1 Reyes 19:10 - Cofán: Chiga Tevaen'jen

¹⁰ Pañamba Elíasja su: “¡Na'su Chiga, queja Osha'choma Oshacho! Anttembe'yi gi ñajan quema ñotsse in'jan. Nane israendeccuja que tise'pai'ccu condasecco'choma chi'gapa quenga afeye oque'je'choma asitta'fa. Toya'caen matichi'ccu tsu que aya'fama afasundeccuma fi'tti'fa. Tsa'caen tson'jen'fasi fae, ñañi gi, que aya'fama afa'suja toya canse. Toya'caen tsu ñame'qque ja'ño ttatta'je'fa ñama fi'ttiye.”

1 Reyes 19:10 ပူးပေါင်းရင်းမြစ်များ

1 Reyes 18:17

Acabja tisema attepa su: —¿Que ti qui ji, tsa Israel ande'suma noñangian'su?

1 Reyes 18:20

Elías tsa'caen susi Acabja manda cuintsu poi israendeccuma ttu'se'faye. Toya'caen tsu poi Baal aya'fama afasundeccuma ttu'sepa boña Carmelo ccotta'cconga.

1 Reyes 18:22

Tsonsi ccase afapa Elíasja su: —Fae ñañi gi Na'su Chiga aya'fama afa'suja ccushapa canse. Tsa'ma Baal aya'fama afasundeccuja cuatrociento cincuenta a'i tsu.

1 Reyes 18:30

Tsonsi Elíasja poiyi'ccoma ttu'sepa su: —Ñani catse'faja. Poiyi'cco a'i tisenga catsesi Elíasja Na'su Chiga Quitsanga afe'choma oque'je'cho tayo catiye'choma ccase ñoñañe ashaen

1 Reyes 19:14

Pañamba Elíasja su: “¡Na'su Chiga, queja Osha'choma Oshacho! Anttembe'yi gi ñajan quema ñotsse in'jan. Nane israendeccuja que tise'pai'ccu injancco'fa'choma chi'gapa quenga afeye oque'je'choma asitta'fa. Toya'caen matichi'ccu tsu que aya'fama afasundeccuma fi'tti'fa. Tsa'caen tson'jen'fasi fae, ñañi gi, que aya'fama afa'suja toya canse. Toya'caen tsu ñame'qque ja'ño ttatta'je'fa ñama fi'ttiye.”

1 Reyes 19:2

Pañamba Jezabelja conda'suma Elíasnga moe cuintsu japa qquen condaye: “Que Elías tsa'caen tson'chone gi ña Jezabel'qque quema tsa'caen tsoña. Nane tu'i ja'ñoa'can'ni qui que'qque tsa Baal aya'fama afasundeqquia'caen paya. ¡Tsambi'ta cuintsu chigandeccu ñama tsa'caen tson'faja!”

Salmos 69:9

Que ettima ñoa'me in'jamba gi paya'ngae dyombi'tsse coiraya. Cca'indeccuja quema chi'gapa ñama tsu afase'fa.

Salmos 78:37

Tsa'caen ñotsse afa'a'qque injama'cho tsosipie toya in'jambipa tisei'ccu injancco'fa'choma'qque toya chi'ga'fa.

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Éxodo 34:14

“Faesu chiganga iñajan'fajama. Nane Na'suta tsu ñoa'me sepipa. Tise iniseta tsu Sepipa Chiga.

Miqueas 7:2

majan Chigave in'jamba ñotsse tson'suma attembi. Nane poiyi'cco tsu tisupanaccuma quendeccoqquia'caen fi'tticcoye ronda'je'fa.

Juan 2:17

Tse'i ingija tayo'su Chiga Tevaen'jen qquen su'choma in'jan'fa: “Chiga Quitsa, Que ettima ñoa'me in'jamba gi paya'ngae dyombi'tsse coiraya.”

Hebreo'su 11:37

Patui'ccu ttovaccoemba majama fi'tti'fa. Majamanda serochoi'ccu tise ai'voma doña gettipa fi'tti'fa. Majamanda dyo'tsse vanaemba “Chigave in'jan'choma cati'faja ccushaye in'jan'da” qquen tsu su'fa. Majamanda matichi'ccu fi'tti'fa. Tsa'ma cca'i Chigave in'jan'chondeccuja buttopa japa ccuya'fa. Nane sarupave me'i'onsi oveja ttono, chivo ttonoma'qque ondiccu'fa. Noñangiañemba va'chapa aña'cho me'i'onsi qquipoe'supa vana'jen'fa. Nane va ande'su aindeccu tise'pama chi'gapa egae tsincon'fa.