1 Reyes 8:57 - Cofán: Chiga Tevaen'jen

⁵⁷ “Tsa'cansi ja'ño gi in'jan'fa cuintsu Na'su ingi Chiga ingi tayopi'su antiandeccui'ccu can'jenqquia'caen ingi'ccu can'jeñe. In'jambi gi tise ingima joqquitssiamba catiye.

1 Reyes 8:57 ပူးပေါင်းရင်းမြစ်များ

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Mateo 1:23

Toya tsandiei'ccu cansembi'choa pushesu tsu surie dapa tsandie du'shuve isuya. Du'shumbe iniseja Emanuelya tsu. Chiga ingi'ccu can'jen, qquen tsu suye in'jan.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Romanos 8:31

Tsa'caen tso'ninda ¿jongoe qquen gi su'faya? Chiga ingima in'jan'ninda ¿majan tsu ingima patsuyeja osha?

Deuteronomio 31:6

Que'i injama'choma ñoñamba quinse'tsse iyicco'faja. Dyombe'yi tise'pai'ccu geraen'faja. Nane Na'su que'i Chiga tsu que'ima catimbe'yi que'i'ccu fae'ngae iyiccoya.”

Deuteronomio 31:8

Na'su que Chigaja quema o'tie japa quei'ccu can'jeña. Tiseja quema catiya'bi ni chi'gaya'bi. Tsa'cansi dyojama ni injansejama.”

Hebreo'su 13:5

Panshaen corifin'dive in'jambe'yi canse'faja. Chiga Quitsaja su: “Ñajan que'ima catiya'bi gi. Tsangae gi que'ima an'biaña.” Tsa'caen Chiga su'choma in'jamba que'i tayo an'bian'choi'ccuyi ñotsse avujatsse canse'faja.

Josué 1:5

Pa'cco que cansuite gi quema quiñaeña faesu quema joqquitssiansa'ne. Ña Moisési'ccu can'jenqquia'caen gi quema'qque quiñaeña. Minguite'qque gi quema tisuveyi catiya'bi.

Josué 1:9

Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”