1 Reyes 4:20 - Cofán: Chiga Tevaen'jen

²⁰ Judándeccu toya'caen israendeccu ñoa'me tsain'bitssipa agattoye oshambi'tssi. Nane mar otafa'su sisipa'can'tssi tsu. Tsa'ma anqque'su toya'caen cuiqque'su'qque shacambisi tsu poiyi'cco a'i avujatssi'fa.

1 Reyes 4:20 ပူးပေါင်းရင်းမြစ်များ

Génesis 13:16

Ña anttesi tsu tsendeccuja ande'su sisipa'caen tsain'bitssia've da'faya. Nane sisipafo'choma agattoye oshambiqquia'caen tsu que dutssiyendeccuja agatto'ma'sia've da'faya.

Génesis 15:5

Tsa'caen supa Na'suja Abramma tsoteni angapa su: —Sefacconima ñotsse camba o'fema agattocanjan; da osha've'se qui. Nane tsa'caen tsu que dutssiyendeccuja agattoye oshambi'tsse atapaya.

Génesis 22:17

Que omba'su dutssiyendeccuma gi tsain'bitsse ñotsse tsoña. Nane tise'pama gi atapoeña cuintsu sefacconi'su o'fema agattoye oshambiqquia'caen, marni'su sisipafo'choma agattoye oshambiqquia'caen, tise'pama'qque agattoye osha'fambiye. Toya'caen tise'pama egae tsonsundeccuma'qque tsu patsu'faya.

Génesis 32:12

Que qui ñoa'me a'tatsse ñanga conda ñama ñotsse tsomba ña omba'su dushundeccune'qque tsain'bitsse atapa'faya marni'su sisipa sheque'choma agattoye oshambiqquia'cantsse.”

1 Reyes 3:8

Tsa'ma ja'ño quema shondo'su gi va que in'jamba ttu'se'cho aindeccuma mandaya'cho. Nane que aindeccuja ñoa'me tsain'bio'pa agattoye oshambi'tssi.

2 Reyes 18:31

¡tisema paña'fajama!

Job 1:18

Tsa'caen tise afa nani'ccu faesu'qque jipa qquen su: —Que dutssiyendeccu, onquengendeccu'qque antian coenza tsaoni fiestaen'jen'fa'ni

Miqueas 4:4

Tsa'ma poi a'i opatsse cansepa tisupa o'fa tsaja ccaqueje tumbianccuni, tsambi'ta tisupa higuera tsosiccuni dyai'faya. Na'su Osha'choma Oshacho'cho tsa'caen susi ¿majan tsu tise'pama dyoñaña?

Tson'fa'cho 2:46

Poi a'ta fae injama'choa'caen in'jamba Chiga ettinga fae'ngae bo'fa. Toya'caen tise'pa tsaoni fae'ngae bopa Jesúsve injan'jeña'cho panma doñamba an'fa. Injama'choni avujatsse se'pimbe'yi fae'ngae tise'pa cui'ccuma cu'i'fa.