1 Samuel 15:11 - Cofán: Chiga Tevaen'jen

¹¹ —Ñombi'ye gi Saúlma na'suve ca'niamba. Nane tiseja ñama catipa ña manda'choma pañambisi gi ñombi'ye. Samuelja Na'su Chiga su'choma pañamba injama'choni zuccopa pa'cco cose Na'su Chigama iñajan'jen.

1 Samuel 15:11 ပူးပေါင်းရင်းမြစ်များ

Génesis 6:6

attepa in'jamba ñombi'ye aindeccuve tayo agattoemba. Nane Tise agattoen'chone asi'ttaemba injama'choni ñombi'yepa

Génesis 6:7

su: “Pa'cco andema gi ccuchaya poiyi'cco ña agattoen'cho aindeccuma sefaeñe. Nane a'i, osha'cho cansepa andenga jacanqque'su, andenga manguqque'su, sefani chhajeqque'suma'qque gi ccucha fi'ttiya. Ñombi'ye gi tise'pave tayo ñoñamba.”

1 Reyes 11:9

Tsa'cansi Na'su israendeccu Chiga tsu Salomónma iyicca'ye tise injama'choni tsa'caen qquepa Na'su Chigama catisi. Nane Chiga dos se tisenga attiamba

Salmos 109:4

Tise'pama ñotsse tsonsi ccane'qque ñama egae tson'fa. Tsa'ma toya gi tise'pane ñotssiave Chigama iñajan'jen.

Salmos 110:4

Na'suja qquen tansintsse supa ccaningae afaya'bi: “Que qui tsangae a'ine ñama afa'suve daya. Nane Aarón'cambipa qui Melquisedec'caen daya.”

Salmos 36:3

Tise aya'fai'ccu egae afapa afopoemba ñoa'me injama'cho shacasi ñotsse tsoñe oshambi.

Salmos 78:41

Injanga tson'ñaccapa Chiga iyicca'yepa tson'jen'chove atesu'fa. Tsa'caen tsomba Israel Ñotssia Joccapitssia Chigama ñoquimbian'fa.

Salmos 78:57

Tise'pa tayopi'su coenzandeccu tsonqquia'caen Chigama catipa tise've in'jan'fambi. Battittianccu tansintsse battiañembiqquia'caen tise'pa tsoña'choma tansintsse tson'fambi.

Éxodo 32:11

Moisésja tsa'caen in'jambipa Na'su Chigama ñoquiañe in'jamba qquen su: —Ña Na'su, ¿jongoesie qui que aindeccuma iyicca'ye? Nane queyi qui tise'pama Egiptone somboen osha'cho paqque'sui'ccu tsomba.

Éxodo 32:14

Moisés tsa'caen susi Na'su Chigaja tise aindeccuma dañoñe in'jan'choma antte.

Jonás 3:10

Chigaja Nínive'su a'i egae tson'choma anttepa ñotsse canseye in'jan'choma atesupa ñoquipa tise'pama sefaen catiye su'choma antte.

Jonás 4:2

Tsa'camba Na'suma iñajamba qquen su: —Na'su que canjan. Ña toya tisu andeni can'jen'ni que su'nijan tayo gi in'jan que qquen tsoña'choma. Tsa'camba gi junde Tarsisni ccuyapa jaye in'jan. Nane in'jan gi que qui Chiga ño'an, a'ima mendeye'su, junde iyicca'ye'ma'sia qui. Nane queja ñoa'me a'ima vanaeñe supa junde ñoquipa tise'pama antte.

Mateo 24:13

Tsa'ma majan ta'etssia injama'chopa osefaeña'gae anttembe'yi in'jan'da tsu ccushaya.

Mateo 5:44

Tsa'ma ñanda gi que'ima su: Que'ima chi'ga'fa'niqque ñotsse in'jan'faja. Que'ima afasesundeccuma ñotsse afa'faja. Que'ima chi'gasundeccuma ñotsse tson'faja. Que'ima afasepa noñangiansundeccuma in'jamba tise'pane Chigama iñajan'faja.

Lucas 6:12

Faesu a'ta Jesús ccotta'cconi japa ansunde Chigama iñajañe. Pa'cco cose Chigama iñaján can'jen.

Hebreo'su 10:38

Tsa'cansi tsu Chigave in'jamba ño'ame da'chondeccuja Cristove in'jamba ro'ndá canse'faya'cho. Tsa'ma majan injama'choni Cristoma catipa in'jambian'da Chigaja tisema iyicca'yeya.

1 Samuel 13:13

Samuelja Saúlnga su: —Queja ñoa'me sumbie dapa qui tson. Nane Na'su Chiga quenga manda'choma catipa qui injanga tson. Que tise manda'choma in'jan'choecan'da tsu Chigaja tsangae quema Israel na'suve an'biañe'can.

1 Samuel 15:10

Tsa'caen tson'fasi Na'su Chigaja Samuelnga su:

1 Samuel 15:3

Tsa'cansi japa amalecitandeccui'ccu iyiccopa nanitsse tise'pama fi'tti'faja. Nane pa'cco tise'pambema tsu tsangae catiya'cho. Tsandiendeccu, pushesundeccu, dushundeccu, aipanondeccuma'qque fitti'ttipa toya'caen tise'pa vaura, oveja, cameyo, boroma'qque tsu pa'tssima metsse fitti'tti sefaeña'cho.’

1 Samuel 15:9

Toya'caen Saúlja, tise'pa sundarondeccui'ccu bove ñotssia oveja, vaura, yayapatssia vaura du'shu, oveja du'shuma'qque —nane osha'cho ñotssiama fi'ttimbeyi antte'fa. Tsa'ma osha'cho barembi'choamajan metsse fittitti'fa.

1 Samuel 16:1

Tsonsi Na'su Chigaja Samuelma su: —¿Mi'nge'e qui Saúlne ñombi'ye? Tsangaeyi gi chi'ga tise ande na'suve ti'tsse can'jeñe. Tsa'cansi queja que aseitema angaqque'su can'chonga aseitema on'boemba jaja Belén canqqueni. Tseni nepipa Isaí tsaoni jaja. Nane tayo gi in'jamba ttu'se fa'e tise dutssiyendeccu'su cuintsu Israel na'suve daye.

1 Samuel 8:6

Tsa'caen ande na'suve iñajan'fasi Samuelja in'jambipa ñombi'ye. Ñombi'yepa Chigama iñajan.