1 Corinto'su 10:21 - Cofán: Chiga Tevaen'jen

²¹ Osha'fambi qui Na'su Jesús mandapa afe'cho cui'ccuma cu'ipa tse'faei'ccuyi cocoya cui'ccuma'qque cu'i'ye. Na'su Jesús an'jen'choma amba tse'faei'ccuyi cocoya an'jen'choma'qque añe osha'fambi qui.

1 Corinto'su 10:21 ပူးပေါင်းရင်းမြစ်များ

1 Reyes 18:21

Tsonsi Elíasja poi aindeccunga catsepa su: —¿Mi'nge'e qui tsa'caen dosve in'jamba canse'fa'ya? Na'su Chiga ñoa'me Chigamanda tsave in'jan'faja. Tsambi'pa Baal ñoa'me Chigamanda tsu tsave in'jan'faya'cho. Tsa'caen susi a'i bo'choja afa'fambi.

Mateo 6:24

Sema'suja dos na'suma shondoye oshambi. Nane fa'ema chi'gapa faesuma tsu in'jaña. Tsambi'ta fa'ema ñotsse in'jamba faesuma tsu chi'gaya. Chigama in'jamba que'i corifin'dima'qque fae'ngatsse in'jañe osha'fambi qui.

1 Corinto'su 10:16

Na'su Jesús fae tasaveyi mandapa afesi tsane Chigama ñotsse afapa gi fae'ngae cu'i'fa. Cu'ipa gi Jesucristo anjampa tssansi ccusha'chone fae'ngae in'jan'fa.

1 Corinto'su 8:10

Ñotsse in'jan'faja qquen aqquia su'choma: Queja ñoña'cho chiga tsaoni japa dyaipa an'jensi faesu quema atte'ta “tsaja ñoa'me in'jan'cho” qquen tsu in'jaña. Tsa'caen in'jamba tise'qque ashaeña ñoña'cho chiganga afe'cho aña'choma añe. Tsa'ma tsa'caen an'jemba injama'choni toya egae tsincon'cho tsu qquen in'jamba tisuyi tsu qque.