SALMOS 9:2 - El Nuevo Testamento y Salmos

² Muáaj jútyeꞌ ɨmuáj paj jáꞌsejreꞌ, a jitze maꞌcan nu jaxɨeꞌveꞌ nyaj huajíjhua nyenyetyámuaꞌvaꞌaj, ¡nyáaxɨeꞌveꞌ nyaj aꞌɨ́j jitze maꞌcan tyuꞌtáchuiicaj jeꞌej paj ántyapuaj!

SALMOS 9:2 ပူးပေါင်းရင်းမြစ်များ

SALMOS 138:1

Nyetyimuatatyójtziꞌreꞌej, Tavástaraꞌ, néijmiꞌi ɨ nyaxɨéjnyuꞌcaa jɨmeꞌ; nyajta muéetzij jimi tyuꞌtáchuiicaj aꞌɨ́ɨmaj metyiꞌséeracaj ɨ maj muéetzij muahuɨɨreꞌ.

SALMOS 26:7

nyajta jeꞌen muéetzij jimi tyuꞌtáchuiicaj, nyajta aꞌɨ́j huataxáj ɨ tɨ jéehua naa tyuꞌséꞌrin muéetzij jimi.

SALMOS 27:6

Aj puꞌij naatáɨꞌriityeꞌsij nyej nyij ájnyeerej huaꞌ japua aꞌɨ́ɨjma ɨ maj nyéjchaꞌɨɨreꞌ, aj nu nyij jimi tyuꞌtámuꞌvejritaj ɨ tyeyúuj tzajtaꞌ, nyajta jeꞌen jijhuan nyenyetyámuaꞌvaꞌaj, nyajta jimi tyuꞌtáchuiicaj ɨ Tavástaraꞌ.

SALMOS 28:7

Aꞌɨ́jna ɨ Tavástaraꞌ aꞌɨ́ɨ pu nyechaꞌɨj aꞌɨ́jcɨ jɨmeꞌ ɨ tɨ néijmiꞌi jɨn putyíꞌuurej, aꞌɨ́j nu jitze néijmiꞌi jɨn tyuꞌcáꞌan, aꞌɨ́ɨ puꞌij naatyáhuɨɨ. Ɨ nyaxɨéjnyuꞌcaa pu jutyamuaꞌveꞌ, nyetyuꞌtáchuiicaj nyajta tyaatatyójtziꞌreꞌej ɨ Tavástaraꞌ.

SALMOS 43:4

Aj nu nyij aꞌáa jaꞌráꞌastij joꞌtɨj joꞌtyéjvee ɨ maj japuan muanaꞌmichej, nyaj Dios, aꞌáa nu nyij tyimuaatatyójtziꞌreꞌej nyetyiꞌchuíicaj aꞌɨ́jcɨ jitze ɨ canárij, jiꞌnye muáaj, nyaj Dios, muáaj paj néijmiꞌi ɨ nyajúuricamej jitze nyetyamuaꞌvisteꞌej.

SALMOS 5:11

Micheꞌ huatóotyamuaꞌveꞌen aꞌɨ́ɨmaj ɨ maj jahuoo pej pij muáaj huoꞌtyáhuɨɨreꞌen, aꞌnáj tɨnaꞌaj xu jutyamuaꞌveꞌej tyíꞌchuiicaj; jiꞌnye muáaj paj huáꞌchaꞌɨj. Aꞌɨ́ɨmaj ɨ maj muaxɨeꞌveꞌ, aꞌɨ́ɨ mu aꞌ jitze maꞌcan jutyamuaꞌveꞌ,

SALMOS 7:17

Nyetyaatatyójtziꞌreꞌej ɨ Tavástaraꞌ jiꞌnye aꞌɨ́ɨ pu quee tyiꞌtɨ́j jɨn áꞌɨtzeereꞌ, nyetyuꞌtáchuiicaj aꞌɨ́jcɨ jitze maꞌcan ɨ Tavástaraꞌ, aꞌɨ́jcɨ jitze maꞌcan jeꞌej tɨ ántyapuaj ɨ tajapuá tɨ jáꞌsejreꞌ.

SALMOS 83:18

¡Micheꞌ jáamuaꞌreej paj muáaj panaꞌaj aꞌɨ́ɨn puéꞌeen ɨ Tavástaraꞌ, paj muáaj panaꞌaj aꞌɨ́ɨn puéꞌeen ɨ tajapuá tɨ jáꞌsejreꞌ ajta quee sɨ́ɨj ajtáhuaꞌaj yajáꞌhuaꞌ íiyan ɨ cháanacaj japua!

SALMOS 86:12

Nyavástaraꞌ pajta nyaj Dios, néijmiꞌi nu ɨ nyaxɨéjnyuꞌcaa jɨn tyimuaatatyójtziꞌreꞌej nyajta aꞌnáj tɨnaꞌaj tyámuaꞌ tyaataxájta ɨ paj jɨn ántyapuaj.

SALMOS 92:1

Tavástaraꞌ tajapuá paj jáꞌsejreꞌ, ¡tyámuaꞌ pu naa tyíꞌxaꞌpuɨꞌ tyaj tyimuaatatyójtziꞌreꞌen tyajta aꞌ jitze maꞌcan tyuꞌtáchuiicaj ɨ tyaj jɨn muaatyátzaahuatyeꞌen!

SALMOS 92:4

Muáaj paj Tavástaraꞌ puéꞌeen, ¡muáaj paj tyámuaꞌ naa tyinaatyájtoo aꞌɨ́jcɨ jɨmeꞌ jeꞌej paj huarɨ́j! ¡Jéehua nu nyetyamuaꞌveꞌ aꞌɨ́jcɨ jɨmeꞌ jeꞌej paj tyíꞌmuarɨeꞌ!

SALMOS 96:3

Xaataxáj ɨ tɨ jɨn naa huaséꞌrin ajta ɨ tɨ jɨn tyámuaꞌ naa tyíꞌuurej huaꞌ tzajtaꞌ ɨ tyeɨ́tyee siajta aꞌɨ́ɨjma jimi ɨ maj séej chuéj japua joꞌcháatɨmee,

SALMOS 97:12

¡Siataꞌaj huatóotyamuaꞌveꞌen ɨ Tavástaraꞌ jimi, tyeɨ́tyee siaj tyámuaꞌ tyityetyúuchaꞌɨj, siajta tyaatatyójtziꞌreꞌen ɨ tɨ jɨn ántyapuaj tɨ ajta tyámuaꞌ een!

SALMOS 97:9

jiꞌnye muáaj, Tavástaraꞌ jútyeꞌ ɨmuáj paj jáꞌsejreꞌ, muáaj paj néijmiꞌi japuan séejreꞌ ɨ cháanacaj pajta jéetzeꞌ huaꞌ japua ɨmuáj séejreꞌ ɨ maj a jimi tyíꞌhuɨɨreꞌ.

Filipenses 4:4

Aꞌnáj tɨnaꞌaj xu jutyamuaꞌveꞌej ɨ tavástaraꞌ jimi. Nyajtáhuaꞌaj nu jamuaatéꞌexaatyeꞌsij: Siahuóotyamuaꞌveꞌ.