1 Reyes 17:1 - Cofán: Chiga Tevaen'jen

¹ Tsonsi Chiga aya'fama afa'su Elías tsa Galaad ande'su Tispe canqque'su a'i, jipa Acabma su: “Na'su Chiga Quitsa, tsa Israel Chiga, mandasi pañamba gi quenga ñoa'me su: Ja'ño va canqque'fani unjinjan tuiya'bi ni surunoñi'qque andema tssipoeña'bi ña pasaya'chove suya'ngae.”

1 Reyes 17:1 ပူးပေါင်းရင်းမြစ်များ

1 Reyes 17:12

Tsa'ma tsandupajen'choja su: —Na'su que Chiga ñama paña'jen'ni gi su: matssan'cho panme mecho gi. Nane panme ñoñaqque'su fae pafu'cco, toya'caen re'ricco yayapave'qque fae botiyani gi an'bian. Tse'ccoan matssamba ña du'shui'ccu añe gi re'ricco si'tsive ttatta'je. Ja'ño pa'ccoma amba poiyi'cco qquipoe'supa paye.

1 Reyes 17:2

Tsa'caen afasi Na'su Chigaja Elíasma su:

1 Reyes 18:1

Tres canqque'fa pasapa ccase Na'su Chigaja Elíasma afapa qquen su: “Japa Acabma cachuija. Nane antteya gi cuintsu unjin andenga ccase tuiye.”

Mateo 11:14

Que'i ñoa'me pañañe in'jan'ninda Juanjan Elías tsu, tsa tayopi jiya'cho qquen su'cho.

Mateo 16:14

Tise'paja su'fa: —Majandeccu'ta tsu su'fa: “Feti'su Juan.” Cca'ija: “Tayopi'su Elías.” Cca'ija: “Tayopi'su Jeremías.” Tsambi'ta: “Tayopi'su Chiga Aya'fama afa'su,” qquen tsu su'fa.

Mateo 27:47

Majan tse'tti ccutsusundeccu tise su'choma pañamba su'fa: —Tiseja Chiga Aya'fama afa'su Elíasve tsu ttuse'je.

Mateo 27:49

Tsa'ma cca'indeccuja su'fa: —Cuintsu antteja. Jinge ron'dapa atteye ma'caen Elías tisema ccushaen'me'se.

Mateo 7:29

Chiga manda'choma atesiansundeqquia'cambipa Jesúsja na'sia'caen in'jamba atesian.

Lucas 1:17

Tiseja Na'suma o'tie tsu jiya. Tayopi'su Chiga Aya'fama afa'su Elías injama'choma an'bianqquia'caen tise'qque osha'choma oshaya. Tiseja aindeccuma in'jaeña cuintsu yayandeccu tise'pa dushundeccuma in'jan'faye; cuintsu egae tsinconsundeccu'qque ño'a a'i in'jan'chove ttatta'faye. Tsa'caen aindeccuma in'jaensi tise'paja Na'suma shondo'faya.

Lucas 1:19

Tsa'caen iñajampañasi Chigama sefacconi'su shondo'suja su: —Ña gi Gabriel. Ña gi Chiga can'jeni ccutsu'cho. Tiseja ñama moen va ñotsse condase'choma quenga condaseye.

Lucas 21:36

Tsa'ma que'ija camba ronda'jepa ñama iñajan'jen'faja. Tsayita qui osha'cho va vanaña'cho su'choma vanambe'yi ccushapa Sefaccone Ji'cho A'inga ccutsu'faya.

Lucas 9:30

Dos a'i'qque a'tatssia've attiamba Jesúsi'ccu condase'je'fa. Tsendeccuja tayopi'su Moisés, tayopi'su Elías'qque. Jesús Jerusaléni japa paya'chone tsu condase'je'fa.

Lucas 9:33

Tsendeccu Jesúsma chigambiamba jaye tson'jensi Pedroja Jesúsma su: —Na'su, ñotssi tsu ingi va'tti can'jeñe. Jinge tres tsao'cho'ccoe tsao'ña'faye –fae'cco quembe, faesuja Moisésmbe, faesuja Elíasmbe. Pedroja tisu su'choma atesumbi'ma injanga afa.

Lucas 9:54

Tsonsi Jesúsma shondosundeccu, tsa Santiago, Juan'qque pañamba iyicca'yepa su'fa: —Na'su, ¿in'jan ti qui ingi Elías'caen Chigama iñajañe cuintsu si'nge sefaccone amppipa va samariasundeccuma oque catiye?

Juan 1:21

Qquen susi iñajampaña'fa: —Tsambi'ta ¿majan qui queja? ¿Que ti qui Chiga Aya'fama afa'su Elías? Juanjan su: —Tsambi gi. Omboe iñajampaña'fa: —¿Que ti qui ingi ronda'je'cho Chiga Aya'fama afa'su? Ccase tsu Juanjan su: —Me'i.

Juan 1:25

qquen iñajampaña'fa: —Tsa'caen Cristombi'ta ni Elíasmbi'ta ni ingi ronda'je'cho Chiga Aya'fama afa'sumbi'ta, ¿jongoesie qui feti'je?

Tson'fa'cho 27:23

Ña gi Chiga Quitsama shondo'su. Tsaja ña na'su tsu. Nane ja'ño cose tsu Tisema sefani'su shondo'su ñanga catse ccutsupa

Romanos 11:2

Tayopi Chigaja israendeccuma in'jamba Tise a'ive tsendeccuma ttu'se. Ttu'sepa ja'ño tise'pama cátimbi. ¿Injan'jen'fa ti qui Chiga Aya'fa tayopi'su Chiga Aya'fama afa'su Elíasne su'choma? Nane Elíasja Chigama iñajamba israendeccu egae tsincon'chone qquen sendan'daen:

Santiago 5:17

Nane tayopi'su Chiga aya'fama afa'su Elíasja ingia'caen a'i tsu. Tiseja cuintsu unjimbecañe Chigama iñajansi tres canqque'fa'ye enttingeve tsa'caen unjimbi.

Canjaen'cho 11:6

Tsendeccuja Chiga sefaccoma piccoye osha'fa cuintsu tise'pa Chiga Aya'fama afaite unjin tuimbe'yi cañe. Toya'caen tsu osha'fa pa'cco tsa'ccu sombo'je'ttima anjampaveyi tsoñe. Maqui in'jan'da tsu poi andenga osha'cho paqque'suma moeñe osha'fa.