SALMOS 8:1 - El Nuevo Testamento y Salmos

¹ Tavástaraꞌ, muáaj paj aꞌɨ́ɨn puéꞌeen ɨ tɨ jéetzeꞌ vaꞌcán jɨn tyiꞌtyéjvee tajimí, ¡aꞌɨ́jna ɨ paj jɨn ántyapuaj aꞌɨ́ɨ pu néijmiꞌqueꞌ tyíꞌijta ɨ cháanacaj japua!, ¡ajta ɨ paj jɨn naa huaséꞌrin jéetzeꞌ pu ajcaꞌhuáye jóoꞌasej aꞌɨ́jcɨ jitze ɨ tajapuá tɨ séejreꞌ!

SALMOS 8:1 ပူးပေါင်းရင်းမြစ်များ

SALMOS 145:1

Aꞌɨ́j nu huataxájta jeꞌej paj vaꞌcán jɨn tyíꞌijta, nyaj Dios pajta nyaj rey; aꞌnáj tɨnaꞌaj nu tyámuaꞌ tyeetyátoosij ɨ paj jɨn ántyapuaj.

SALMOS 148:13

¡Néijmiꞌi xu tyaatatyójtziꞌreꞌen ɨ Tavástaraꞌ tɨ jɨn ántyapuaj, jiꞌnye aꞌɨ́ɨ puꞌuj aꞌɨ́jna jɨn ántyapuaj ɨ jútyeꞌ ɨmuáj tɨ jáꞌmaꞌcan! ¡Ɨ tɨ jɨn néijmiꞌ putyiꞌuurej tajapuá pu jáꞌsejreꞌ ajta íiyan cháanacaj japua!

SALMOS 36:5

Ajta ɨ paj jɨn taxɨeꞌveꞌ, Tavástaraꞌ, tajapuá pu ɨmuáj jaꞌráꞌasej; ajta ɨ paj jɨn tyámuaꞌ een aꞌáa pu jaꞌráꞌasej ɨ tɨ huáꞌraa jitze tajapuá tɨ séejreꞌ.

SALMOS 57:5

Nyaj Dios, muáaj paj japuan jáꞌsejreꞌ ɨ tajapuá tɨ séejreꞌ. Aꞌɨ́jna ɨ paj jɨn naa huaséꞌrin pu néijmiꞌqueꞌ aꞌyan séejreꞌ ɨ cháanacaj japua.

SALMOS 63:1

¡Nyaj Dios, muáaj paj aꞌɨ́ɨn puéꞌeen ɨ nyaj Dios! Jéehua nu muaxɨeꞌveꞌ nyámuahuoo, jiꞌnye muáaj paj aꞌɨ́ɨn puéꞌeen ɨ jájtyij tɨ nyejitzé juxɨeꞌveꞌ; néijmiꞌi pu ɨ nye tyévij muéetzij muaxɨeꞌveꞌ, aꞌyájna tɨꞌɨj joꞌtɨj joꞌhuáchij, joꞌtɨj jéehua ɨ jájtyij jóoxɨeꞌveꞌ.

SALMOS 68:4

Muaꞌaj xu ɨ Dios jimi tyuꞌtáchuiicaj, setyuꞌtáchuiicaj aꞌɨ́jcɨ jitze maꞌcan ɨ tɨ jɨn ántyapuaj; setyuꞌtatyójtziꞌreꞌ aꞌɨ́jcɨ ɨ tɨ aveꞌquéej aꞌáa jaꞌyiꞌvej ɨ jéetɨrij japua. ¡Xatóotyamuaꞌveꞌ ɨ Tavástaraꞌ jimi! ¡Xatóotyamuaꞌveꞌ joꞌtɨj aꞌɨ́ɨn jáꞌsejreꞌ!

SALMOS 8:9

Tavástaraꞌ, muáaj paj aꞌɨ́ɨn puéꞌeen ɨ tɨ jéetzeꞌ vaꞌcán jɨn tyiꞌtyéjvee tajimí, ¡aꞌɨ́jna ɨ paj jɨn ántyapuaj aꞌɨ́ɨ pu néijmiꞌqueꞌ tyíꞌijta ɨ cháanacaj japua!

SALMOS 81:1

¡Siataꞌaj jutyamuaꞌveꞌej ɨ Dios jimi setyuꞌtáchuiicaj, jiꞌnye aꞌɨ́j tu jɨn uhuájcaꞌnyej! ¡Siajta jíihuaj setyaatatyójtziꞌreꞌen aꞌɨ́jcɨ ɨ Dios raꞌ ɨ Jacob!

SALMOS 84:1

¡Naa pu huápuɨꞌɨj huaséꞌrin aꞌ tyeyúuj, Tavástaraꞌ muáaj paj néijmiꞌi putyíꞌuurej!

San Mateo 22:45

¿Jiꞌnye tyíɨꞌrij tɨ ɨ Cɨríistuꞌ aꞌɨ́j jitze eeramaꞌcáantaj ɨ David, tɨpuaꞌaj ɨ David aꞌyan jatamuáꞌmuatyaꞌan tɨjɨn nyavástaraꞌ?

San Juan 20:28

Aj puꞌij ɨ Tomás aꞌyan tyuꞌtanyúj tɨjɨn: —Muáaj paj nyavástaraꞌ puéꞌeen pajta nyaj Dios.

Efesios 4:10

Ajta ɨ tɨ yavaꞌcáanyej, aꞌɨ́ɨ pu ajta aꞌɨ́ɨn puéꞌeen ɨ tɨ tajapuá joꞌojnyéj tɨꞌij tyuꞌnéijmiꞌtareꞌen tɨꞌɨj naꞌaj puaꞌmáj tyíꞌsejreꞌ.

Filipenses 3:8

Ajta aꞌyaa pu jéetzeꞌ, capu majaꞌtyiꞌtɨ́j tɨ jéetzeꞌ nyetyáhuɨꞌrii tɨꞌɨj nyaj jáamuaꞌtyij aꞌɨ́jna ɨ nyavástaraꞌ, aꞌɨ́jna ɨ Cɨríistuꞌ tɨ ajta Jesús puéꞌeen. Aꞌɨ́j nu jitze maꞌcan ɨ Cɨríistuꞌ nyeríj néijmiꞌi tyojoꞌrɨej, nyáaj nu metyóoraxɨj yaa tɨꞌɨj xɨéerij nyej nyij tyuꞌtyámueꞌtɨn ɨ Cɨríistuꞌ jimi,

Hebreos 7:26

Aꞌɨ́j pu jɨn ɨ Jesús aꞌɨ́ɨn puéꞌeen ɨ tɨ vaꞌcán jɨn tyiꞌtyéjvee ɨ tajitzé juxɨeꞌveꞌ. Aꞌɨ́ɨ pu jɨꞌréenyaꞌaj séejreꞌ ɨ Dios jimi, ajta quee tyiꞌtɨ́j áꞌɨtzeereꞌ, capu jeꞌej puaꞌaj tyiꞌtyúuchaꞌɨɨj matɨꞌɨj ɨ séecan ɨ maj jeꞌej puaꞌaj tyíꞌtyesejreꞌ ɨ Dios jimi, ajta tajapuá jáꞌsejreꞌ.

El Apocalipsis 19:6

Aꞌyaa nu nyajta tyihuóꞌnamuajriꞌ maj jéehua ɨ tyeɨ́tyee tyíꞌxajtacaꞌaj, aꞌyaa pu namuajriaꞌcaꞌaj tɨꞌɨj joꞌtɨj jájtyij jaꞌancáamuɨꞌyej, ajta aꞌyan namuajriaꞌcaꞌaj tɨꞌɨj ɨ víityee maj tyényuucaꞌan. Aꞌyaa mu tyíꞌxajtacaꞌaj tɨjɨn: ¡Alelúuyaj! Tyicheꞌ tyaatatyójtziꞌreꞌen ɨ Dios, jiꞌnye puꞌríj huatyóochej tɨ tyuꞌtaꞌíjtaj ɨ tavástaraꞌ, ajta ɨ Dios ɨ tɨ néijmiꞌi jɨn antyúumuaꞌreej.