SALMOS 83:3 - El Nuevo Testamento y Salmos

³ Aꞌɨ́ɨ mu meríj tyiꞌtɨ́j jeꞌej puaꞌaj tyuꞌxáꞌpuɨꞌɨntarej aꞌɨ́ɨjma jimi aꞌtyéɨtyeristyamuaꞌ, ¡majta aꞌɨ́ɨjma jimi ɨ paj tyámuaꞌ tyihuáꞌchaꞌɨj!

SALMOS 83:3 ပူးပေါင်းရင်းမြစ်များ

SALMOS 10:9

aꞌyaa pu een tɨꞌɨj ɨ muájyej tɨ aꞌaj jeꞌráacaꞌaj joꞌtɨj jáꞌtyastaꞌ, aꞌaj puꞌij jeꞌraqueꞌtɨj jaꞌeeveꞌ aꞌɨ́jcɨ ɨ tɨquee jeꞌej tyéejviicueꞌ, aꞌyan tyeꞌejchóꞌveꞌej aꞌtzáaj tɨ japuan rájtzunaj, ajta tɨꞌɨj jaatyéeviꞌ, aj puꞌij jaatyásaꞌrɨeechij ɨ tápiꞌnarij tzajtaꞌ.

SALMOS 2:1

¿Jiꞌnye mej mij juꞌɨtziityeꞌ a chájtaꞌ joꞌmaj joꞌcháatɨmee ɨ maj quee tyáꞌtzaahuatyeꞌ? ¿Jiꞌnye mej mij chaꞌmanaꞌaj tyámuaꞌ juꞌuurej?

SALMOS 27:5

Tɨꞌɨj aꞌájna atyojoꞌréꞌnyej ɨ xɨcáaraꞌ tɨ jitzán jeꞌej puaꞌaj tyiꞌéenyeꞌej jaꞌmej, aꞌɨ́ɨ pu ɨ Tavástaraꞌ nyechaꞌɨɨj jaꞌmej ɨ ju tyeyúuj tzajtaꞌ, nyáaj nu jityán jaꞌséeriaꞌaj naꞌmej. ¡Ajta tyiꞌtɨ́j jitze tɨ ájtyeej tyámuaꞌ tyiꞌnyechaꞌɨ́ɨj jaꞌmej!

SALMOS 31:20

Huaꞌ jamuán paj séeriaꞌaj puáꞌmej pajta tyámuaꞌ tyihuoꞌtyéchaꞌɨɨsij pajta quee tyuꞌtáꞌsij tɨꞌij aꞌyan tyáꞌraꞌnyij jeꞌej maj aꞌɨ́ɨmaj tyáꞌxɨeꞌveꞌ ɨ tyétyacaa ɨ maj jeꞌej puaꞌaj tyityetyúuchaꞌɨj; muáaj paj huaꞌchaꞌɨ́ɨj puáꞌmej aꞌájna joꞌpaj muáaj jáꞌsejreꞌ mej mij quee jeꞌej puaꞌaj tyihuáꞌjeevej aꞌɨ́ɨmaj ɨ maj huaꞌajchaꞌɨɨreꞌ.

SALMOS 56:6

Aꞌyaa mu juꞌ avaaj majta ajcaꞌhuáye, aꞌɨ́ɨ mu nyacújtaꞌ curiaꞌjuꞌ, aꞌyaa mu mij tyiꞌijchóꞌveꞌ aꞌtzáaj maj naajéꞌcaj.

SALMOS 64:2

Naatyáꞌavaaj aꞌɨ́ɨjma jimi ɨ maj jeꞌej puaꞌaj tyityetyúuchaꞌɨj ajta jeꞌej maj avíitzij tyiꞌtɨ́j jɨn rɨcɨj; pajta nyajapuáj huatányuunyij tyiꞌtɨ́j maj jɨn tyámuaꞌ juꞌuurej ɨ maj jeꞌej puaꞌaj rɨcɨj,

SALMOS 91:1

Aꞌɨ́jna ɨ tɨ jitzán séejreꞌ ɨ tɨ tyámuaꞌ tyéꞌchaꞌɨj aꞌɨ́j tɨ jimi jáꞌmaꞌcan ɨ jútyeꞌ ɨmuáj tɨ jáꞌsejreꞌ ɨ tɨ néijmiꞌi putyíꞌuurej ajta néijmiꞌi jɨn antyúumuaꞌreej,

Colosenses 3:3

Jiꞌnye muaꞌaj xuꞌríj huácuij ɨ Cɨríistuꞌ jamuán, ajta ɨ Dios pu jamuaatáꞌsij siaj sij ɨ Cɨríistuꞌ jamuán jaꞌséeriaꞌaj xáꞌraꞌnyij.