1 Corinto'su 10:1 - Cofán: Chiga Tevaen'jen

¹ Faengasundeccu, aqque'pa'fajama ingi tayopi'su coenzandeccuja poiyi'cco tsu Chiga can'jen'cho unjimba'cco tsosiqquie a'i menia jacan'fa. Poiyi'cco tsu Chiga tsaiquiansi mar na'ema sa'ngae ise'fa.

1 Corinto'su 10:1 ပူးပေါင်းရင်းမြစ်များ

Salmos 105:39

Ja'fasi Chigaja tise'pama piccoye unjimba'ccoma attajaemba cose'qque si'ngei'ccu tise'pama attian.

Salmos 78:53

Ñotsse coirapa angacansi dyombe'yi jaja'fa. Tsa'ma tisema mandiansundeccuja pa'fa, na'en tise'pama piccosi.

Éxodo 14:29

Tsa'ma israendeccuja marma santsse ise'fa. Nane tansinfani toya'caen pavefani tsu mar tsa'ccuja ttuqquia'caen jincho. Tsambe enttinge'ye tsu ise'fa.

Éxodo 40:34

Moisés osha'chove ñoñasi Chiga can'jen'cho unjimba'cco tsu Chigai'ccu cachuicco'je'ttima picco. Toya'caen tsu Na'su Chigambe ñotssiaja enttinge'su Chigai'ccu cachuicco'je'cho'su cuartonga on'ba.

Números 14:14

tsu Canaán andesundeccunga condase'faya. Nane tsendeccu'qque tsu que qquen su'choma paña'fa: ‘Queja, Na'su, israendeccui'ccu can'jemba cambajunaccu tise'pai'ccu afa'je; toya'caen que unjimba'cco'qque tise'pa canqque ombani dusepa a'taja unjimba'ccove attiamba tise'pama o'tie jayi; coseja si'ngeve attiamba tsa'caen jayi.’

Juan 4:20

Ingi tayopi'su samariasundeccuja va ccotta'cconga tsu Chigama iñajan'fa. Tsa'ma que'i israendeccuja su'fa Jerusaléni tsu ñoa'me Chigama iñajaña'tti.

Romanos 1:13

Faengasundeccu, in'jan gi que'i vama atesuye: Tsain'bitsse gi que'ini jiye in'jan'ma toya oshambi. Cca'i toya in'jambindeqquianga japa condasesi tsu tise'paja pañamba Jesucristove in'jan'fa. Que'inga'qque condaseye gi in'jan tsa'caen condasepa in'jaensi qui Cristove in'jan'faya.

Romanos 11:21

Na'su Chiga tsa'su quini'cco ttembama cati'ninda injama'tse Tise que'ima'qque catisa'ne.

Romanos 4:11

Chigaja “Abrahamjan ño'a” qquen supa tisema manda cuintsu tisu ttonoma tevaeñe tiseja tayo Chigave in'jan qquen canjaeñe. Tsa'camba tsu Abrahamjan poiyi'cco Chigave in'jan'chondeccumbe yaya. Nane ttonoma tevaembindeqquia'qque Chigave in'jan'da Abraham dushundeccuve tsu da'fa. Chigaja tsendeccuma'qque su “Que'ija ño'a'fa qui.”

1 Corinto'su 12:1

Ja'ño, faengasundeccu, in'jambi gi que'ija Chiga Qquendya'pa a'inga in'jaemba afe'choma atesumbe canse'faye.

1 Corinto'su 14:38

Tsa'ma majan tsa'caen in'jambian'da ccane'qque gi tisema in'jan'fambi.

Galacia'su 3:29

Toya'caen que'ija Cristombe a'i'ta ñoa'me qui Abraham dutssiyendeccu. Osha'cho Chiga tise'panga afeya'choma que'i'qque isu'faya.

Hebreo'su 11:29

Tsa'caen panshansi sombopa jayipa israendeccuja santsseyi Cu'amar na'ema isé panshan'fa. Nane Chiga tsa'caen na'en enttingema tise'pa jaya'quive samboensi Chigave in'jamba santsseyi panshan'fa. Tsa'ma Egipto'su sundarondeccu tsendeccuma mandiamba tsa'caen iseye tson'jen'fasi marja toequi jipa tise'pama andeccoensi pa'fa.

Josué 4:23

Na'su que'i Chigaja Jordánma samboemba ronda'je cuintsu poiyi'cco ingi ise'faye. Nane tise tayoe Cu'a marma samboensi ingi tayopisundeccu iseqquia'caen tsu Jordánma'qque samboen.