1 Reyes 16:31 - Cofán: Chiga Tevaen'jen

³¹ Nane tiseja tsa Nabat dutssi'ye Jeroboam tsonqquia'caen egae tsincomba ti'tsse tsu egae tsincon Jezabelma pushepa. Tsa Jezabel tsu sidóni'su pushesu, tsa andeni'su na'su Et-baal onque'nge. Tisema pushepa tsu Acabja chiga Baalma iñajamba avu'jaen.

1 Reyes 16:31 ပူးပေါင်းရင်းမြစ်များ

Génesis 30:15

Tsa'ma Leaja se'pipa su: —Tayo qui ña tsa'nduma itsa. ¿Tsomba ja'ñojan ña du'shu i'cho mandrágorasma'qque ti qui itsaye in'jan? Tsa'caen susi Raquelja asi'ttaemba su: —Que dutssi'ye i'cho mandrágorasma afe'ta qui ja'ño cose Jacobi'ccu anañe oshaya.

Génesis 6:2

Tsonsi Chigave in'jan'cho tsandiendeccuja in'jambindeqquiambe onquengendeccu me'detssisi in'jamba tise'pama pushe'fa majame in'jan'da.

1 Reyes 18:18

Tsa'ma Elíasja su: —Ñajan Israelma noñangian'sumbi gi. Tsa'ma que toya'caen que aindeccu Na'su Chiga manda'choma catipa Baal chigandeccuma iñajamba qui Israelma noñangian'fa.

1 Reyes 18:19

Ja'ño mandaja cuintsu poiyi'cco israendeccu Carmelo ccotta'cconga bo'faye. Toya'caen mandaja cuintsu tsa cuatrociento cincuenta Baal aya'fama afasundeccu, tsa Jezabel in'jamba coira'je'cho cuatrociento Asera aya'fama afasundeccu'qque tseni bo'faye.

2 Reyes 17:16

Osha'chove Na'su tise'pa Chiga manda'choma catipa cu'a yoshavama tssutssiamba dos ñoña'cho vaura du'shuve ñoña'fa tsama iñajañe tise'pa chigave. Toya'caen tsu Asera quini'ccoma ccutsian'fa tsama'qque iñajañe. Osha'cho sefacconi jincho'choma chiga qquen in'jamba Baalma'qque iñajan'fa.

Isaías 7:13

Tsonsi Isaíasja tisema su: “Paña'faja que'i David omba'su dutssiyendeccu. Que'ija aindeccuma noñangiamba, ¿Na'su ña Chigama'qque ti qui noñangiañe in'jan'fa?

Números 16:9

¿Israendeccumbe Chiga poi israendeccu'ye que'ima ttu'sepa manda'choja ñotssimbi qquen ti qui in'jan'fa? Nane que'ija ñoa'me Chigai'ccu pporotsse can'jemba tise can'jen'tti'su jincho'choma vase'je'fa. Toya'caen qui poi israendeccuma fuitesundeccu'fa.

Deuteronomio 7:1

Na'su, que'i Chigaja, que'i an'biaña'cho andenga ca'niamba siete ande'su aindeccuma, que'ima ti'tsse quin'an, ti'tsse tsain'bitssia aindeccuma tteya mañaña. Nane hititandeccu, gergeseondeccu, amorreondeccu, cananeondeccu, ferezeondeccu, heveondeccu, jebuseondeccuma'qque tsu tteya mañaña.

Canjaen'cho 2:20

Tsa'ma tsa pushesu Jezabelma se'pimbipa qui toya shacapa. Tsa pushesu tisuja Chigane afa'su qquen supa afopoen. Tsa'ma tise atesian'choi'ccu ña aindeccuma tsu qqueña cuintsu pushesundeccui'ccu injanga can'jemba tsa'caen egae tsincon'faye; cuintsu afopa'cho chiganga afe'cho aña'choma'qque amba tsa'caen egae tsincon'faye.

Jueces 2:11

Tsa'ma israendeccu egae tsinconsi Na'su atte'ma in'jambi. Nane israendeccuja osha'cho chiga Baal ñoña'choma iñajañe ashaen'fa.

Jueces 3:7

Israendeccu egae tsincon'fasi Na'su Chigaja atte'ma in'jambi. Nane Na'suma aqque'papa osha'cho chiga Baal toya'caen chiga Astarté ñoña'choma iñajan'jen'fa.