1 Reyes 3:9 - Cofán: Chiga Tevaen'jen

⁹ Tsa'cansi in'jan gi ña quema shondo'sunga que afesi ñajan jongoesu tsu ñotsse tson'cho qquen in'jamba, jongoesu tsu egae tson'cho'qque in'jañe. Nane tsa'caen in'jamba gi que aindeccuma ñotsse mandaya. Nane tisuyi gi oshambi va que in'jan'cho aindeccuma mandaye.”

1 Reyes 3:9 ပူးပေါင်းရင်းမြစ်များ

1 Reyes 3:10

Salomón tsa'caen in'jamba afasi Na'su Chigaja avuja.

Jeremías 1:6

Pañamba ñajan su: “¡Ai, Na'su! ¡Ñajan toya chu'a! ¡Afaye atesumbi gi!”

Daniel 2:21

Tsayi tsu canqque'fa, ccovu, a'ta, cose, coejefa, sanfane'qque cambiamba na'suma somboemba ca'niañe'qque osha. Atesu'chondeccunga tsu atesuqque'suma afe. Toya'caen injama'pandeccunga tsu ti'tsse in'jan'faya'chove afe.

Mateo 3:11

Que'i egae tsincon'choma chi'gapa catiye in'jansi gi tsa'ccui'ccu que'ima feti'je. Tsa'ma ñama ti'tsse'tssia tsu jiña. Ñajan utu'ccoa. Shaca gi tise sapatoma anga'suve ca'niñe. Tise jipa tsu Chiga Qquendya'pai'ccu que'ima fetiya. Tsambi'ta si'ngei'ccu fetiqquia'caen tsu injama'choma somboeña.

Mateo 3:14

Tsa'ma Juanjan tisema se'piye in'jamba qquen su: —Ña gi quenga fetiyeya'cho. ¿Jongoesie qui queja ñanga fetiyeye ji?

Juan 5:30

Tisuyi'ta gi tsoñe oshambi. Tsa'ma ñama mandaqquia'caen gi tansintsse afa'je. Nane tansintsse in'jamba gi tansintsse afa'je. Ña in'jan'chove in'jambipa ñama moen'su Chiga Quitsa in'jan'chove gi in'jan.

2 Corinto'su 2:16

Pañambipa qqueya'chondeccunga gi tssu'jutssi'fa tise'pa tsangae paya'chone canjaemba. Tsa'ma pañamba ccushaya'chondeccunga gi ño'metssi'fa tise'pa tsangae canseya'chone canjaemba. ¿Osha'fa ti gi tsa'caen Cristone canjaeñe? Ju, osha'fa gi.

2 Corinto'su 3:5

Tisuyi gi jongoesuve tsoñe osha'fambi. Tsa'ma Chiga ingima in'jaensi gi Tise tson'choma tson'fa.

Efeso'su 5:17

Toya'caen injamambie dambe'yi Na'su Chiga in'jan'chove tta'ttapa ñotsse atesu'faja.

Filipo'su 1:10

Tsa'caen in'jamba cansepa qui osha'cho ñotssiave in'jan'faya. Ñotssiaveyi in'jamba qui Cristo ccase jiya'ngae egae tsincombe'yi ñotsse can'jeñe osha'faya.

Hebreo'su 5:14

Tsa'ma coenzandeccuja aña'choma añe osha'fa. Tsa'can'fa tsu Cristove in'jamba injama'choni tayo coenqquia'caen ñotsse canse'chondeccuja. Nane tsendeccuja ega've atesupa chi'gapa ñotssiama atesupa tsomba tise'pa injama'choma tsa'caen ñoña'fa.

Santiago 1:5

Ma'caen ñotsse canseye atesumbi'ta Chigama iñajaña'cho. Chigaja se'pimbe'yi tsesuma poiyi'cconga ñotsse afeye atesu. Nane iyu'umbe'yi tsu Chigaja iñajan'suma in'jaeña.

Santiago 3:17

Tsa'ma Chiga in'jaensi atesu'chota o'tie tsu egae tsincombe canse'faya'cho. Toya'caen tsu opatsse canse'faya'cho. Faesuma panshaen mandambe'yi tiseja ñotssia qquen in'jamba tisema paña'faya'cho. Faesuma mende'yepa ñotsse tson'faya'cho. Ñoa'me supa afopoembe'yi tson'faya'cho.