1 Reyes 8:53 - Cofán: Chiga Tevaen'jen

⁵³ Nane poi ande'su aindeccu'ye qui israendeccuma ttu'sepa isu tisumbe. Queja, Na'su Chiga, tsa'caen tsomba quema shondo'su Moisési'ccu tsama canjaen ingi tayopi'su antiandeccuma Egipto'ye somboemba.”

1 Reyes 8:53 ပူးပေါင်းရင်းမြစ်များ

Éxodo 33:16

Nane tsa'caen que fuitecambian'da gi faesu aindeccui'ccu fae'ngatssia've da'faya. Tsa'ma que ingi'ccu fae'ngae jacamba fuite'yi'ta gi in'jan'fa ingija que aindeccu'fa toya'caen que ingima ñotsse in'jan'chove'qque.

Números 23:9

Va se'fatssia ccotta'cco'su patuvo'cho'ye gi atteye osha. Vambe tansin'chone gi can. Tsa aindeccuta tsu cca'tti can'jen'fa. Faesu a'iacan'fambi tsu. Sisipa'caen tsu tsendeccuja tsain'bitssi'fa.

Efeso'su 1:18

In'jan gi Chigaja que'i tso'fema bittaenqquia'caen que'i injama'choma fettasi que'i jai'ngae daya'chove atesu'faye. Ñoa'me'qque osha'cho ñotssiama qui jai'ngae isu'faya. Poiyi'cco Chiga in'jan'cho a'inde'ccui'ccu fae'ngae qui isu'faya.

Titonga 2:14

Tise tsu tisuma afepa pa ingima ccushaeñe osha'cho egae tsincon'cho'ye. Ingima tsu ccushaen cuintsu tise a'ive dapa egae tsincon'chove mecho canse'faye. Ñoa'me ingija tise aindeccupa gi ñotsse tsoña'chove in'jamba canse'fa.

1 Pedro 2:9

Tsa'ma que'imajan Chiga in'jamba ttu'sesi qui Tisema afasundeccuve dapa Na'suma shondocan'fa. Que'ija egave mechoa aindeccu qui. Que'ija Chigambe a'i'fa qui Tise ñotsse tson'choma condaseye. Tiseja que'ima ttu'sepa sinttia'ye somboen Tise ñotssia a'tatssiani can'jen'faye.