1 Reyes 16:9 - Cofán: Chiga Tevaen'jen

⁹ Nane tise sundaro caroma enttingeve na'su tsu Zimri qquen inisecho'cho. Tsa tsu faesundeccui'ccu ñoña'fa ma'caen Elama fi'ttiya'chove. Tsa'caen tson'jen'fa'ni fae a'ta Elaja Tirsani can'jemba tise tsa'o na'su Arsambe tsaoni ja. Tseni japa Arsai'ccu cui'jepa ñoa'me ccusi.

1 Reyes 16:9 ပူးပေါင်းရင်းမြစ်များ

Génesis 15:2

Tsa'ma Abramjan tisema su: —Na'su Chiga, ¿jongoesune tsu bare ña osha'choma injan'tsse isuye? Ñajan dutssi'yeve me'choa gi. Nane Queja ñanga du'shuma afembisi me'cco pa'ninda tsu tsa Damasco canqque'su Eliezer–ñambe sema'su a'i–pa'cco ña an'bian'choma isuya.

Génesis 24:10

Tsomba tse'i shondo'suja tise na'su an'bian'cho'su osha'cho ñotssia afeya'choma isupa chonga tise na'sumbe cameyoi'ccu sombopa ja Nacor can'jen'cho canqquenga. Tsa canqque tsu Mesopotamia ande'su canqque.

Génesis 24:2

Tsa'caen dapa tsu tisema shondo'su ti'tsse coenzama ttu'se. Tsaja pa'cco tise tsa'o'suma, pa'cco tise an'bian'choma'qque coira'su tsu. Tisema ttu'sepa su: —Que tivei'ccu ña ttena'go tsosiccufama pporaemba

Génesis 39:4

Tsa'caen attepa Joséma ñotsse in'jamba tisema fuite'suve tsomba tise tsa'o na'suve'qque tson. Tsa'o na'suve tsomba pa'cco tisu an'bian'choma tisenga antte cuintsu mandaye.

Génesis 39:9

Va tsaonijan majañi'qque me'i'on tsu ña'can'me. Ña na'suja jongoesuveyi'qque ñama se'pimbi. Aqquia queveyi tsu ñanga afembi queja tise pushesi. Tsa'cansi, ¿ma'caen gi oshaya quema egae tsomba Chiganga'qque egae tsoñe?

1 Reyes 15:27

Tsa'caen egae tsinconsi Baasa, tsa Isacar aindeccu'su Ahías dutssi'ye, faesundeccui'ccu condasecco'fa ma'caen Nadabma fi'ttiya'chove. Nadabja israe'su sundarondeccui'ccu filisteo ande'su Gibetón canqquema shoquendi ttupa patsuye ronda'jesi Baasapaja jipa tisema fi'tti'fa.

1 Reyes 16:10

Tsa'caen dasi tse'faei'ccuyi Zimrija jipa tisema fi'tti. Fi'ttipa tise manda'je'choma itsapa manda. Tsequi tsu Asa Judáma manda'je'choja veinte y siete canqque'fave nepi.

1 Reyes 16:8

Tsonsi Asa veinte y seis canqque'fave Judáma mandasi tsu Baasa dutssi'ye Elaja Israelma mandaye ashaen Tirsani. Ca'nimba tsu dos canqque'faveyi manda.

Daniel 5:30

Tsequi cose'yi tsu Babilonia'su na'su Belsasarma fi'tti'fa.

Lucas 21:34

Majan a'ija ñoquimbipa injanga canse'fa. Majan a'ija ccusi'fa. Majan a'ija tise'pa an'bian'choma panshaen in'jan'fa. Tsa'ma injama'tse. Tsa'caen ñoquimbi'fajama. Ña su'choma'qque aqque'pa'fajama pan ña jisi atte jangipa dyosa'ne.