1 Reyes 11:6 - Cofán: Chiga Tevaen'jen

⁶ Tsa'caen tsomba tsu Salomónjan Na'su Chiganga egae tsincon. Tise yaya David'ye tansintsse Na'su Chiga Quitsama in'janqquia'caen tsombi.

1 Reyes 11:6 ပူးပေါင်းရင်းမြစ်များ

1 Reyes 11:33

Nane Salomón ñama catisi gi tsa'caen tsoña. Ja'ño tsu tiseja Astarté, sidóni'su chiga, Quemos, tsa moabita'su chiga, toya'caen Milcom, tsa amonita'su chigama iñajan'jen. Ñajan in'jambi gi tise tson'jen'choma. Toya'caen tise yaya David'yecambipa ña manda'choma, ña in'jamba tevaen'choma'qque pañambi.

1 Reyes 11:5

Tsa'camba sidónita'su chiga Astartéma in'jamba toya'caen amonita'su dyo'occo'a chiga Milcoma'qque in'jan.

1 Reyes 11:7

Jerusalénima chiga sombo'jefanga tsu Salomónjan iñajan'jen'ttive ñoña tsa moabita'su dyo'occo'a chiga Quemosma iñajañe. Toya'caen tseniñi tsu faesu iñajan'je'ttive ñoña tsa amonita'su dyo'occo'a chiga Molocma iñajañe.

1 Reyes 3:3

Salomónjan Na'su Chigama ñotsse in'jamba pa'ccoma tise yaya David'ye mandaqquia'caeñi in'jamba tsa'caen manda'je. Tsa'can'ma ccotta'cco'su Chiganga afe'je'ttinga japa afe'choma Chiganga afepa ñome'bama'qque oque oraen.

1 Reyes 9:4

Ja'ño quene gi qquen su: Queja que yaya David'ye ñama pañaqquia'caen pañamba ñotsse tson. Tsa'caen que yaya David'ye ñama pañaqquia'caen pañamba ñotsse tson'ninda gi tsangae que omba'su dutssiyendeccuma israendeccumbe nasundeccuve ccutsian'ñaccaya cuintsu israendeccuma manda'faye. Nane que injama'cho tsosipie tansintsse in'jamba tsa'caen ñotsse tsomba ña su'choma pañamba ña manda'choma tson'ninda gi que yaya David'yenga tise omba'su dutssiyendeccu Israel nasundeccuve da'je'choma pasa'faya'bi qquen ña suqquia'caen tsoña.”

Números 14:24

Jo'su ñama shondo'su Calebyi tsu tise injama'cho ccaninga'pa ñoa'me ñama ñotsse in'jamba paña. Tsa'cansi gi tisema antteya cuintsu tise can'ga'cho andenga ca'niñe. Toya'caen tise omba'su dushundeccu tsu tseni tsangae canse'faya.