1 Samuel 16:12 - Cofán: Chiga Tevaen'jen

¹² Tsa'caen susi Isaí mandasi i'fasi chu'aja cujujutssia du'shu ji. Ñoa'me me'detssipa tise camba'ju'qque ñotssia. Tsonsi Na'su Chigaja Samuelnga su: —Va tsu ña in'jan'cho. Jangipa tisema fetija ande na'suve.

1 Samuel 16:12 ပူးပေါင်းရင်းမြစ်များ

Génesis 39:6

José tsa'caen pa'cco tise'bema ñotsse manda'jesi Potifarja jo'su añeñi jipa an'jen. Joséja quinsetssipa me'detssia a'i.

Salmos 2:2

Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Na'su Chigai'ccu iyiccoye. Tise in'jan'cho na'suma'qque tsu iyicca'ye'fa.

Salmos 2:6

“Tayo gi ña na'suma ttu'sepa Zióni ccutsian, tsa ña ñotssia ccotta'cco'ye, cuintsu mandaye.”

Salmos 78:70

Toya'caen tise in'jan'cho shondo'su Davidma in'jamba ovejama coira'su sema'ba'ye tisema somboen.

Éxodo 2:2

Can'jensi dushundeccuve an'biamba ccase surie dapa tsandie du'shuve isu. Isupa cansi tsa du'shu me'detssisi attepa tres ccovu pa'cco a'tupa an'bian.

Tson'fa'cho 4:27

Ñoa'me tsu va canqqueni Na'su Herodes, Governaror Poncio Pilato'qque, israembindeqquia, israendeccu'qque bopa quembe ño'a Dutssi'ye Jesúsma iyicca'ye'fa.

Tson'fa'cho 7:20

Tsa'caen manda'je'ni Moisésma isu. Tsave tsu Chiga in'jan'cho. Tsa'cansi tise yaya tsaoni a'tutsse coirapa an'bian'fa tres ccovuve.

Hebreo'su 11:23

Israendeccuja bo'tsse Egiptoni can'jemba semamba vana'jen'fa. Moisésve isupa tise yaya tise mama Chigave in'jamba Egipto ande'su na'suma dyo'fambi. Nane na'suja tayo tsu israendeccuma manda cuintsu tsandie du'shuve isu'ta fi'tti'faye, israendeccu panshaen tsain'bitsse atapasa'ne. Tsa'ma Moisésja me'deccoa du'shusi tres ccovuve tisema fi'ttimbe'yi tsaoni a'tutsse an'bian'fa.

1 Samuel 17:42

Filisteoja Davidma attepa ñoa'me chu'a me'deccopa toya cujujutssi qquen in'jamba aqquia cofe'je qquen in'jamba

1 Samuel 17:55

Tsequi a'ta David filisteoi'ccu cachuiccoye jasi na'su Saúlja tise ti'tsse'tssia sundaro na'su Abnerma iñajampaña: —Abner, ¿majan tsu va du'shumbe yaya?

1 Samuel 9:17

Omboe Saúl jisi Samuel tisema attesi Na'su Chigaja su: “Va tsu ña su'cho tsandieja. Tise tsu ña aindeccuma mandaya na'suve dapa.”