Santiago 4:10 - El Nuevo Testamento y Salmos

¹⁰ Siataꞌaj quee óotzaahuatyeꞌej ɨ tavástaraꞌ jimi, tɨpuaꞌaj aꞌyan xáarɨnyij aꞌɨ́ɨ pu tyámuaꞌ tyajamuaatyátoosij.

Santiago 4:10 ပူးပေါင်းရင်းမြစ်များ

SALMOS 113:7

Tavástaraꞌ pu chóotaꞌ jaꞌajriásij aꞌɨ́jcɨ ɨ tɨquee jeꞌej tyéejviicueꞌ, ajta aꞌyan chaꞌtánaꞌaj tyeꞌejriásij aꞌɨ́jcɨ ɨ tɨquee tyiꞌtɨ́j tyíchaꞌɨj

SALMOS 147:6

Tavástaraꞌ pu caꞌnyíjraꞌaj huaꞌtáꞌcaa aꞌɨ́ɨjma ɨ maj quee óotzaahuatyeꞌ, ajta jéehua pu huápuɨꞌɨj huoꞌtyáxaahuataj aꞌɨ́ɨjma ɨ maj jeꞌej puaꞌaj tyityetyúuchaꞌɨj.

SALMOS 27:6

Aj puꞌij naatáɨꞌriityeꞌsij nyej nyij ájnyeerej huaꞌ japua aꞌɨ́ɨjma ɨ maj nyéjchaꞌɨɨreꞌ, aj nu nyij jimi tyuꞌtámuꞌvejritaj ɨ tyeyúuj tzajtaꞌ, nyajta jeꞌen jijhuan nyenyetyámuaꞌvaꞌaj, nyajta jimi tyuꞌtáchuiicaj ɨ Tavástaraꞌ.

SALMOS 28:9

Tavástaraꞌ, pataꞌaj huaꞌ japua huatányuunyij aꞌtyéɨtyeristyamuaꞌ, pajta tyámuaꞌ tyihuoꞌtyátoonyij ɨ maj muéetzij jitze ajtyámaꞌcan. Aꞌyaa paj tyihuóꞌchaꞌɨɨn tɨꞌɨj ɨ cányaꞌxɨɨ tɨ sɨɨreꞌ, ¡aꞌnáj tɨnaꞌaj paj néijmiꞌcaa tyámuaꞌ tyíꞌviꞌraj!

SALMOS 30:1

Tavástaraꞌ, nyáaj nu muéetzij tyíꞌmuatzojtziꞌreꞌ jiꞌnye muáaj paj naatáꞌ nyej nyij nyaxáahuaj séjreꞌej, jiꞌnye muáaj paj quee tyuꞌtáꞌ mej mij aꞌɨ́ɨmaj naatyáxaahuataj ɨ maj nyéjchaꞌɨɨreꞌ.

San Mateo 23:12

Jiꞌnye aꞌɨ́jna ɨ tɨ jusɨ́ɨj óotzaahuatyeꞌ, aꞌɨ́j mu huatyáxaahuataj, ajta ɨ tɨquee aꞌyan tyóotzaahuatyeꞌ, aꞌɨ́ɨ pu vaꞌcán jɨn tyeꞌentyárutyij.

San Lucas 1:52

ajta tyihuáaꞌriꞌriꞌ ɨ maj jɨn tyityatatyáꞌcaꞌaj vaꞌcán jɨmeꞌ, ajta vaꞌcán jɨn tyihuaꞌantyáarujtyej aꞌɨ́ɨjma ɨ maj quee jeꞌej tyéejviicueꞌ.

San Lucas 14:11

Jiꞌnye aꞌtɨ́j tɨ naꞌaj tɨ óotzaahuatyeꞌ, aꞌɨ́ɨ pu tyéviꞌsiꞌ huataséjreꞌej. Ajta aꞌɨ́jna ɨ tɨ tyóoxaahuaj, aꞌɨ́ɨ pu naa huataséjreꞌej.

San Lucas 18:14

Aꞌyaa nu tyajáꞌmuaꞌixaatyeꞌ aꞌɨ́jna ɨ aꞌtɨ́j tɨ huáꞌjijveꞌ ɨ maj tyíꞌtɨꞌɨjcɨcaa, aꞌɨ́ɨ pu xaa jɨꞌréenyaꞌaj huatyáꞌɨtzee ɨ jutzájtaꞌ tɨꞌɨj jóꞌraa ɨ juchéj, ajta ɨ fariseo capu jɨꞌréenyaꞌaj huatyáꞌɨtzee, jiꞌnye tɨpuaꞌaj aꞌtɨ́j óotzaahuatyeꞌej, aꞌɨ́ɨ pu huatóotyeviꞌraꞌastaj. Ajta ɨ tɨquee aꞌyan tyóotzaahuatyeꞌ, aꞌɨ́ɨ pu jéetzeꞌ juxɨeꞌveꞌ ɨ Dios jimi.

1 Pedro 5:6

Siataꞌaj quee óotzaahuatyeꞌej aꞌɨ́jna jimi ɨ Dios, ɨ tɨ néijmiꞌi jɨn antyúumuaꞌreej, taꞌaj ij aꞌɨ́ɨn vaꞌcán jɨn tyajamuaataꞌíjtyeꞌen, aꞌnáj tɨ aꞌyan tyajamuaaxáꞌpuɨꞌɨntariꞌriꞌ.