1 Corinto'su 13:12 - Cofán: Chiga Tevaen'jen

¹² Ja'ño gi sara'cho'a cancconga canqquia'caen ñotsse a'tatsse atte'fambi. Tsa'ma tsequi a'ta gi camba'juve atteqquia'caen ñotsse in'jan'faya. Ja'ño gi enttingeveyi atesu'fa. Tsa'ma tsequi a'ta gi pa'tssima atesupa in'jan'faya. Chiga ñama atesuqquia'caen gi pa'tssima atesu'faya.

1 Corinto'su 13:12 ပူးပေါင်းရင်းမြစ်များ

Génesis 32:30

Afasi Jacobja: “Tayo Chigama cambajunaccu atte'ma gi toya canse”–qquen supa tse'ttima inisian Penuel.

Job 19:26

cuintsu ña ai'vo'su na congoña'cca'ni'qque toya camba'jui'ccu Chigama atteye.

Éxodo 33:11

Nane Chigaja Moisési'ccu cambajunaccu tisu amigoma'caen condasecco'je. Tsa'caen condase nanimba Moisésja canqqueni ji'je. Tsa'ma tisema shondo'su Josué, tsa pushe me'choa Nun dutssi'yeja, minga'ni'qque joqquitssi'jembi tsa carpa tsa'o'ye.

Números 12:8

Tsa'cansi gi tisei'ccu cambajunaccu a'tatsse aya'fai'ccu condasecco'je. Tise tsa'caen ñama cambajunaccu atte'je'ninda ¿ma'caen qui que'ija tisema egae afa'faya?”

Mateo 18:10

Injama'tse majan va du'shua'can'ma chi'gasa'ne. Nane ñoa'me gi su: Tise'pama coira'su Chigama sefacconi'su shondosundeccu ña sefacconi'su Quitsai'ccu fae'ngae can'jemba cambajunaccunga conda'fa.

Mateo 5:8

Que'i majan injama'choni egama in'jambi'ta ñoa'me qui avujatssi'fa. Chiga Quitsama qui atte'faya.

Romanos 8:18

Ja'ñoñi gi vana'jen'fa. Tsa'ma jai'ngae Chiga ñotssiama attepa ñoa'me gi ja'ño vana'jen'choma me'i'onqquia'caen aqque'pa'faya.

1 Corinto'su 13:11

Toya chuite gi du'shua'caen afapa injama'choni du'shu in'janqquia'caen asi'ttaemba in'jan. Tsa'ma tayo coemba gi osha'cho du'shu in'jan'choma cati.

1 Corinto'su 8:3

Tsa'ma majan a'i Chigama in'jansi ccane'qque Chigaja tisema atesupa in'jan.

2 Corinto'su 3:18

Tsa'cansi gi poiyi'cco cambajuma fanangombe'yi canccoa'caen Na'su a'tatssia'ma attepa canjaen'fa. Ingi'qque Tisia'caen a'tatssia've gi da'fa. Ja'ño re'ricco a'tatssia've dapa jai'ngae gi ti'tsse tisia'caen a'tatssia've da'faya. Nane Na'suve in'jansi Tise Qquendya'paja tsa'caen in'jaemba ingima ñotsse tson'jen.

2 Corinto'su 5:7

Nane Jesúsma attembi'ma gi injama'choi'ccu tise've in'jamba canse'fa.

Filipo'su 3:12

Toya gi napimbi tsa'caen canseye ni toya gi shaca mechoa've dambi. Tsa'ma Cristo Jesús tise'beve ñama ttu'sesi gi ti'tsse quin'gopa tsa'caen napiye in'jamba canse.

Santiago 1:23

Nane Majan a'i Chiga Aya'fama aqquia pañamba tsa'caen tsombi'ta tsu a'i tisu tsovejuma cancconga canqquia'caen.

1 Juan 3:2

Ña in'jan'chondeccu, ja'ño gi Chiga dushundeccu'fa. Toya atesu'fambi gi ingi jai'ngae ma'caen daya'chove. Tsa'ma atesu'fa gi Jesucristo jisi tise ma'ca'me'qque attepa gi tisia'caeñi da'faya.

Canjaen'cho 22:4

Nane tsendeccuja cambajunaccu Chigama atte'faya. Toya'caen tise'pa tsovejunga Chigambe inisema tevaengepa an'bian'faya.