1 Reyes 11:2 - Cofán: Chiga Tevaen'jen

² Tsa'caen in'jamba tsu Na'su Chiga israendeccunga manda'choma cati. Nane Na'su Chigata tsu se'pi faesu ande'su pushesuma pusheye, tsa'caen tsomba injama'choi'ccu tise'pa chigandeccuma'qque in'jansa'ne. Tsa'ma Salomónjan faesu pushesundeccuma ñotsse in'jamba pu'she.

1 Reyes 11:2 ပူးပေါင်းရင်းမြစ်များ

Génesis 2:24

Tsa'cansi tsu ja'ño tsandieja tise yaya, tise mamama catipa tise pushei'ccu can'jen'faya. Nane tsa dos tsu fae a'ia'caeñi da'faya.

Génesis 34:3

Tsa'ma tsa'caen tsomba Siquem ñoa'me Dinama ñotsse in'jamba osha'choma tson cuintsu ccane'qque tise've in'jañe.

1 Reyes 11:9

Tsa'cansi Na'su israendeccu Chiga tsu Salomónma iyicca'ye tise injama'choni tsa'caen qquepa Na'su Chigama catisi. Nane Chiga dos se tisenga attiamba

Éxodo 23:31

Ñanda gi antteya cuintsu que'i ande qquen jinchoye: Cu'a marne ashaemba Filisteondeccu marni nepiya'cho. Toya'caen a'i menia'ñe ashaemba Eufrates naini nepiye. Nane quenga gi tayo afe tsa aindeccu can'jen'cho andema. Tsa'cansi que'i qui tise'pama tteya maña'faya.

Éxodo 34:12

“Toya'caen tseni ca'nimba tsendeccui'ccu fae'ngae injancco'fajama, in'jamba'qque vacho'va'caen zuccosa'ne.

Éxodo 34:16

Tsambi'ta tsendeccu tise'pa onquengendeccuma que'i dutssiyendeccunga anttesi in'jamba'qque tise'pa chiganga iñajañe egae tson'jemba que'i dutssiyendeccuma'qque tsa'caen in'jaensi egae tson'fasa'ne.

Romanos 1:32

Chigaja manda poiyi'cco majan tsa'caen tsincon'ninda bove ñotssi tsu fi'ttiye. Tsa'ma tsendeccuja toesuveyi in'jamba toya tsa'caen tsincon'fa. Nane avujatssi'fa cca'indeccu'qque fae'ngae tise'pa'caen tson'fa'ninda.

Romanos 12:9

Afopoembe'yi tisupapora ñotsse injancco'faja. Osha'cho egama chi'gapa osha'cho ñotssiama in'jan'faja.

1 Corinto'su 15:33

Tsa'ma afopoeñembe'yi can'faja. “Egandeccui'ccu can'jensi ñotsse in'jan'choma tsu da'ñoña.”

Canjaen'cho 2:4

Tsa'ma fae jincho'choveyi qui shacapa: Ñama tayoe in'janqquia'caen qui ja'ño'qque in'jambi.