1 Reyes 12:16 - Cofán: Chiga Tevaen'jen

¹⁶ Israel aindeccuja tsa'caen na'suja supa tise'pama in'jambi qquen in'jamba qquen settapoemba afa'fa: “Ingija ñoa'me David aindeccumbi. Isaí dutssi'ye tsu faesu a'i. ¡Tisupa tsaoni ja'faja israendeccu! ¡Davidta tsu tisu a'iveyi coiraya!” Tse'faei'ccuyi poi israendeccu tisupa tsaoni ja'fa.

1 Reyes 12:16 ပူးပေါင်းရင်းမြစ်များ

1 Reyes 11:11

Tsa'cansi Na'suja Salomónma su: “Que injama'choni tsa'caen in'jamba ñai'ccu injancco'fa'choma catipa ña manda'choma pañambisi gi Israel na'suve manda'je'choma que'ye itsapa majan quema shondo'sunga afeya.

1 Reyes 11:13

Toya'caen pa'cco manda'je'choma itsaya'bi gi. Nane fae naccuve gi tisenga antteya. Nane ñama shondo'su David'yema toya'caen ña in'jamba afa'cho Jerusalén canqquema injan'jemba gi fae naccu'su israendeccuma tisenga antteya.”

1 Reyes 11:34

Tise tsa'caen tson'jen'ni'qque toya ñama shondo'su ña in'jan'cho David'yema injan'jemba gi Salomón toya cansuite Israel aindeccuma tise manda'je'choma itsaya'bi. Nane David'ye tsu pa'ccoma ña in'janqquia'caen tson.

1 Reyes 11:35

Tsa'ma Salomón dutssi'yema gi tise manda'je'choma itsapa quenga afeya chonga naccuve.

1 Reyes 11:36

Tise dutssi'yenga gi fae naccuve afeya cuintsu pasambe'yi ñama shondo'su David omba'su dutssiyendeccuja ña in'jan'cho Jerusaléni manda'je'faye. Tsenima gi tayo in'jamba su ña inise can'jeña'chove.’ ”

Isaías 7:17

Na'su Chiga anttesi que, que aindeccu, que antian nasundeccu'qque vana'faya. Nane Efraín Judá'ye attufaite ja'ñoa'ngae qui tsa'cantsse vana'jen'fambi. Tsa'ma Asiria na'suma moesi qui ñoa'me vana'faya.”

Isaías 7:2

Acaz, toya'caen tisema shondosundeccu'qque, israendeccu fae'ngae Siria'su sundarondeccui'ccu geraeñe ji'fa'choma paña'fa. Pañamba ñoa'me dyo'fa. Nane fingian jisi quini'cco oyaqquia'caen tsu tise'paja ttun'dundu'jeve dyo'fa.

Marcos 3:24

Majan ande'su nasundeccu tisupanaccui'ccu iyicco'ta tsangae tsu pasa'faya.

Lucas 19:14

Tsa'ma majan tise aindeccuja tisema chi'gapa cca'indeccuma omboe moen'fa ti'tsse'tssia ande na'sunga qquen condaye: “Va a'ima na'suve tsoñe in'jan'fambi gi.”

Lucas 19:27

Toya'caen ñama chi'gasundeccuma i'faja. Tise'paja na'suve ñama in'jan'fambi. Tsa'ma tise'pama ipa ña caña'jen'ni fi'tti'faja.”

Juan 13:8

Pedroja su: —Minguite'qque ña tsu'ttemajan cashiya'bi qui. Qquen susi Jesúsja su: —Ña quema cashimbian'da ñai'ccu fae'ngae can'jeñambi qui.