1 Samuel 17:34 - Cofán: Chiga Tevaen'jen

³⁴ Tsonsi Davidja su: —Ña quema shondo'suja ña yayambe ovejama coira'jesi ttesi tsambi'ta oncomari jipa oveja sheque'cho'suma fae ovejave anga'ninda

1 Samuel 17:34 ပူးပေါင်းရင်းမြစ်များ

Génesis 31:39

Ttesi ovejama fi'tti'ni'qque queni imbi gi tsa pa'choma. Nane ñañi gi tsa qque'chone afepoen. Toya'caen maqui cose maqui a'ta que oveja naccu'suma cca'na'fa'ni'qque ñama qui tsane iñajan.

Lucas 2:8

Beléni pporotsse tsu can'jen'fa oveja coirasundeccu. Cose potreroni can'jen'fa tise'pa ovejama coiraye.

Juan 10:11

Ña gi ñotssia coira'suja. Ño'a coira'suta tsu paye dyojombi tise ovejama ccushaeñe.

Romanos 5:4

Opatsse ron'da cansepa gi ñotssiave atesucan'faya. Tsa'caen ñotssiave atesucamba gi ti'tsse Chigave in'jamba ronda'je'faya.

Hebreo'su 11:33

Nane tsendeccuja Chigave in'jamba faesu andesundeccuma patsu'fa. Na'suve dapa israendeccuma ñotsse manda'fa. Chiga tise'pama ñotsse tsoña'choma pañamba in'jan'fa. In'jansi Chigaja tsa'caen tise'pama ñotsse tson. Cca'indeccu tise'pama fi'ttiye ttesinga ttova cati'fasi Chigaja ttesi aya'fama picco tise'pama ansa'ne.

Canjaen'cho 13:2

Ña atte'cho dyo'ccoa cocoyaja ttesiaca'en tsu ccutsu. Tise tsu'tteja oncomari tsu'tte'ca'on tsu. Tise aya'faja cuvo ttesi aya'fa'ca'on tsu. Nane cocoya na'su canjansija osha'cho va andeni'su jinchombe na'supa tsu dyo'ccoa cocoyama antte na'suve dapa cuintsu osha'choma mandaye. Toya'caen tise oshacho'choma tsu afe.

Jueces 14:6

Na'su Chiga Qquendya'pa Sansónma fuitesi tisu tivei'ccuyi ttesima sirian cati chivo du'shu chu'ama fi'ttiqquia'caen. Tsa'ma tsa'caen tsomba tise yaya ni tise mamanga condambi.

1 Samuel 17:15

sundarondeccui'ccu can'jembi'ma Saúlni japa toequi Beléni shanda tise yaya ovejama coira'jeye.

1 Samuel 17:33

Tsa'caen susi Saúlja su: —Ñoa'me queja va filisteoi'ccu iyiccoye oshambi. Nane queja toya chu'a. Tsa'ma tiseja chuitepie sundarove atesupa coen.

1 Samuel 17:35

tisema omboemba gi tise aya'fa'suma itsa. Nane ñama iyicca'ye'ninda gi tise ccotai'cco'ye indipa tisema ochha'chha fi'ttiya'ngae.