1 Samuel 1:11 - Cofán: Chiga Tevaen'jen

¹¹ Iñajamba Na'sunga ñoa'me su'chove qquen afa: “Na'su Chiga, que qui Osha'choma Oshacho. Ña quema shondo'suma injan'jemba ñoa'me mende'yepa tsandie du'shuve ñanga afe'ninda gi tsamajan toequi quenga ccase afeya. Afesi tsu quema shondo'suve dapa canseya. Toya'caen tise tosema cha'ttumbe'yi tsu canseya'cho tiseja quembe qquen canjaeñe.”

1 Samuel 1:11 ပူးပေါင်းရင်းမြစ်များ

Génesis 28:20

Tse'ttinga tsu Jacobja ñoa'me su'chove afa: “Chiga ñai'ccu jacamba ña qquen jacan'choma coirapa angacamba jongoesu anqque'su toya'caen ondiccuqque'suma afesi

Génesis 29:32

Leaja surive dapa fae tsandie du'shuve isu. Isupa su: “Na'su Chigaja ña ñombi'ye'choma atte. Tsa'cansi ja'ño tsu ña tsa'nduja ñama in'jaña.” Tsa'caen supa tsu tsa du'shuma inisian Rubén.

Génesis 30:22

Tsa'ma Chigaja Raquelma injan'jemba tise iñajan'choma paña. Tsa'caen pañamba antte cuintsu du'shuve isuye.

Génesis 8:1

Tsomba tse'i Chigaja Noé, poiyi'cco tisei'ccu tsa'o shavoni can'jen'cho cansian jincho'choma'qque injan'jemba fingiama mandamoen cuintsu andema samboeñe. Fingiansi na'enjan sambaye ashaen.

Éxodo 4:31

Tsama pañamba aindeccuja ñotsse in'jan'fa. Na'su Chiga tise'pama injan'jemba tise'pa vana'jen'choma attesi puntssamba Chigama iñajan'fa.

Números 21:2

Tsa'caen tson'fasi israendeccuja Na'su Chigama ñoa'me su'choi'ccu qquen su'fa: “Nane que va aindeccuma patsuye ingima fuite'ninda gi poiyi'cco va ande'su canqquema metsse sefaen'faya.”

Jueces 13:5

Tsandie du'shuve qui isuya. Tiseja tisu tosema chattu'jeya'bi tsu. Nane tsa du'shuja toya isuyembiteyi Chiga ñotsse injan'chopa tsu nazareo a'iya. Tisei'ccu tsu Na'su Chigaja ashaeña israendeccuma filisteondeccu'ye ccushaeñe.”

1 Samuel 1:10

Nane Anajan i'namba injama'cho tsosipie ñombi'yepa Na'su Chigama iñajan.

1 Samuel 1:12

Tsa'caen Ana bia'ave Na'suma iñajan'jensi Chigama afa'su Elíja aya'fa oya'je'choma atte.

1 Samuel 1:19

Ccaqui a'ta sinte'yi jangipa Na'su Chigama iñajan'fa. Iñajan nanimba toequi tise'pa Ramá canqque'su tsaoni ja'fa. Can'jemba Elcana Anai'ccu fae'ngae can'jensi Na'su Chigaja Ana iñajan'choma in'jan.

1 Samuel 1:22

Tsa'ma Anajan jambe shanda tise tsa'ndunga qquen supa: —Du'shu toya chochoma anttembichoa'ma angaya'bi gi. Tsa'ma chochoma anttesi gi Chigai'ccu cachuicco'je'ttinga angapa tseni tisema antteye cuintsu tsangae Na'su Chigama shondo'suve daye.

1 Samuel 1:27

Va du'shuve Chigama iñajansi tsu Na'su Chigaja ñama pañamba ña iñajan'choma ñanga afe.

1 Samuel 1:28

Tsa'caen afesi gi ccane'qque tisema Na'su Chiganga afe cuintsu paya'ngae tisema shondoye. Elíja tsama pañamba puntssamba Chigama iñajan.