1 Reyes 10:4 - Cofán: Chiga Tevaen'jen

⁴ Tsonsi Sabá'su na'su pushesuja Salomón tsa'caen injama'pasi in'jamba toya'caen tise ñotssia na'su tsa'ove tsao'ña'cho,

1 Reyes 10:4 ပူးပေါင်းရင်းမြစ်များ

1 Reyes 10:3

Tsa'caen iñajampañasi pa'cco in'jan'choma tansintsse conda. Nane me'i'on tsu panshaen aiye'pasi tise condaye oshambi'choa've.

1 Reyes 10:5

tise anqque'suma'qque attepa can'boen ccutsu. Nane tise nasundeccu ma'caen ñotsse dyaisi ofian'jen'cho, shondosundeccu ñotsse ondiccupa ofian'jen'choma, toya'caen vino tasama cuiñasundeccuma attepa tsu can'boen ccutsu. Toya'caen Salomón Na'su Chiga ettini japa aña'choma afepa oque oraen'jen'choma attepa tsu ñoa'me afambi'tsse can'boen ccutsu.

Mateo 12:42

Toya'caen tayopi'su Sabá ande'su na'su pushesuja biane ji israe'su na'su Salomón ñotsse in'jamba su'choma pañañe. Osefaeña'cho a'ta napisi tsu tise'qque ja'ño'su aindeccu shacama canjaeña. Va'tti gi Salomóma ti'tsse'tssia can'jen'ma qui ñama paña'fambi.

Mateo 6:29

Tsa'ma ¿majan tsu tisia'caen ondiccucho? Nane ti'tsse'tssia na'su Salomón'qque tisia'caen ñotsse ondiccu'chombi.

Lucas 12:27

Ñotssia te'tama can'faja. Aqquia tsu sho'yopa te'ta. Semambi ni tise'pa ondiccu'jema anchombi. Tsa'ma ¿majan tsu tisia'caen ondiccucho? Nane ti'tsse'tssia na'su Salomón'qque tisia'caen ñotsse ondiccu'chombi.