1 Samuel 16:4 - Cofán: Chiga Tevaen'jen

⁴ Tsonsi Samuelja Na'su Chiga suqquia'caen tson. Beléni japa nepisi tsa canqque'su coenzandeccu ttun'dundu'je dyopa tisenga jipa su'fa: —¿Avujatsse ti qui ji?

1 Samuel 16:4 ပူးပေါင်းရင်းမြစ်များ

Génesis 35:19

Tsa'caen Raquel pasi Efrata'su tsaiquinga a'tu'fa. Tsa tsu ja'ñojan Belén.

Génesis 48:7

Nane ñajan Padan-aramni japa shandapa jiñasi que mama Raquelja pa. Nane Canaán andeni nepipa toya Efratani nepimbe'yi tsu pa. Tsa'caen pasi gi Efrata'su tsaiquinga a'tu. Tse'tti tsu ja'ñojan Belén.

Oseas 6:5

Tsa'cansi ña aya'fama afasundeccu afa'choi'ccu gi que'ima chattuqquia'caen dañomba ña aya'fai'ccu que'ima fi'tti. Nane tsanda veyaenqquia'caen gi cushoan'me a'ima injama'choma somboeñe atesu.

Lucas 2:4

Tsa'cansi Joséja Galilea ande'su Nasaret canqquene sombopa Judea andeni ja. Joséja David a'ipa Judeani japa Belén canqqueni ja. Tsa canqque tsu tayopi'su Na'su Davidma isu'cho canqque.

Lucas 5:8

Simón Pedroja avuma indi'choma attepa dyopa Jesúsnga tsutta'choi'ccu ccaru dyaipa su: —Na'su, ña'ñe joqquitssija. Ñanda gi egae tsincon'su.

Lucas 8:37

Tsa'caen condasesi poiyi'cco tsa Gadara andesundeccu ñoa'me dyopa Jesúsma iñajan'fa cuintsu tise'pa ande'ye sombopa ccani jaye. Tsonsi Jesúsja shavonga otsepa toequi shanda.

1 Samuel 21:1

Chigai'ccu cachuicco'je'tti Nobni ccutsusi Davidja Saúlne ccuyapa Chigama afa'su Ahimelecma can'su ja. Nepisi Ahimelecja dyoe'sui'ccu sombopa su: —Queja sundaro na'supa ¿jongoesie qui tisuyi ji? ¿Micomba tsu faesundeccu quei'ccu jacan'fambi?