1 Reyes 3:3 - Cofán: Chiga Tevaen'jen

³ Salomónjan Na'su Chigama ñotsse in'jamba pa'ccoma tise yaya David'ye mandaqquia'caeñi in'jamba tsa'caen manda'je. Tsa'can'ma ccotta'cco'su Chiganga afe'je'ttinga japa afe'choma Chiganga afepa ñome'bama'qque oque oraen.

1 Reyes 3:3 ပူးပေါင်းရင်းမြစ်များ

1 Reyes 11:34

Tise tsa'caen tson'jen'ni'qque toya ñama shondo'su ña in'jan'cho David'yema injan'jemba gi Salomón toya cansuite Israel aindeccuma tise manda'je'choma itsaya'bi. Nane David'ye tsu pa'ccoma ña in'janqquia'caen tson.

1 Reyes 11:4

Nane Salomón coenza ccashe'yeve dasi tise pushendeccu tise injama'choma qqueña'fa cuintsu faesu chigandeccuve in'jañe. Salomónjan tsa'caen tsomba Na'su Chigama tansintsse in'jambi tise yaya David'ye in'janqquia'caen.

1 Reyes 11:6

Tsa'caen tsomba tsu Salomónjan Na'su Chiganga egae tsincon. Tise yaya David'ye tansintsse Na'su Chiga Quitsama in'janqquia'caen tsombi.

1 Reyes 14:23

Tsendeccu tsu faesu chigama iñajan'jen'ttive tsao'ña'fa. Majan patu, rande quini'ccoma'qque, chiga tsu, qquen supa ccutsutsian'fa poi se'fatssia ccotta'cconga. Toya'caen tsu poi ñotssia quini'jimbe tsosiccunga tsa'caen ccutsutsian'fa.

1 Reyes 14:8

Nane David dutssiyendeccu'su na'suve daya'choma itsapa gi quenga afe. Tsa'ma queja David'caen tsombi. Davidja ña manda'choma pañamba pa'cco injama'choi'ccu ñame in'jamba tsu ña in'jan'choveyi tson.

1 Reyes 15:11

Asaja tise tayopi'su antian David'caen ñotsse tsonsi Na'su Chigaja tisei'ccu avujatssi.

1 Reyes 15:3

Abiam'qque Judáma mandapa tise yaya'ye'caeñi egae tsincon. Nane tisu injama'choi'ccu tise tayopi'su antian David Na'su tise Chigama in'janqquia'cambipa tsa'caen tsincon.

1 Reyes 22:43

Tise yaya Asa'ye ñotsse mandaqquia'caen tsu Josafat'qque tsa'caen cansepa manda. Nane Na'su Chiga Josafat tson'choma attepa ñoa'me avujatssi. Tsa'ma tiseja ñoña'cho chigandeccuma iñajan'jen'ttima joqquitssiambe'yi toya an'bian. Tseni tsu aindeccuja toya ja'je'fa afe'choma afeye, toya'caen ñome'bama o'raeñe.

1 Reyes 22:44

Toya'caen Josafat tsu fae'ngae injancco'fa'chove afa Israel na'sui'ccu.

1 Reyes 3:14

Toya'caen que ñama ñotsse pañamba que yaya David'yema tsonqquia'caen pa'cco ña mandapa in'jan'chove tson'ninda gi antteya cuintsu que bo'tsse canseye.”

1 Reyes 3:6

Pañamba Salomónjan su: “Quema shondo'su ña yaya David'yenga qui ñoa'me ñotsse tson. Nane tise quema ñotsse pañamba ñotsse cansepa tise injama'choni ñotsse tsoñe in'jansi qui tisema ñotsse tson. Ja'ño a'tangae tisema ñotsse tsomba tisenga dutssi'yema afe cuintsu tise manda'je'chonga ca'niñe.

1 Reyes 8:25

Tsa'caen tsomba Na'su, israe'su Chiga, chigáne que faesu su'choma'qque nanitsse tsonjan. Queja, quema shondo'su ña yaya David'yenga conda tise omba'su dutssiyendeccu Israel ande na'suve da'je'choma pasaya'bi'choa've. Nane David canseqquia'caen cansepa pa'cco que manda'choma pañamba tson'ninda qui tise'pama in'jamba tsa'caen antteya.

1 Reyes 8:61

Tsa'ma que'ija tansintsse in'jamba canseya'cho Na'su ingi Chigama ñotsse pañamba tson'faya'cho. Nane ja'ño a'ta tsonqquia'caen qui tise manda'choma pañamba tsa'caen tson'faya'cho.”

1 Reyes 9:4

Ja'ño quene gi qquen su: Queja que yaya David'ye ñama pañaqquia'caen pañamba ñotsse tson. Tsa'caen que yaya David'ye ñama pañaqquia'caen pañamba ñotsse tson'ninda gi tsangae que omba'su dutssiyendeccuma israendeccumbe nasundeccuve ccutsian'ñaccaya cuintsu israendeccuma manda'faye. Nane que injama'cho tsosipie tansintsse in'jamba tsa'caen ñotsse tsomba ña su'choma pañamba ña manda'choma tson'ninda gi que yaya David'yenga tise omba'su dutssiyendeccu Israel nasundeccuve da'je'choma pasa'faya'bi qquen ña suqquia'caen tsoña.”

Mateo 22:37

Jesúsja su: —“Pa'cco que injama'choi'ccu Chiga Quitsa que na'suma ñotsse in'janjan. Pa'cco que canse'pai'ccu, pa'cco que in'jan'choi'ccu Tisema ñotsse in'janjan.”

Juan 14:15

Ñama ñoa'me in'jan'da ña manda'choma pañamba canse'faja.

Juan 14:21

Majan ña manda'choma pañamba canse'ta ñama tsu ñotsse in'jan. Majan ña manda'choma pañamba canse'ta ñama tsu ñotsse in'jan. Majan tsa'caen ñama ñotsse in'jan'ninda ña Quitsa'qque tsama ñotsse in'jaña. Ña'qque tisema ñotsse in'jamba tisuma attiaña Tisenga.

Romanos 8:28

Atesu'fa gi ma'caen Chiga tayo in'jamba majan a'ima ttu'se'choma cuintsu Tise in'jan'chondeccuve da'faye. Tsendeccu Chigama ñotsse in'jansi Chigaja osha'cho ñotssiama tise'panga antte.

1 Corinto'su 8:3

Tsa'ma majan a'i Chigama in'jansi ccane'qque Chigaja tisema atesupa in'jan.

Deuteronomio 30:16

Nane ña ja'ño que'inga conda'choma pañamba Na'su que'i Chigama ñotsse in'jamba tisei'ccu jacanqquia'caen omboemba tise manda'choma tise su'choma'qque pañamba tson'da qui bo'tsse cansepa tsain'bio du'shuve atapa'faya. Toya'caen tsu Na'su que'i Chiga que'ima ñotsse tsoña que'i can'jeña'cho andeni can'jensi.

Deuteronomio 30:20

Na'su que'i Chigama ñotsse in'jan'faja. Tisema ñotsse pañamba tise suqquia'caen tson'faja. Nane tise tsu que'ima cansian'su. Que'ima cansiansi qui bo'tsse canqque'fave can'jen'faya, que'i tayopisundeccu'yenga afeye su'cho andeni. Nane que'i tayopisundeccu'yenga Abraham, Isaac toya'caen Jacobnga'qque tsu Na'su Chigaja, ñoa'me su'choi'ccu tsa'caen su.”

Deuteronomio 30:6

Tise que'i'ccu injancco'fa'choma tsu que'i injama'chonga tevaemba que'i dutssiyendeccu injama'chonga'qque tevaeña cuintsu pa'cco injama'cho, pa'cco canse'pai'ccu tisema in'jan'faye. Tsa'caen in'jamba tsu ñotsse canse'faya.

Deuteronomio 6:5

Pa'cco injama'choi'ccu Na'su que Chigama ñotsse in'jan'faja. Nane pa'cco que canse'pai'ccu, pa'cco que quin'sui'ccu tisema ñotsse in'jan'faja.

Santiago 1:12

Majan a'i vana'jen'ma, toya egae tsincombe'yi canse'ta ñoa'me tsu avujatssiya. Tsaja tsa'caen ñotsse cansesi Chigaja Tisema in'jamba antteya cuintsu tsangae canseye. Nane a'i gana'sunga otifaccuma afeqquia'caen Chigaja tayoe tsangae canseya'chove antteye su majan Tisema in'jan'chondeccunga.

Santiago 2:5

Ña in'jan'cho faenga'su Cristove in'jan'chondeccu, vama paña'faja. Chigaja va ande'su mendeqquiama in'jamba antte cuintsu tsendeccu Tise've in'jamba ricove daqquia'caen Tise dutssiyendeccuve da'faye. Tsa'caen tsu Chigaja tayoe ñoa'me su tisema in'jan'chondeccune.