1 Reyes 18:36 - Cofán: Chiga Tevaen'jen

³⁶ Tsonsi Chiganga afeya'cho hora nepisi Chiga aya'fama afa'su Elíasja catsepa quian'me su: “Na'su Chiga, Abram, Isaac toya'caen Israel Chiga, ja'ño a'ta canjaenjan cuintsu poiyi'cco atesu'faye queja ñoa'me Israel Chigave. Toya'caen canjaenjan cuintsu atesu'faye ñajan quema shondo'supa que mandasi ja'ño que suqquia'caen vama tson'jen'chove.

1 Reyes 18:36 ပူးပေါင်းရင်းမြစ်များ

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 28:13

Toya'caen tsu atte Na'su Chiga tsai'ccu pporotsse ccutsupa qquen afa'je'choma: “Ña gi Na'su que yaya ccashe'ye Abrahambe Chiga. Toya'caen que yaya Isaacmbe Chiga. Quenga toya'caen que omba'su dushundeccunga gi que ja'ño ccui'cho andema afeya.

Génesis 31:53

Chiga Quitsa, tsa que yaya ccashe'ye Abraham, ña yaya ccashe'ye Nacormbe Chiga tsu ingima camba ingi ma'caen tson'chone afaya. Tsa'caen pañamba Jacobja, tise yaya Isaac iñajan'jen'cho Chiga paña'jen'ni tansintsse supa “Ñotssi tsu” qquen afa.

Génesis 32:9

Tsa'caen tsomba Chigama iñajañe ashaemba qquen su: “Na'su Chiga, ña yaya ccashe'ye Abraham, ña yaya Isaacmbe Chiga qui. Que qui ñama su ña toequi tisu andeni, tisu antiandeccuni ja'ni'qque queja ñama ñotsse tson'jeña.

Génesis 46:3

Tsa'caen susi Chigaja su: —Ña gi Chiga Quitsa, que yaya'yembe Chiga. Dyombe'yi Egiptoni jaja. Nane tseni gi que omba'su dushundeccuve tsain'bitsse atapoeña.

1 Reyes 18:21

Tsonsi Elíasja poi aindeccunga catsepa su: —¿Mi'nge'e qui tsa'caen dosve in'jamba canse'fa'ya? Na'su Chiga ñoa'me Chigamanda tsave in'jan'faja. Tsambi'pa Baal ñoa'me Chigamanda tsu tsave in'jan'faya'cho. Tsa'caen susi a'i bo'choja afa'fambi.

1 Reyes 18:29

Tsa'caen tson'jen'fasi chiga onduse'ni'qque toya tsu si'nge sefaccone amppimbi. Nane fundopa sumbia'caen buttopa'je'fa sime'su Chiganga afeya'cho nepiya'ngae. Tsa'ma si'ngeja sefaccone amppimbi. Majameñi'qque pañambi ni afambi.

1 Reyes 18:35

Tsa'ccuja tsa'caen pa'ccoma tssipoemba oque'je'choma shoquendi'e tsa'ccu bo'ya'chove ñoña'chonga on'ba.

1 Reyes 18:37

¡Na'su Chiga, ñama pañajan! Ñama pañajan cuintsu va aindeccu que ñoa'me Na'su Chiga qquen in'jan'faye; toya'caen cuintsu que tise'pama ttu'se'choma pañamba quenga toequi ji'faye.”

2 Reyes 5:15

Ccushapa toequi tisema shondosundeccui'ccu Eliseoma can'su ja'fa. Tiseni ji ccutsupa tsu Naamánjan su: —Ja'ño gi in'jan poi andeni faesu chiga jimbisi fae Na'su Israel Chiga tsu ñoa'me Chiga. Omboe tsu tsain'bio nasundeccu Israel aindeccuma manda'je'fa. Poiyi'cco egae tsincomba Na'su Chigama ñotsse paña'fambi. Judá andeni'qque tsain'bio nasundeccu, David omba'su dutssiyendeccu, manda'jesi fae pushesu'qque manda. Majan tsendeccu'su Na'suma pañamba ñotsse tson'fa. Tsa'ma faesundeccu egae tsincomba Na'su Chigama ñotsse paña'fambi.

2 Reyes 5:8

Omboe Chigama afa'su Eliseoja Israel na'su tsa'caen tevaen'jema camba tisu ondiccu'jema chi'tta'choma pañamba qquen aya'fama moe: “¿Jongoesie qui tisu ondiccu'jema chi'tta? Naamánma ñani moejan cuintsu poiyi'cco atesu'faye Na'su Chiga aya'fama afa'su toya Israelni can'jen'chove.”

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Éxodo 4:5

Tsonsi Na'suja su: —Voe gi canjaen cuintsu Na'su, tise'pa tayopi'su coenzandeccumbe Chiga, nane Abraham, Isaac toya'caen Jacobmbe Chiga, quenga attian qquen in'jan'faye.

Daniel 12:11

Chiganga poi a'ta oque oraemba afe'je'choma antte'fasi mil dosciento noventa a'ta pasasi tsu egae dyoña'suma Na'su Chiga ettinga ccutsiaña cuintsu tsangae dañoñe.

Mateo 22:32

“Ña gi Abraham, Isaac, Jacobmbe Chiga.” Nane Na'su Chigaja pa'chombe Chigambi tsu. Tsa'ma cansendeccumbe Chiga tsu.

Juan 11:42

Ñajan atesu gi Que ñama paña'jen'choma. Tsa'ma qquen gi Quene ñotsse afa'je cuintsu vani can'jensundeccu pañamba in'jañe Que ñama moen'chove.

Tson'fa'cho 10:30

Tsonsi Cornelioja su: —Tayo tsu cuatro a'ta pasa ña atte'cho. Qquia'ni gi toya ambe'yi sime Chigama iñajaña'cho hora napisi iñajan'jemba atte a'ima. Tise ondiccu'jeja chhariccotssi.

Tson'fa'cho 3:1

Fae a'ta, tayo ondusesi, Chigama iñajaña'cho hora napisi, Pedro, Juani'ccu Chiga ettini ja'fa.

Efeso'su 1:17

Iñajan gi cuintsu ingi Na'su Jesucristombe Chiga, ñoa'me Ti'tsse'tssia Chiga Quitsa, que'ima in'jaeñe. Iñajan gi Tise que'ima in'jaensi ti'tsse injama'pave dapa Tise Jesucristone canjaen'choma atesupa Jesucristove bove ñotsse in'jan'faye.

Efeso'su 3:14

Chiga Quitsaja tsa'caen que'i israembindeqquiama in'jamba ñotsse tsonsi ñajan Tisenga ccarupa iñajan.