1 Corinto'su 10:4 - Cofán: Chiga Tevaen'jen

⁴ Poiyi'cco tsu fae'ngae Chiga afe'cho tsa'ccuma'qque cu'i'fa. Chiga agattoen'cho patu tise'pa sepaccofae jiñasi tsa'ye tsa'ccu sombosi tsu cu'i'fa. Tsa patuja Cristo tsu.

1 Corinto'su 10:4 ပူးပေါင်းရင်းမြစ်များ

Génesis 40:12

Joséja pañamba su: —Qquen tsu que ayo'ochoja condaye in'jan: Tres ttembata tsu canjaen tres a'tave.

Génesis 41:26

Tsa siete vaura me'detssiata tsu siete canqque'fave canjaen. Tsa'caeñi tsu siete me'detssia na'si'qque canjaen. Nane fa'eveyi ayo'o'cho tsu.

Salmos 105:41

Patuvo'choma'qque doñasi tsa'ye tsa'ccuja sombopa na'en'caen a'i menia'su andengae ai'je.

Salmos 78:15

A'i menia'su patuvo'choma'qque doñamba inján'tssia tsa'ccuma somboen cuintsu poiyi'cco a'i cu'i'faye.

Salmos 78:20

Nane tansintsse Chigaja fattoccoma doñasi tsa'ccuja na'en'caen sombo. Tsa'ma ¿oshaya ti panme inginga afeye? ¿Oshaya ti aña'choma tise aindeccunga afeye?”

Éxodo 17:6

Ñanda gi Horeb ccotta'cco'su patuvo'choni queve ronda'jeya. Tsanga nepipa patuvo'choma ochhaisi tsu tsa'ccuja somboya cuintsu aindeccu cu'i'faye. Moisés poiyi'cco israe'su coenzandeccu caña'jen'ni

Daniel 2:38

Toya'caen pa'cco a'i, aiña'cho, chhajepa jacanqque'suma'qque mandaye antte. Tise tsa'caen anttesi queja tsa cori tsove'caen joccapitssia've da.

Números 20:11

Tsa'caen supa Moisésja dos se tsa patuvo'choma tise isu'cho accuicco'choi'ccu ochhai. Tsa'caen ochhaisi tsain'bitssi tsa'ccu tsa'ye sombo. Sombosi aindeccu toya'caen vaurandeccu'qque cu'iye ashaen'fa.

Juan 4:10

Tsa'caen susi Jesúsja su: —Queja Chiga afe'chove in'jan'choecan'da, majan quema tsa'ccuve iñajan'chove in'jan'choecan'da, ñoa'me qui ñama tsa'ccuve iñajañe'can. Iñajan'choecan'da gi cansiaña'cho tsa'ccuma afeye'can.

Juan 4:14

Tsa'ma majan ña cui'ña'cho tsa'ccuma cu'i'ta minga'ni'qque tsu tsaqquie'su'faya'bi. Ña cui'ña'cho tsa'ccuta tsu tisenga sombopa oshaqquia'caen tsangae canseya'chove cansiaña.

Juan 7:37

Fiesta pasaya'cho a'ta tsu ñoa'me ti'tsse'tssia fiesta a'ta. Tsequi a'ta Jesúsja jangi ccutsupa quia'me afa: —Majan tsaqquie'su'ta ñani jipa cu'ija.

Galacia'su 4:25

Nane Agarja Arabia ande'su Sinaí Ccotta'ccoa'can tsu. Toya'caen tiseja ja'ño'su Jerusalén canqquea'caen tsu poiyi'cco israendeccu ma'caen tson'faya'choma canjaen. Agárja patrón mandasi sema'susi tise dushundeccu'qque patrón mandasi sema'jen'fa. Israendeccuma'qque tsa'caen manda'cho mandasi sema'jen'fa ccushaye qquen in'jamba.

Colosa'su 2:17

Tayo tsu tsa'caen manda'fa a'ima canjaeñe jai'ngae tsoña'chove. Tsa'ma Cristo jipa pa'ccoma tsu nanitsse tson.

Hebreo'su 10:1

Coe'je desi osha'cho aya attianqquia'caen Chiga manda'choja osha'cho Chiga jai'ngae ñotsse tsoña'chone aqquia a'inga attiaña'cho tsu. Tsa'ma aqquia attiansi a'ija Chiga ñotssiave toya isuye osha'fambi. Nane manda'cho mandaqquia'caen a'ija poi canqque'fa chivo, vaurama'qque afe'ñaccapa Chigama iñajan'fa. Tsa'caen afe'a'qque toya tsu iñajansundeccuja napi'fambi Chiga in'janqquia'caen daye.

Canjaen'cho 22:17

Chiga Qquendya'pa, Ovejambe pushe'qque tsu su'fa: —¡Jija! Poiyi'cco pañasundeccu'qque tsu su'fa: —¡Jija! Nane poiyi'cco majan tsa'qquie'su'ta tsu jiya'cho. Majan in'jan'da tsu Cansiaña'cho Tsa'ccuma cu'iya'cho. Aqquia afe'cho tsu.