1 Reyes 15:27 - Cofán: Chiga Tevaen'jen

²⁷ Tsa'caen egae tsinconsi Baasa, tsa Isacar aindeccu'su Ahías dutssi'ye, faesundeccui'ccu condasecco'fa ma'caen Nadabma fi'ttiya'chove. Nadabja israe'su sundarondeccui'ccu filisteo ande'su Gibetón canqquema shoquendi ttupa patsuye ronda'jesi Baasapaja jipa tisema fi'tti'fa.

1 Reyes 15:27 ပူးပေါင်းရင်းမြစ်များ

1 Reyes 14:14

Ja'ño gi faesu na'suve Israelni ccutsiaña cuintsu Jeroboam aindeccuma sefaeñe. Nane ja'ño gi tsa'caen tsoña.

1 Reyes 15:28

Tsa'caen Asa Judáma tres canqque'fave mandasi Baasaja Nadabma fi'ttipa tise manda'je'choma itsapa manda.

1 Reyes 16:10

Tsa'caen dasi tse'faei'ccuyi Zimrija jipa tisema fi'tti. Fi'ttipa tise manda'je'choma itsapa manda. Tsequi tsu Asa Judáma manda'je'choja veinte y siete canqque'fave nepi.

1 Reyes 16:15

Tsaite tsu Zimrija siete a'taveyi israendeccuma manda.

1 Reyes 16:16

Nane israendeccu'su sundarondeccuja filisteo'su Gibetónma shoquendi ttupa patsuye ronda'je'fa'cho. Zimri Elama fi'tti'choma pañamba tse'faei'ccuyi tise'pa sundaro na'su Omrima ca'nia'fa na'suve.

1 Reyes 16:17

Tsonsi Omri mandasi pa'cco sundaro bo'fa'cho Gibetónma anttepa Tirsani ja'fa Zimri'ccu geraeñe.

1 Reyes 16:7

Tsonsi Na'su Chiga tise aya'fama afa'su Jehúma in'jaensi tsu Jehúja, tsa Hanani dutssi'ye, Baasanga Chiga egae tsoña'chove afapa Baasa antiandeccunga'qque afa. Nane Jeroboambaja egae tsinconsi Chiga tise'pa egae tsincon'choma chi'gapa sefaenqquia'caen tsa Baasa tson'choma'qque chi'ga.

1 Reyes 16:9

Nane tise sundaro caroma enttingeve na'su tsu Zimri qquen inisecho'cho. Tsa tsu faesundeccui'ccu ñoña'fa ma'caen Elama fi'ttiya'chove. Tsa'caen tson'jen'fa'ni fae a'ta Elaja Tirsani can'jemba tise tsa'o na'su Arsambe tsaoni ja. Tseni japa Arsai'ccu cui'jepa ñoa'me ccusi.