1 Reyes 4:21 - Cofán: Chiga Tevaen'jen

²¹ Nane Salomónjan poi faesu nasundeccuma patsupa manda'je Eufrates naine ashaemba filisteo andepi toya'caen Egipto ande utufangae. Poiyi'cco tseni'su nasundeccu Salomón cansuiteja tisema pañamba poi canqque'fa tise iñajan'cho corifin'dima afepoen'jen'fa.

1 Reyes 4:21 ပူးပေါင်းရင်းမြစ်များ

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

1 Reyes 12:4

—Que yaya'yeja quian'me ingima mandapa semoen. Ja'ño que na'suve dapa tsa'caen semoembipa ni panshaen semañe mandambiya'ninda gi quema shondo'faya.

1 Reyes 3:13

Toya'caen que afambi'choama'qque gi quenga afesi qui ricove dapa joccapitssia've daya. Nane que cansuiteta tsu faesu ande na'suja quia'caen ti'tsse'tssiya'bi.

2 Reyes 17:3

Omboe Salmanaser, Asiria'su na'su, Israeli'ccu geraemba Oseasma patsu. Tsa'caen Israel Asiriama fuitesi Oseas gobierno'qque poi canqque'fa Salmanasernga afepoen'jen.

Éxodo 23:31

Ñanda gi antteya cuintsu que'i ande qquen jinchoye: Cu'a marne ashaemba Filisteondeccu marni nepiya'cho. Toya'caen a'i menia'ñe ashaemba Eufrates naini nepiye. Nane quenga gi tayo afe tsa aindeccu can'jen'cho andema. Tsa'cansi que'i qui tise'pama tteya maña'faya.

Josué 1:4

Que'i andeja a'i menia'ñe ashaemba já Líbano toya'caen tsa rande Eufrates na'empi ne'pitssiya. Nane pa'cco hitita'su ande mar randepi gi que'inga afeya.