1 Reyes 11:7 - Cofán: Chiga Tevaen'jen

⁷ Jerusalénima chiga sombo'jefanga tsu Salomónjan iñajan'jen'ttive ñoña tsa moabita'su dyo'occo'a chiga Quemosma iñajañe. Toya'caen tseniñi tsu faesu iñajan'je'ttive ñoña tsa amonita'su dyo'occo'a chiga Molocma iñajañe.

1 Reyes 11:7 ပူးပေါင်းရင်းမြစ်များ

Génesis 33:2

O'tie tsu dos sema'su pushesundeccuma tise'pa dushundeccui'ccu ccutsian. Tsendeccumbe sepaccofanga Leama tise dushundeccui'ccu ccutsian. Tsutopani Raquelmajan tise du'shu Joséi'ccu ccutsian.

1 Reyes 11:5

Tsa'camba sidónita'su chiga Astartéma in'jamba toya'caen amonita'su dyo'occo'a chiga Milcoma'qque in'jan.

1 Reyes 11:6

Tsa'caen tsomba tsu Salomónjan Na'su Chiganga egae tsincon. Tise yaya David'ye tansintsse Na'su Chiga Quitsama in'janqquia'caen tsombi.

1 Reyes 11:8

Tsa'caen tsu ñoña'jen poiyi'cco tise faesu ande'su pushesundeccu in'janqquia'caen. Tse'ttinga tsu ñome'bama oquepa toya'caen afe'choma tise'pa chigandeccunga oque oraen'fa.

Salmos 78:58

Chigama iyicca'yean'fa faesu chiga'candeqquiama iñajaña'ttive ñoñamba. Ñoña'cho chigandeccuve'qque ñoñamba iñajan'fasi Na'suja chi'gapa se'pi.

Jeremías 32:31

Va canqquesundeccuja Jerusalénme ashaeinte ja'ñoa'ngae jo'su ñama iyicca'yeañeñi tsincon'fa. Tsane gi tise'pama iyicca'yepa sefaeña.

Jeremías 32:35

Toya'caen Ben-hinom sinjunccuni tsu Baalma iñajan'jen'cho oque'je'chove ñoña'fa. Tsanga tsu tise'pa dutssiyendeccu, onquengendeccuma'qque fi'ttipa Molocnga afe'fa. Ñajan tsama chi'gapa tsa'caen mandambi. Ni in'jambi gi tise'pa tsa'caen egae tsincon'faye. Tsa'caen egae tsincomba tsu poi judándeccuma daño'fa.

Daniel 12:11

Chiganga poi a'ta oque oraemba afe'je'choma antte'fasi mil dosciento noventa a'ta pasasi tsu egae dyoña'suma Na'su Chiga ettinga ccutsiaña cuintsu tsangae dañoñe.

Miqueas 1:5

Jacob pañambipa egae tsinconsi Israel nasundeccu'qque egae tsinconsi Chigaja vanaeña'chove afa. ¿Mani tsu Jacob pañambipa egae tsincon? ¡Samaria canqqueni! ¿Mani tsu Jacobmbe chigambi'choanga iñajan'jen'tti? ¡Jerusaléni tsu ccutsu!

Números 21:29

¡Va'cha qui Moab ande! Ñoa'me qque'cho qui Quemos chigambe canqque. Nane tise tsu antte cuintsu tise tsandiendeccu ccuyapa ja'fasi tise pushesundeccu na'su Sehónga indiye'faye.

Mateo 26:30

Settapoen nanimba sombopa Olivo ccotta'cconga ja'fa.

Tson'fa'cho 1:12

Tsonsi Olivo ccotta'ccone andepa Jerusaléni ja'fa. Nane Olivo ccotta'ccoja Jerusalén pporotssi, israendeccu sema'ma'qquia a'ta jacañe in'janqquia'caen biambi'cco.

Tson'fa'cho 1:9

Jesús qquen afa nanisi Chigaja tisema sefacconi ansundian toya tisema shondosundeccu caña'jen'ni. Tsa'caen ansundiansi unjimba'cco piccosi ccatsse tisema atte'fambi.

Tson'fa'cho 7:43

Me'i, ñanga afe'fambi qui. Tsa'ma tisupa qui chiga'ca'me ñoña'fa tsanga iñajañe. Fa'e Moloc qquen inisecho'cho. Tsambe chipiri tsa'oaca'ma qui opipa angapa iñajan'fa. Faesuja o'fea'ca'on, Renfán qquen inisecho'cho. Tsa'caen que'i tisu ñoña'choma iñajan'ninda gi que'ima somboeña que'i ande'ye. Nane somboemba gi Babilonia ande joccani que'ima moeña.