SALMOS 99:3 - El Nuevo Testamento y Salmos

³ Cheꞌ tyámuaꞌ eenyeꞌ ɨ tɨ jɨn ántyapuaj, vaꞌcán pu jɨn séejreꞌ ajta tzáahuatyiꞌreꞌ; ¡Dios pu néijmiꞌi jɨn tyámuaꞌ een!

SALMOS 99:3 ပူးပေါင်းရင်းမြစ်များ

SALMOS 100:4

Musioꞌváꞌjuꞌ joꞌtɨj jaꞌpueertaj aꞌájna joꞌtɨj jaꞌrájtaꞌcuaj ɨ tyeyúujraꞌ tzajtaꞌ aꞌɨ́j setyiꞌchuíicaj ɨ siaj jɨn tyaatatyójtziꞌreꞌen. ¡Setyuꞌtatyójtziꞌreꞌ, siajta tyámuaꞌ tyeetyátoonyij ɨ tɨ jɨn ántyapuaj!

SALMOS 103:1

Néijmiꞌi nu ɨ nyamuaꞌtzíiraꞌaj jɨn tyámuaꞌ tyeetyátoosij ɨ Tavástaraꞌ; néijmiꞌi nu ɨ nye tyéviraꞌ jɨn tyámuaꞌ tyeetyátoosij aꞌɨ́jcɨ ɨ tɨ tyámuaꞌ een ɨ tɨ jɨn ántyapuaj.

SALMOS 111:9

Aꞌɨ́ɨjma pu iirájtoo ɨ jutyéɨtyeristyamuaꞌ ajta jusén jɨmeꞌ tyámuaꞌ jáaruuj ɨ tɨ jɨn tyaꞌtóoratziiriꞌ. Dios pu tyámuaꞌ een ajta áꞌtyesiꞌreꞌ.

SALMOS 145:17

Tavástaraꞌ pu tyámuaꞌ een ɨ ju juyéj jitze, ajta jéehua tyámuaꞌ tyíꞌuurej jeꞌej tɨ aꞌɨ́ɨn tyíꞌtaxɨeꞌveꞌ.

SALMOS 66:3

Aꞌyaa xu tyaatéꞌexaatyeꞌen ɨ Dios tɨjɨn: “Naa pu tyihuáꞌsejratyeꞌ muáaj paj tyúꞌtaahuacaꞌ. Aꞌɨ́jcɨ jɨmeꞌ ɨ paj néijmiꞌi jɨn putyíꞌuurej aꞌɨ́ɨ mu muéetzij jimi eetávitzej metyiꞌtzɨ́ɨnyeꞌej ɨ maj muájchaꞌɨɨreꞌ,

SALMOS 76:1

Dios mu néijmiꞌqueꞌ jamuaꞌtyej aꞌájna a Judá; néijmiꞌqueꞌ pu namuajreꞌ aꞌájna a Israel jeꞌej tɨ aꞌɨ́ɨn ántyapuaj.

SALMOS 76:12

Jiꞌnye aꞌɨ́ɨ pu huáariꞌraj ɨ huáꞌjuuricamej aꞌɨ́ɨjma ɨ maj tyíꞌijta ajta tyuꞌtáꞌsij mej mij tyuꞌtátzɨɨnyeꞌen ɨ maj tyíꞌijta ɨ cháanacaj japua.

San Juan 17:11

’Canu cheꞌ nyáaj yan huatyáꞌɨtzeereꞌej ɨ cháanacaj japua, majta aꞌɨ́ɨmaj mu aꞌyan huatyáꞌɨtzeereꞌej, nyajta nyáaj nu joꞌméj muéetzij jimi. Nyavástaraꞌ mu paj tyámuaꞌ een, huóꞌchaꞌɨj aꞌɨ́jna jitze maꞌcan ɨ paj jɨn ántyapuaj, aꞌɨ́jna ɨ paj jɨn aꞌyan naatamuaꞌaj, mej mij tyámuaꞌ eenyeꞌ, aꞌyájna tyatɨꞌɨj ityáj.

El Apocalipsis 4:8

Majta aꞌɨ́ɨmaj ɨ maj muáacuaj ɨ maj júurij, aꞌɨ́ɨ mu aráseej puaꞌmácan ajta anájmaꞌcaaj sɨ́ɨj ajta sɨ́ɨj, ajta jéehua jɨꞌsíj jitzán séjriaꞌcaꞌaj, jéjreꞌ ajta tyétyeꞌ. Aꞌnáj tɨnaꞌaj mu aꞌyan tyíꞌxajtacaꞌaj majta aꞌyan tyíꞌchuiicacaꞌaj tɨjɨn: Tyámuaꞌ pu een, tyámuaꞌ pu een, tyámuaꞌ pu een ɨ tavástaraꞌ, Dios pu aꞌɨ́ɨn puéꞌeen ɨ tɨ néijmiꞌi jɨn antyúumuaꞌreej, aꞌɨ́ɨ pu anaquéej séjriaꞌcaꞌaj, ajta ijíij séejreꞌ, ajta jusén jɨn séeriaꞌaj taꞌmej.