1 Samuel 16:13 - Cofán: Chiga Tevaen'jen

¹³ Tse'faei'ccuyi Samuelja aseite an'bianqque'su can'choma isupa chu'ama feti ande na'suve poiyi'cco tise quindyandandeccu camboen'jen'fa'ni. Tsa chu'aja David tsu. Tisema na'suve fetisi tsu Na'su Chiga Qquendya'pa tisema in'jaemba quiñaen. Omboe Samuelja Ramáni ja.

1 Samuel 16:13 ပူးပေါင်းရင်းမြစ်များ

2 Samuel 12:7

Tsonsi Natánjan Davidma su: —¡Que qui tsa tsandie! Toya'caen tsu qquen Na'su israendeccu Chigaja quema su: ‘Quema gi ttu'se Israel na'suve daye. Toya'caen gi quema na'su Saúl'ye ccushaen.

2 Samuel 5:3

Tsa'caen in'jamba tsu poiyi'cco israe'su coenzandeccu Hebróni jipa na'su Davidi'ccu condasecco'fa. Condaseccopa tsu Davidja israendeccui'ccu fae'ngae injancco'fa'chove afa Na'su Chiga paña'jen'ni. Tsonsi tsu Davidma feti'fa poi israe'su na'suve.

Salmos 89:20

¡Attepa gi ttu'se ñama shondo'su Davidma! Ttu'sepa gi ña ñotssia aseitei'ccu tise tsovenga fiñamba na'suve tson.

Salmos 89:21

Minga'ni'qque ña tisema fuite'je'choja shacaya'bi. Nane ña quin'sui'ccu gi tisema quiñaeña.

Números 11:17

Tseni gi andepa que'i'ccu condasepa quenga afe'cho Qquendya'pama enttingeve isupa tsendeccunga afeya cuintsu quema fuitepa aindeccuma angacan'faye. Tsa'caen tson'nijan fae'ccoya'bi qui.

Juan 3:34

Nane Chigaja Tise Qquendya'pai'ccu se'pimbe'yi Tise moen'cho Jesúsma in'jaensi tsu pa'tssi Chiga Aya'fama afa'je.

Tson'fa'cho 13:22

Chiga Quitsaja tisema joqquitssiamba Davidma na'suve tson. Nane tsa Davidne Chiga Quitsaja afapa su: “Va David –Isaí dutssi'ye– tsa tsu ña in'janqquia'caen in'jamba pa'cco ña in'jan'choma pañamba tsoña.”

Hebreo'su 1:9

Ñotssiaveyi in'jamba qui egama chi'ga. Tsa'cansi Chiga Quitsa, que Chigaja, quema na'suve ccutsiansi qui queja poiyi'cco nasundeccuma ti'tsse avujatssi.

Hebreo'su 11:32

¿Ja'ñonda ti qui in'jan'fa? Nane a'ta tsu shaca pa'tssima condaye ma'caen a'i Chigave in'jamba tson'fa'choma. Nane tayopi'su a'i, Gedeón, Barac, Sansón, Jefté, David, Samuel, poiyi'cco Chiga Aya'fama afasundeccu'qque Chigave in'jamba ñotsse tson'fa.

Jueces 13:25

Toya Sansón Dan aindeccu can'jeni can'jen'ni tsu Chiga Qquendya'pa tisema in'jaeñe ashaen. Tise'pa can'jen'tti tsu Zora toya'caen Estaol canqque enttingeni.

Jueces 14:6

Na'su Chiga Qquendya'pa Sansónma fuitesi tisu tivei'ccuyi ttesima sirian cati chivo du'shu chu'ama fi'ttiqquia'caen. Tsa'ma tsa'caen tsomba tise yaya ni tise mamanga condambi.

Jueces 3:10

Na'su Chiga Qquendya'pa Otonielma in'jaensi israendeccuma angacan. Tsa'caen israendeccu Cusan-risataima iyiccoye ja'fasi Na'su tise'pama fuite cuintsu patsu'faye.

1 Samuel 1:19

Ccaqui a'ta sinte'yi jangipa Na'su Chigama iñajan'fa. Iñajan nanimba toequi tise'pa Ramá canqque'su tsaoni ja'fa. Can'jemba Elcana Anai'ccu fae'ngae can'jensi Na'su Chigaja Ana iñajan'choma in'jan.

1 Samuel 10:1

Tsonsi Samuelja aseite an'bianqque'su can'choma isupa Saúl tsovenga fiñamba tisema mochapa su: —Qquen gi canjaen Na'su Chiga quema ttu'sepa Israel ande na'suve ca'nia'choma. Nane tise aindeccuma qui mandapa tise'pama ccushaeña filisteondeccu'ye.