1 Reyes 18:31 - Cofán: Chiga Tevaen'jen

³¹ doce patuve isupa. Nane tayopi'su Jacob'ye Chiga tisema Israelve inisiainte doce dutssiyendeccuve an'bian. Tsendeccu'ye tsu israe'su doce aindeccuja sombo'fa. Tise'pa'ye tsu Elíasja tsa'caen doce patuve isupa

1 Reyes 18:31 ပူးပေါင်းရင်းမြစ်များ

Génesis 32:28

Tsa'caen susi a'ija su: —Ti'tsse quema Jacob qquen afambipa Israel qquen tsu afa'faya. Nane queja Chigai'ccu, aindeccui'ccu iyiccopa patsusi tsu tsa'caen quema afa'faya.

Génesis 32:29

Tsonsi Jacobja ccane'qque iñajampaña: —Ja'ño condaja jongoesu inise qui queja. Tsa'ma tsa a'ija su: —¿Jongoesie qui ña iniseve iñajampaña? Tsa'caen supa tsa a'ija tse'ttingayi Chiga tisema ñotsse tsoña'chove afa.

Génesis 33:20

Can'jemba tsu Chiganga afe'jeya'chove ñoñamba inisian El-Elohe-Israel.

Génesis 35:10

qquen afa: “Queta qui Jacob ‘A'tutsse afopoen'su’ qquen su'cho. Tsa'ma ja'ñojan ti'tsse tsesuya'bi qui. Ja'ño a'ta ashaemba tsangae qui Israelve daya ‘Chigai'ccu iyicco'su’ qquen su'chove.” Tsa'caen tise inisema cambiamba Chigaja

Esdras 6:17

Fiestaemba tsu cien vaura quitsaye, dosciento oveja quitsaye, cuatrociento oveja quitsaye du'shuma'qque oque oraemba Chiganga afe'fa. Toya'caen tsu afe'fa doce chivoma, poi israe'su doce aindeccu fae chivo, fae chivove, poi israendeccu egae tsincon'chone.

Éxodo 24:4

Tsa'caen su'fasi Moisésja pa'cco Na'su Chiga su'choma tevaen. Ccaqui a'ta ñoa'me sinte'yi jangipa ccotta'cco tsosiccuni Chiganga afeye oque'je'chove ñoña. Toya'caen dose patu biaccova'ma'qque ccutsutsian cuintsu dose Israel naccuve canjeñe.

Efeso'su 2:20

Chigaja tayopi'su Chiga Aya'fama afasundeccuma, toya'caen Jesúsne afasundeccuma'qque in'jamba dyaiña'cho patunga tsao'ñaqquia'caen tsendeccunga Tise aindeccuve ti'tsse atapoen. Tsomba tsa'ove tsao'ñañe chan'jime dyaiña'cho patu ti'tsse joccapiqquia'caen Jesucristoja Chiga aindeccuma ti'tsse joccapitssia tsu.

Josué 4:20

Tse'ttinga tsu Josuéja tsa doce patuve Jordán na'ema somboen'choma ccutsutsian.

Canjaen'cho 21:12

Canqquema ttu'choja ñoa'me se'fatssia tsu. Tsa ttu'choni tsu doce sombo'tti jin. Poi sombo'ttini tsu sefacconi'su shondo'suja ccutsu'fa. Toya'caen poi doce sombo'ttinga tsu doce israe aindeccumbe inisema tevaen'cho.