1 Reyes 5:6 - Cofán: Chiga Tevaen'jen

⁶ Tsa'cansi mandaja cuintsu Libano ande'su shaga'ttoma ttuttupaen'faye. Ñambe semasundeccu tsu fae'ngae quembe semasundeccui'ccu semamba fuite'faya. Toya'caen que mi'nge'tsse su'ninda gi tsa'cantsse afepoeña quembe semasundeccunga. Nane que in'janqquia'caen me'i'on tsu ingi a'i'su majañi'qque Sidóni'su a'ia'caen mesama doñañe atesu'chove.”

1 Reyes 5:6 ပူးပေါင်းရင်းမြစ်များ

Génesis 10:15

Canaánjan Sidón quitsa tsu. Tsaja tise dutssi'ye coenza. Tise faesu dutssi'yeja Het tsu.

Romanos 12:17

Faesu que'ima egae tsonsi ccane'qque tsa'caen egae tson'fajama. Tsa'ma poiyi'cco a'i caña'jen'ni ñotsse tson'choveyi tson'faja.

Efeso'su 4:7

Tsa'ma Cristoja poiyi'ccoma ccaningae in'jaemba fuite'je. Ma'caen in'jamba Tiseja tsa'caen ingima in'jaemba fuite'je.

Filipo'su 4:8

In'jan'chondeccu, ja'ño osefaeñe gi que'ima afa'je: tansintsse su'choma ñotsse in'jan'faja. Ñotsse in'jamba jincho'choma'qque ñotsse in'jan'faja. Tansintsse tson'choma, egae jinchombi'choama, ñotsse in'janqque'suma, toya'caen poi a'i ñotssiave condase'fa'choma, ñotsse in'jan'faja. Osha'cho ñotssiama, osha'cho Chiganga ñotsse afaqque'suma ñotsse in'jan'faja.