1 Samuel 17:12 - Cofán: Chiga Tevaen'jen

¹² Belén canqqueni tsu Judá'su a'i can'jen, tise inise Isaí. Nane Saúl can'jeinte Isaíja ñoa'me coenza ccashe'yeve dapa ocho dutssiyendeccuve an'bian. Fae'ccoja David tsu.

1 Samuel 17:12 ပူးပေါင်းရင်းမြစ်များ

Génesis 35:19

Tsa'caen Raquel pasi Efrata'su tsaiquinga a'tu'fa. Tsa tsu ja'ñojan Belén.

Miqueas 5:2

“Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

Mateo 1:6

Isaíja na'su David quitsa tsu. Davidja Urías'ye pasi tsandupajen'choma pushepa Salomón quitsa tsu.

Mateo 2:1

Jesúsja Belén canqqueni isu'cho. Judea ande'su canqque tsu. Herodes na'suite tsu Jesúsma isu'cho. Tsa'caen isusi biani'su injama'pandeqquia tisema can'su ji'fa. Chiga sombo'jene jipa Jerusaléni ca'nimba

Mateo 2:6

Queja Judá ande'su Belén canqque, Faesu Judá'su canqquema bove'ccombi qui. Nane que'ye tsu ande na'suja somboya. Tiseja ña aindeccuma tsu coirapa mandaya.

Rut 1:2

Tsa tsandie iniseja Elimelec. Tise pushe inise Noemí. Dutssiyendeccu tsu Mahlón toya'caen Quelión. Judá ande'su Belén canqque'su efrateondeccu tsu. Moabni japa can'jen'fa.

Rut 4:17

Tsama attepa pporotsse canjensundeccuja su'fa: —¡Noemíjan tisutsse isuqquia'caen du'shuve isu! Tsomba du'shuma inisian'fa Obedve. Nane omboe Obedja coenzave dapa Isaí yayave da. Jai'ngae Isaíja Israel na'su David yayave da.

Rut 4:22

Obed tsu Isaí yaya. Isaí tsu David yaya.

1 Samuel 1:1

Israel ande'su Efraín aindeccu can'jen'cho ccotta'cconi tsu Ramá canqque jin. Tseni tsu can'jen Zuf antiandeccu'su a'i tise inise Elcana. Tsa Elcana tsu Jeroham dutssi'ye. Tise yaya ccashe'ye tsu Eliú. Eliú yaya tsu Tohu. Tohu tsu ñoa'me Zuf dutssi'ye. Nane poiyi'cco tsu israe'su Efraín aindeccu'su.

1 Samuel 16:1

Tsonsi Na'su Chigaja Samuelma su: —¿Mi'nge'e qui Saúlne ñombi'ye? Tsangaeyi gi chi'ga tise ande na'suve ti'tsse can'jeñe. Tsa'cansi queja que aseitema angaqque'su can'chonga aseitema on'boemba jaja Belén canqqueni. Tseni nepipa Isaí tsaoni jaja. Nane tayo gi in'jamba ttu'se fa'e tise dutssiyendeccu'su cuintsu Israel na'suve daye.

1 Samuel 17:11

Saúl toya'caen poiyi'cco israendeccu filisteo aya'fama pañamba ñoa'me pa'ye'e dyo'fa.

1 Samuel 17:58

Isi Saúlja tisema iñajampaña: —Jaricho, ñanga condaja ¿majambe du'shu qui? Iñajampañasi Davidja su: —Ña gi Isaí dutssi'ye, tsa Beléni can'jemba quema shondo'su. Tsomba tse'i Davidja Saúl sundarondeccunga ca'nisi Saúl tisema ccutsian sundaro na'suve. Geraemba ñotsse patsusi tsu poi aindeccu Saúlma ti'tsse Davidma in'jan'fa. Tsa'caen in'jan'fasi, Saúlja injama'choni se'pipa Davidma chi'ga. Toya'caen David jai'ngae na'suve daya'cho qquen in'jamba tisema fi'ttiye in'jan. Tsa'cansi Davidja cca'tti cca'tti japa a'tu Saúl tisema fi'ttisa'ne.