1 Pedro 2:7 - Cofán: Chiga Tevaen'jen

⁷ Que'i tise've in'jan'chondeccune tsa patuja tsain'bitsse bare. Tsa'ma tise've in'jambindeqquiane qquen tsu Chiga Tevaen'jenjan su: Tsaoñasundeccu joqquitssian'cho patu tsu tsa'o chan'jime ccutsiaña'chove da.

1 Pedro 2:7 ပူးပေါင်းရင်းမြစ်များ

Mateo 21:42

Qquen susi Jesús tise'pama su: —¿Can'fambi ti qui Chiga Tevaen'jen tsane qquen su'choma? Qquen tsu su: Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da. Tsa'caen tsu Na'suja tson. Ingija attepa can'boemba “Ñotssi tsu” qquen asi'ttaen'fa.

Lucas 2:32

Nane tiseja israembindeqquianga attiansi tsendeccu'qque queve in'jan'faya. Tise'qque israendeccu'susi israendeccuja ti'tsse'tssia've dapa avujatssi'faya.

Lucas 2:34

Tsonsi Simeón tise'pama ñotsse afapa du'shumbe chan Maríama su: —¡Que canjan! Va du'shuve in'jambi'ta tsain'bio israendeccu tsu qque'faya. Tsa'ma cca'indeccuja tise've in'jamba ti'tsse'tssia've dapa tsu avuja'faya. Aindeccu tisema afase'fasi

Lucas 20:17

Tsa'ma Jesús tise'pama camba qquen su: —Tsa'cambian'da jongoesie tsu Chiga Tevaen'jenjan qquenda su: Tsaoñasundeccu joqquitssian'fa'cho patu tsu Ñoa'me ti'tsse injienge'cho patuve da.

Juan 4:42

Tsendeccuja pushesuma su'fa: —Ja'ñonda gi aqquia que su'choveyi in'jan'faya'bi. Tsa'ma tisupa tsosinai'ccu tisema pañamba gi in'jan'fa tiseja ñoa'me Cristo tsu, poi ande'suma ccushaen'su.

Tson'fa'cho 26:19

Na'su Agripa, sefani'su Na'su Jesús tsa'caen sefaccone attiamba susi gi ñotsse pañamba in'jan.

Romanos 10:21

Tsa'ma israendeccune Chigaja su: “Ñajan a'ima in'jamba pa'cco a'ta tise'pama ttu'se'ni'qque pañambipa ñama iyicca'ye'fa.”

Romanos 15:31

cuintsu ñama ccushaeñe Cristove in'jambi'choa israendeccu ñama indi'fasa'ne. Toya'caen Chigama iñajan'faja cuintsu Jerusaléni'su Cristove in'jan'chondeccu avujatsse ña tise'panga anga afe'cho corifin'dima isu'faye.

2 Corinto'su 2:16

Pañambipa qqueya'chondeccunga gi tssu'jutssi'fa tise'pa tsangae paya'chone canjaemba. Tsa'ma pañamba ccushaya'chondeccunga gi ño'metssi'fa tise'pa tsangae canseya'chone canjaemba. ¿Osha'fa ti gi tsa'caen Cristone canjaeñe? Ju, osha'fa gi.

Colosa'su 2:10

que'i'qque Jesúsi'ccu fae'ngae jinchopa qui pa'cco Chiga in'jan'choma injantsse an'bian'fa. Nane Jesúsja ñoa'me osha'choma manda'sundeccuma ti'tsse na'su tsu.

Titonga 3:3

Nane ingi'qque gi tayoeja sumbie daqquia'caen canse'fa. Na'su Chigama pañambipa gi qque'fa. Ingi ai'vo in'jan'cho tsu ingima manda. Osha'chove injanga co'fé canse'fa. Poi a'ta in'jangae cansepa gi cca'ima se'pi'fa. Toya'caen cca'indeccu ingima chi'gasi gi ccane'qque tise'pama chi'ga'fa.

Hebreo'su 4:11

Tsa'camba jinge Chiga in'janqquia'caen tson'faye Tisei'ccu tsangae opatsse canseye. Nane tayopi'su a'ija Chiga su'choma paña'ma Chiga in'jambi'choa've tson'fa. Tsa'caen tsomba Chigama cati'fa. Que'i'qque tsa'caen tson'fajama, tise'pa'caen egae tsincomba Chigama catisa'ne.

1 Pedro 1:8

Que'ija toya Jesucristoma attembi'a'qque qui tisema in'jan'fa. Tsa'caen toya tisema attembi'ma in'jamba qui avujatssi'fa. Ñoa'me avujatssipa qui Chigama ñotsse afaye in'jan'ma aya'fa tsu shaca.

1 Pedro 2:4

Na'sunga catse'faja. Tiseja cansia patiaca'on tsu. A'ija tisema chi'ga'fa. Tsa'ma tisenejan ñoa'me ñotsse attiansi Chigaja tisema in'jamba isu.

1 Pedro 2:8

Toya'caen cca'ttinga Chiga Tevaen'jenjan su: Tiseja zuccopanshan amppianqque'su patiaca'on tsu. A'ija patu'ye amppiqquia'caen tsu tise'ye qque'faya. Nane tsendeccuja Chiga Aya'fama paña'ma in'jambipa tsu tsa'caen qque'fa. Tsa'caen tsu Chigaja toyi'te tise'pane in'jan.