1 Samuel 15:23 - Cofán: Chiga Tevaen'jen

²³ Chiga su'choma chi'ga'cho tsu cocoyama iñajanqquia'caen tson'cho. Tisuyi in'jan'cho tsu ñoña'cho chigama in'janqquia'caen tson'cho. Nane que tise su'choma chi'gasi tsu quema ande na'suve an'biañe chi'ga.

1 Samuel 15:23 ပူးပေါင်းရင်းမြစ်များ

Génesis 31:19

Jacob tsa'caen jaye ashaenqui Labánjan biani can'jen tise oveja tosema chattu'su japa. Tsa'caen biani jacansi Raquelja tise yaya an'bian'cho ñoña'cho chigama cca'namba anga.

Génesis 31:34

Toya ca'nimbi'ta Raquelja tsa chigandeccuma cameyonga ottaemba dyai'je'chombe tsosiccufa'su bosanga ppiñamba tsambe ombanga dyai. Labánjan tsa'caen ca'nimba pa'cco tsa'oma tta'tta'ma attembi.

2 Samuel 12:9

¿Micomba qui Na'su Chiga aya'fama chi'gapa tise in'jambi'choa've tson? Queja Uríasma fi'ttipa tise pushema itsa tisumbe. Nane amonita sundaroi'ccu qui tisema fi'ttian.

Números 14:9

¡Tsa'ma Na'su Chigama pañambiqquia'caen tson'fajama ni tsa ande'su aindeccuma dyo'fajama! Nane tsendeccumanda gi panma anqquia'caen patsu'faya. Toya'caen majan tise'pama fuiteya'chove me'i'on tsu. Tsa'ma ingimajan Na'su Chiga tsu fuiteya. Tsa'cansi —¡Dyo'fajama!

Tson'fa'cho 13:22

Chiga Quitsaja tisema joqquitssiamba Davidma na'suve tson. Nane tsa Davidne Chiga Quitsaja afapa su: “Va David –Isaí dutssi'ye– tsa tsu ña in'janqquia'caen in'jamba pa'cco ña in'jan'choma pañamba tsoña.”

2 Corinto'su 6:16

¿Tivei'ccu ñoña'cho chigata ti Chiga ettini jincho? Me'i. Nane Chiga que'i ai'voni can'jensi qui que'ija ñoa'me Chiga etti'fa. (Tsa'cansi ñoña'cho chigaja fae'ngae jinchoye oshambi.) Nane Chigaja que'ine su: Ña gi tise'pai'ccu can'jemba jacaña. Tise'pa Chigave gi daya. Tise'paja ña a'ive tsu da'faya.

Galacia'su 5:20

agattoen'su Chigama in'jambipa faesu chiga'ca'me ñoñamba in'jan'fa; faenga'suma dañoñe coragave da'fa; chi'ga'fa; iyicco'fa; injama'choni faesuma se'pi'fa; iyicca'yeyeyi jincho'fa; faesuma patsuye in'jan'fa; tisupanaccuyi in'jamba faesundeccumajan chi'ga'fa; ccaningae atesian'choma pañamba in'jan'fa;

Canjaen'cho 21:8

Tsa'ma poi dyopa ñama atiensundeccu, poi ñame in'jambindeccu, egave ttattapa tsave in'jan'chondeccu, cca'ima fi'ttisundeccu, poi tsandie, pushesu injanga fae'ngae egae can'jensundeccu, poi coragandeccu, poi ñoña'cho chiga'ca'me in'jan'chondeccu, poi afopoensundeccu'qque tsu asufre si'nge singu'ccunga japa tsangae pa'faya'cho.

Canjaen'cho 22:15

Tsa'ma canqque tsotefani tsu egae tsinconsundeccuja can'jen'faya. Majan a'i ain in'janqquia'caen in'jamba egae tsinconsundeccu tsu tsotefani can'jen'faya. Coragandeccu, poi tsandie, pushesu injanga fae'ngae egae can'jensundeccu, cca'ima fi'ttisundeccu, afopa'cho chiga'ca'me in'jansundeccu, nane poiyi'cco majan afopoeñe in'jamba tsa'caen afopoemba cansesundeccu tsu canqque tsotefani can'jen'faya.

1 Samuel 13:14

Tsa'ma ja'ño tise manda'choma pañambisi tsu Na'su Chigaja quema somboemba faesuma ca'niaña tise aindeccumbe na'suve. Nane tsa tsandieja ñoa'me Chiga in'janqquia'caen tsu in'jaña.

1 Samuel 16:1

Tsonsi Na'su Chigaja Samuelma su: —¿Mi'nge'e qui Saúlne ñombi'ye? Tsangaeyi gi chi'ga tise ande na'suve ti'tsse can'jeñe. Tsa'cansi queja que aseitema angaqque'su can'chonga aseitema on'boemba jaja Belén canqqueni. Tseni nepipa Isaí tsaoni jaja. Nane tayo gi in'jamba ttu'se fa'e tise dutssiyendeccu'su cuintsu Israel na'suve daye.