1 Reyes 10:10 - Cofán: Chiga Tevaen'jen

¹⁰ Tsa'caen na'su Salomóni'ccu condasepa tsu tisenga corima afe tres mil noveciento sesenta kilove. Toya'caen tsu tsain'bio bare'cho ñome'ba, bare'cho patuma'qque afe. Nane minguite'qque tsu tsa'cantssi ñome'ba ccase jimbi Seba ande'su na'su pushesu na'su Salomónga afeqquia'caen.

1 Reyes 10:10 ပူးပေါင်းရင်းမြစ်များ

Génesis 43:11

Tsa'caen susi tise yayaja su: —Ccaningae tsoñe oshambi'ta qquen tson'faja: Tsa a'inga afeya'chove que'i saquiyonga anga'faja. Nane va ande'su bove ñotsse jincho'cho'suma anga'faja, re'ricco balsa'mo seje'pa, re'ricco tuño cuñajun'cho, ñome'ba, mirra seje'pa, ccasepa'cho toya'caen almendra.

1 Reyes 10:2

Jipa tsu Jerusaléni nepi tsain'bio anduqque'su cameyoi'ccu. Nane cameyo tsu ñome'ba, tsain'bio cori, toya'caen bare'cho patuma'qque andupa i'fa. Tsa'caen jipa Salomóni'ccu condasepa pa'cco tisu in'jan'choma tisema iñajampaña.

Mateo 2:11

Tsaoni ca'nimba du'shu Jesúsma atte'fa, tise mama Maríama'qque. Du'shuma attepa ccaru dyaipa tisema iñajamba ñotsse afa'fa. Ñotsse afapa tise'pa cafoma'qque fettapa osha'cho ñotssiama afe'fa. Nane cori, toya'caen bare'cho oque oraenqque'su ñome'ba, toya'caen mirra ñome'bama'qque afe'fa.

Canjaen'cho 21:11

Chiga ñotssiai'ccu tsu chanjun. Ñotssia veyaratssia patiacaen tsu chanjun. Nane bare'cho jaspe patiacaen tsu canccoa'caen chandi'tssipa a'tatsse chanjun.