SALMOS 74:3 - El Nuevo Testamento y Salmos

³ Mupoꞌvéꞌmeꞌ pej pij jaaséj aꞌíjcɨ ɨ tɨ quee jeꞌej huaséꞌrin; aꞌɨ́jna ɨ tɨ tájchaꞌɨɨreꞌ pu arí néijmiꞌi tyuꞌtyáꞌuj aꞌ tyeyúuj tzajtaꞌ.

SALMOS 74:3 ပူးပေါင်းရင်းမြစ်များ

SALMOS 44:23

¿Jiꞌnye pej pij tyácusij, Tavástaraꞌ? ¡Huájɨsij, huájɨsij! ¡Capáj jusén jɨmeꞌ matúujɨpuan!

SALMOS 44:26

¡Ájchesij, pataꞌaj mujoꞌvéꞌmeꞌen pej pij taatáhuɨɨreꞌen pajta tajapuá huatányuunyij aꞌɨ́jcɨ jɨmeꞌ ɨ paj vaꞌcán jɨn taxɨeꞌveꞌ!

SALMOS 79:1

¡Taj Dios, aꞌɨ́ɨmaj ɨ maj quee tyáꞌtzaahuatyeꞌ aꞌɨ́ɨ mu tyeꞌentyipuáꞌrityej muéetzij tyíꞌmuaꞌaꞌrij! ¡Majta aꞌúun joꞌtyájrupij aꞌ tyeyúuj joꞌtɨj néijmiꞌi tyámuaꞌ tyejéꞌeen ajta néijmiꞌi huatyuꞌuunyiꞌhuacaꞌ ɨ chájtaꞌnaj Jerusalén!

San Marcos 11:17

Ajta jeꞌen tyihuaꞌajmuaꞌtyájraa aꞌyan tɨjɨn: —Aꞌyaa pu tyéꞌyuꞌsiꞌ ɨ yuꞌxarij jitze tɨjɨn: “Aꞌyaa mu jaatámuaꞌsij ɨ nye chiꞌij tɨjɨn chiꞌij maj tzajtaꞌ huatyényuunyij ɨ Dios jimi néijmiꞌi ɨ maj séej chuéj japua jaꞌchej”, siajta muaꞌaj aꞌyaa xu jáaruuj tɨꞌɨj joꞌtɨj jáꞌtyastaꞌ joꞌmaj náhuaꞌrij jeꞌráatyij.

San Lucas 21:24

Séecan mu ɨ tyeɨ́tyee cuiꞌnyij ɨ chúun jɨmeꞌ, majta séecan áꞌviꞌtɨn ɨ séej chuéj japua tɨ aꞌyan séejreꞌ ɨ cháanacaj japua. Majta ɨ maj quee Israel jáꞌmaꞌcan, aꞌɨ́ɨ mu jaatyúꞌuunaj ɨ Jerusalén ꞌasta naꞌaj quee aróoꞌastej aꞌájna xɨcáaraꞌ maj jitzán jaataxájtacaꞌ.

El Apocalipsis 11:2

Ajta capáj jaꞌiteej aꞌchu tɨ antayóhuaj aꞌájna a puaꞌquéj a tɨ jaꞌrájtaꞌcuaj, jiꞌnye aꞌɨ́ɨjma mu huatátuii ɨ maj quee tyáꞌtzaahuatyeꞌ, mej mij aꞌɨ́ɨmaj huáꞌpuatyej japuan huaꞌpuaj máxcɨrɨeꞌ jeꞌej puaꞌaj jáaꞌuurej ɨ chájtaꞌnaj tɨ naa een.