su canqque, mani'su ande, faesu aya'fangae afa'je'chondeccu can'jeñe'qque va dusungandeccumbe Chigama egae afa'ta tsu gettiyepa pasi tise'pa tsa'o'qque osuipa amppipa boñame daya'cho. Nane faesu chiga qquen ccushaeñe osha'chove me'i'on tsu.”

Mateo 24:28

A'i pa'cho ai'vo ccui'chonga ccompana boqquia'caen tsu poiyi'cco in'jan'chondeccu Na'sunga bo'faya.

Deuteronomio 7:2

Na'su que'i Chiga anttesi que'ija tsendeccuma patsupa tise'pama metsse nepiaña'cho. Nane tise'pama mendeye'fajama ni injancco'fa'chove tise'pai'ccu afa'fajama.

Josué 4:24

Tsa'caen tsu tson cuintsu poi ande'su aindeccu atesu'faye Na'su Chiga osha'choma oshacho'chove. Toya'caen tsu tsa'caen tson cuintsu ingija tsangae dyoe'sui'ccu Na'su Chigama injan'jeñe.’ ”

1 Samuel 17:44

Toya'caen tsu su: —¡Jija! ¡Ña quema fi'ttipa que nama o'fiaña ccompananga toya'caen ttesinga!