1 Reyes 22:43 - Cofán: Chiga Tevaen'jen

⁴³ Tise yaya Asa'ye ñotsse mandaqquia'caen tsu Josafat'qque tsa'caen cansepa manda. Nane Na'su Chiga Josafat tson'choma attepa ñoa'me avujatssi. Tsa'ma tiseja ñoña'cho chigandeccuma iñajan'jen'ttima joqquitssiambe'yi toya an'bian. Tseni tsu aindeccuja toya ja'je'fa afe'choma afeye, toya'caen ñome'bama o'raeñe.

1 Reyes 22:43 ပူးပေါင်းရင်းမြစ်များ

1 Reyes 14:23

Tsendeccu tsu faesu chigama iñajan'jen'ttive tsao'ña'fa. Majan patu, rande quini'ccoma'qque, chiga tsu, qquen supa ccutsutsian'fa poi se'fatssia ccotta'cconga. Toya'caen tsu poi ñotssia quini'jimbe tsosiccunga tsa'caen ccutsutsian'fa.

1 Reyes 15:11

Asaja tise tayopi'su antian David'caen ñotsse tsonsi Na'su Chigaja tisei'ccu avujatssi.

1 Reyes 22:42

Mandaye ashaemba tsu treinta y cinco canqque'fave an'biamba Jerusaléni can'jemba manda veinte y cinco canqque'fave. Tise mama tsu Azuba, tsa Silhi onque'nge.

Salmos 40:4

¡Nane avujatssi tsu Na'suma pañamba in'jan'choja! Joccapitssia qquen in'jan'cho a'ima iñajambi fuiteya'chove. Ni faesu chigandeccuve ttattasundeccuma afa'jembi.

Éxodo 32:8

Nane jundeyi tsu joqquitssi'fa ña mandapa afe'cho tsaiqui'ye. Joqquitssipa tsu corima vaura du'shua'caen ñoñamba tsanga iñajamba afe'choma'qque afe'fa. Tsomba tsu qquen su'fa: ‘¡Israendeccu, va tsu que'i chiga, que'ima Egiptone somboen'su!’