1 Pedro 3:11 - Cofán: Chiga Tevaen'jen

¹¹ Egama anttepa tsu ñotsse tsoña'cho. Opatsse can'jeñe in'jamba tsu tsa'caen tsoña'cho.

1 Pedro 3:11 ပူးပေါင်းရင်းမြစ်များ

Job 1:1

Uz andeni tsu fae a'i, Job, qquen inisecho'choja can'jen. Tsa a'ija egae tsincombe'yi ñotsse canse. Nane dyoe'sui'ccuyi tsu ñotsse Chigave in'jan. Toya'caen faesuma egae tsincoñe in'jambi.

Job 2:3

Tsonsi Na'suja tisema su: —¿Attembi ti qui ñama shondo'su Jobma? Faesu tisia'can'me me'i'on tsu. Nane tiseja ñama in'jamba ñama shondo'supa egae tsincombe'yi ñotsse canse. Ni faesuma'qque egae tsincombi. Nane faesu a'ija tsa'caen canse'fambi. Toya'caen que ñama iñajamba pa'cco tise an'bian'cho, tise du'shuma injanga itsa'ni'qque toya tsu tiseja egae tsincombi.

Salmos 34:14

Tisuma ega'ye joqquitssiamba ñotsse tsonjan. Opatsse canse'ya'chove tta'ttapa tsa'caen canseja.

Proverbios 3:7

Tisuja ñoa'me injama'pa qquen in'janjama. Tsa'ma Na'suve in'jamba pañamba osha'cho ega'ye joqquitssija.

Mateo 5:45

Tsa'caen tsomba qui ñoa'me Chigama na'sian'cho dushundeccuve da'faya. Nane Chigaja se'pimbe'yi tsu coejechigama manda cuintsu egandeqquianga ño'andeccunga'qque chanjuñe. Unjima'qque se'pimbe'yi tsu manda ño'a tsonsundeccumbe nasipanga tuiye. Egae tsinconsundeccumbe nasipanga'qque tuiye tsu manda.

Mateo 5:9

Que'i majan opatsse canseye in'jan'chondeccuta ñoa'me qui avujatssi'fa. Chiga tsu que'ima Tise dutssiyendeccu qquen suya.

Mateo 6:13

Ingi egae tsinconsa'ne ottuni ttupa coiraja. Tsomba osha'cho ega'ye ingima ccushaenjan. Queyi qui Na'supa tsa'caen tsoñe osha. Queyi qui osha'choma oshacho. Queyi qui tsangae ti'tsse joccapitssia Na'su. Tsangaeyi.

Marcos 14:7

Tsangae tsu va'chandeccuja que'i'ccu can'jen'faya. Tise'pama maqui in'jan'da tsu mende'yeya'cho. Tsa'ma ñajan tsangae que'i'ccu can'jeña'bi.

Lucas 1:79

Tsa'caen tsu paya'chondeccunga attiaña cuintsu tise'pa sinttia'ni can'jen'choma catipa a'tatssianga ji'faye. Inginga'qque attiaña cuintsu ingi'qque Tise've in'jamba cansepa dyombi'tsse opatsse canse'faye.” Tsa'caen tsu Zacaríasja Chigama ñotsse afa.

Lucas 6:35

Tsa'ma que'ija tisuma egae tsonsundeccuma ñotsse in'jan'faja. Tsendeccuma ñotsse tson'faja. Corifin'dima afe'ta ccase isuye in'jambe can'faja. Tsa'caen tson'da qui Ti'tsse'tssia Chiga que'ima in'jansi Tise dushundeccuve dapa ti'tsse ñotsse osha'choma isu'faya. Chiga Quitsaja Tisema chi'gasundeccuma in'jamba mende'ye. Egae tsinconsundeccuma'qque in'jamba mende'ye.

Lucas 6:9

Tsonsi Jesús poiyi'ccoma iñajampaña: —Chiga manda'cho sema'ma'qquia a'ta egae tsoñe se'pi'ta ¿ñotsse tsoñe'qque ti se'pi? Fi'ttiye se'pi'ta ¿ccushaeñe'qque ti se'pi?

Juan 17:15

Tise'pama va ande'ye joqquitssiañe'da iñajambi gi. Tsa'ma cocoya Satana tise'pama dañosa'ne que se'piye gi iñajan.

Romanos 12:18

Nane ma'caen que'inga anttesi tsoñe osha'ta tsa'caen tsomba poiyi'ccoi'ccu ñotsse opatsse canse'faja.

Romanos 14:17

Chigaja ingi na'suve dapa osha'cho asettu'choma in'jambi. Tsa'ma Tise Qquendya'pa inginga ca'nisi ñotsse canseya'cho. Tisupaporai'ccu opatsse avujatsse canse'faye tsu Tiseja in'jan.

Romanos 14:19

Tsa'cansi jinge tisupapora fuiteccopa ñotsse opatsse canse'faye. Tsa'caen tsomba gi ti'tsse Chiga in'janqquia'caen canse'faya.

Romanos 5:1

Ingi Na'su Jesucristove in'jamba paña'fasi tsu Chiga Quitsaja su: “Que'ija ño'a'fa.” Tise tsa'caen supa ñoquiansi gi Tisei'ccu opatsse canse'fa.

Romanos 7:19

Ñotssiave tsoñe in'jan'ma gi tsa'caen tsombi. Tsa'ma egave tsoñe in'jambi'ma gi egae tson.

Romanos 7:21

Tsaveqque'su. Ñotssiave tsoñe in'jansi tsu egae tsincon'cho panshaen ñama in'jaen.

Romanos 8:6

Ai'vo in'jan'choma in'jan'da tsu paya'cho. Tsa'ma Chiga Qquendya'pa in'jan'choma in'jan'da tsu tsangae opatsse canse'faya'cho.

Galacia'su 5:22

Tsa'ma Chiga Qquendya'pa in'jaensi ñotsse canse'faya'cho tsu qquen: Poiyi'cco a'ima ñotsse in'jan'fa; avujatsse canse'fa; opatsse canse'fa; iyicca'yembe'yi ron'daye atesu'fa; faesuma ñotsse tson'fa; faesuma mende'yepa afe'fa; tisu su'choma tsa'caen tson'fa;

Galacia'su 6:10

Tsa'camba ma'caen osha'ta tsu poiyi'cconga ñotsse tson'faya'cho. Fae'ngae Jesucristove in'jan'chondeccunga ti'tsse tsu ñotsse tson'faya'cho.

Colosa'su 3:15

Cristoja que'ima ttu'se fae a'ive dapa fae in'jan'choveyi in'jamba canse'faye. Tsa'cansi Cristo que'ima ñotsse opatsse canse'faye manda'ninda tsa'caen canse'faja. Tsa'caen can'jemba Chigama ñotsse afa'faya'cho.

1 Timoteoga 6:18

Toya'caen tsendeccuma mandaja cuintsu ñotsse tson'faye. Nane corifin'dima boñamba ricove daqquia'caen tsu tsain'bitsse ñotsse tsoña'cho. Se'pimbe'yi tsu tisu an'bian'choma'qque cca'indeccunga attufaeña'cho.

Hebreo'su 12:14

Que'ija ma'caen osha'ta cca'indeccui'ccu iyiccombe'yi opatsse canse'faja. Toya'caen Chiga in'janqquia'caen ño'ame daye in'jamba canse'faja. Nane tsa'caen cansembi'ta qui Na'su Cristo Jesúsma atteye osha'faya'bi.

Hebreo'su 13:16

Aqque'pa'fajama ñotsse tsoñe. Que'i an'bian'choma'qque Chiganga afeqquia'caen mendeqquianga attufaeña'cho. Tsa'caen attufaensi tsu Chigaja que'i'ccu avujatssiya.

Santiago 4:17

Majan ñotsse tsoñe atesupa ñotsse tsombi'ta egae tsu tsincon.

1 Pedro 3:12

Nane ñoa'me tsu Na'suja ño'andeccuma coira'je. Tise'pa iñajan'choma'qque paña'jen. Tsa'ma egae tsinconsundeccuma tsu chi'ga.

3 Juan 1:11

Ña in'jan'cho, cca'ia'caen egae tsinconjama. Tsa'ma ñotssiave attepa tsa'caen tsonjan. Majan ñotsse tson'chota Chigama atesu'cho tsu. Tsa'ma majan egae tsincon'chota ñoa'me Chigama atesumbi'choa tsu.