1 Pedro 2:17 - Cofán: Chiga Tevaen'jen

¹⁷ Poiyi'cco a'ima ñotsse afa'faja. Faenga'su Jesúsve in'jan'chondeccuma ñotsse in'jan'faja. Chigama dyoe'sui'ccu canse'faja. Ande na'suma'qque ñotsse afa'faja.

1 Pedro 2:17 ပူးပေါင်းရင်းမြစ်များ

Génesis 20:11

Tsonsi Abrahamjan su: —Ñajan ‘Vani'su a'i Chigave in'jambipa ñama fi'ttipa ña pushema itsa'faya’ qquen in'jamba gi tsa'caen tson.

Génesis 22:12

Tsonsi sefacconi'su shondo'suja se'pipa su: —Du'shuma pporaenjama. Ja'ño gi atesu que Chigave ñotsse in'jan'choma. Nane Chigama pañamba qui que du'shu fae'ccoama se'pimbi ñanga afe'je.

Génesis 42:18

Tres a'ta pasasi tise'pama su: —Ñajan Chiga Quitsave in'jamba gi tisema dyojo. Qquen tson'faja ña que'ima ccushaeñe:

Éxodo 20:12

“Ñotsse tsu in'jaña'cho que yaya, que mamama cuintsu Chiga, que Na'su, tsain'bitsse va quenga afeya'cho andeni canseya'chove antteye.

Mateo 22:21

Qquen iñajampañasi tsu su'fa: —Na'su Césarmbe tsu. Tsonsi Jesús su: —Tsa'caenda Césarmbemajan Césarnga afe'faja. Toya'caen Chigambemajan Chiganga afe'faja.

Juan 13:35

Tsa'caen injancco'fa'ninda tsu poiyi'cco atesu'faya que'ija ñoa'me ña a'i'fa qui.

Romanos 12:10

Antiama in'janqquia'caen tisupapora ñotsse injancco'faja. Tisupapora tisuma bove ñotssi qquen in'jamba tisema ñotsse afa'faja.

Romanos 13:7

Nane pa'cco govierno impuestoma afepoen'faja. Govierno a'ima'qque ñotsse in'jamba paña'faja.

2 Corinto'su 7:1

In'jan'chondeccu, va Chiga ñoa'me su'choma pañamba jinge'su giya'tsse onjonqquia'caen tisupama ñoña'faye. Osha'cho ai'vo egae tsincon'cho, injama'cho egae in'jan'choma'qque cati'faya'cho. Tsa'caen ñoñamba tisuma Chiganga afeqquia'caen Tise'veyi pañaña'cho.

Efeso'su 5:21

Que'i Cristoma in'jan'da tisupapora ñotsse pañamba canse'faya'cho.

Filipo'su 2:3

Tisu in'jan'choma panshaen in'jamba faesuma patsu'fajama. Tsa'ma que'i injama'cho opatssipa qui faesundeccu que'ima bove ñotssi qquen in'jamba canse'faya'cho.

1 Timoteoga 6:1

Poiyi'cco semasundeccu majan Cristove in'jan'chondeccu tise'pa nasundeccuma ñotsse in'jan'faya'cho. Tsa'caen ñotsse in'jansi nasundeccuja tise'pama egae afaseye osha'faya'bi. Ni Chiga Quitsane ni ingi atesian'jen'chone'qque afaseye osha'faya'bi.

Hebreo'su 13:1

Antte'fajama que'i faenga'su Cristove in'jan'chondeccuma ñotsse injancco'fa'choma.

1 Pedro 1:22

Chiga tansintsse su'choma pañamba qui que'i injama'choma ccucha'fa. Ccuchapa qui que'i faengasundeccuma ñoa'me ñotsse in'jamba canse'fa. Tsa'caen tsu pa'cco injama'choi'ccu pa'cco quin'sui'ccu in'jamba ñoa'me injancco'faya'cho.

1 Pedro 2:13

Na'su Cristo aindeccuve da'ta tsu pañaña'cho va andeni'su nasundeccu manda'choma. Nane ande na'suja ti'tsse'tssiasi tisema paña'faya'cho.

1 Pedro 5:5

Toya'caen, dusungandeccu, coenzandeccuma ñotsse paña'faja. Poiyi'cco que'i tisupapora opatsse pañacco'faja. Nane Chiga Tevaen'jenjan su: Chigaja chi'ga “Ña gi ñotssia” qquen in'jan'chondeccuma. Tsa'ma opatssindeqquiamajan Tisu in'jan'choi'ccu fuite'je.