1 Samuel 15:22 - Cofán: Chiga Tevaen'jen

²² Tsonsi Samuelja su: ¿Na'su Chigata ti avujaya oque oraemba afe'ninda? Nane ti'tsse avujatssi tsu tise manda'choma pañasi. Ñotsse pañañe tsu afe'choma bove ñotssi.

1 Samuel 15:22 ပူးပေါင်းရင်းမြစ်များ

Génesis 4:4

Toya'caen Abelja tseyi isu'cho oveja du'shuma fi'ttipa yayapatssi nama ipa afe.

Éxodo 19:5

Tsa'camba que'i ñama ñotsse pañamba ñai'ccu injancco'ta qui ñoa'me ña aindeccu'faya. Nane poi ande'su aindeccu tsu ñambe'fa. Tsa'ma que'ija poiyi'cco aindeccuma ti'tsse ñambe'faya qui.

Jeremías 26:13

Tsa'cansi que'i canse'choma que'i tson'choma'qque tansian'faja. Na'su que'i Chigama ñotsse paña'faja. Nane tsa'caen tson'ninda tsu Chigaja tise que'inga egae tsoña'chove su'choma tsoña'bi.

Oseas 6:6

Ñanda gi osha'cho afe'choma ñanga afembe'yi ñama ñotsse in'jan'faye que'ima in'jan. In'jan gi cuintsu jongoesuma oque oraembe'yi ñama in'jan'faye que'i Chigave.”

Mateo 12:7

Tayopi Chigaja a'inga su: “Osha'cho fi'ttipa oque oraemba afe'choma in'jambipa gi que'i tisupapora injancco'fa'choma in'jan.” Tsa'ma que'ija tsa su'choma paña'ma in'jan'fambi. In'jan'choecan'da qui ñotssia a'imbe injama'choma somboen'fambiye'can.

Mateo 23:23

¡Vana'faya qui manda'choma atesiansundeccu! ¡Vana'faya qui fariseondeccu! Ño'ame attiamba ega'fa qui. Que'ija osha'choma decimo enttingeccoeyi Chiganga afeye atesu'fa, Tisema avujaeñe. Nane pa'cco ccoma, pa'cco cuña, pa'cco shinccapama'qque qui Chiganga decimo enttingeccoeyi afeye atesu'fa. Tsa'ma tsa'caen afe'a'qque manda'cho ti'tsse in'jan'choma qui cati'fa. Nane poiyi'ccoma fae'ngatsse tsoñe qui in'jan'fambi. Mendeqquiama qui ñotsse mende'ye'fambi. Ñoa'me tisu suqquia'caen tsombipa qui injanga canse'fa. Aqque'pa'fajama Chiganga afeye. Tsa'ma Chiga mandaqquia'caen canseye tsu ñoa'me tsoña'cho.

Mateo 5:24

que Chiganga afe'je'choma afembe'yi tse'ttinga catija. Catipa tsu tse'faei'ccuyi junde faenga'sunga japa ñoquiaña'cho. Tayo ñoquiamba toequi jipa que afe'je'choma Chiganga afeja.

Marcos 12:33

Nane pa'cco injama'choi'ccu, pa'cco canse'pai'ccu, pa'cco in'jan'choi'ccu, pa'cco ai'voi'ccu Chigama in'jañe, toya'caen tisuma in'janqquia'caen tisupapora in'jañe'qque –tsa tsu pa'cco oque oraen'choma bove ñotssi. Tsa tsu pa'cco Chiganga fi'ttipa afe'choma'qque bove ñotssi.

1 Samuel 13:13

Samuelja Saúlnga su: —Queja ñoa'me sumbie dapa qui tson. Nane Na'su Chiga quenga manda'choma catipa qui injanga tson. Que tise manda'choma in'jan'choecan'da tsu Chigaja tsangae quema Israel na'suve an'biañe'can.