SALMOS 72:18 - El Nuevo Testamento y Salmos

¹⁸ Cheꞌ tyámuaꞌ éenyeꞌej séjreꞌej ɨ Dios, huaꞌ vástaraꞌ ajta huaꞌ Dios ɨ maj Israel jitze ajtyámaꞌcan, ɨ tɨ aꞌɨ́ɨ naꞌaj aꞌɨ́ɨn puéꞌeen ɨ tɨ vaꞌcán jɨn tyíꞌmuarɨeꞌ;

SALMOS 72:18 ပူးပေါင်းရင်းမြစ်များ

SALMOS 106:48

¡Cheꞌ tyámuaꞌ tyíꞌsejriaꞌaj ɨ Tavástaraꞌ, huaꞌ Dios ɨ maj Israel jitze ajtyámaꞌcan, cheꞌ aꞌyan tyíꞌsejriaꞌaj jusén jɨmeꞌ! ¡Micheꞌ néijmiꞌi aꞌyan tyuꞌtaxáj tɨjɨn: “Cheꞌ aꞌyan tyáꞌraꞌnyij”! ¡Alelúuyaj!

SALMOS 136:4

Aꞌɨ́jcɨ ɨ tɨ aꞌɨ́ɨ naꞌaj vaꞌcán jɨmeꞌ tyámuaꞌ tyíꞌuurej, jiꞌnye capu aꞌnáj antyipuaꞌrij ɨ tɨ jɨn taxɨeꞌveꞌ.

SALMOS 41:13

¡Cheꞌ tyámuaꞌ éenyeꞌej séjreꞌej ɨ Tavástaraꞌ, huaꞌ Dios ɨ maj Israel jitze ajtyámaꞌcan, ijíij ajta jusén jɨmeꞌ! ¡Cheꞌ aꞌyan tyáꞌraꞌnyij!

SALMOS 68:35

Huápuɨꞌɨj pu naa huaséꞌrin ɨ Dios aꞌújna ɨ ju tyeyúuj tzajtaꞌ, aꞌɨ́jna ɨ huaꞌ Dios ɨ maj Israel jitze ajtyámaꞌcan aꞌɨ́ɨ pu huaꞌtáꞌcaa mej mij néijmiꞌi putyíꞌuurej ajta caꞌnyíjraꞌaj huaꞌtáꞌcaa ɨ jutyéɨtyeristyamuaꞌ. ¡Cheꞌ jɨꞌréenyaꞌaj séjreꞌej ɨ Dios!

SALMOS 77:14

¡Muáaj paj aꞌɨ́ɨn puéꞌeen ɨ Dios ɨ tɨ aꞌɨ́j tyíꞌtaahuaj ɨ tɨ naa tyuꞌséꞌrin! ¡Muáaj paj huoꞌtaséjratyej néijmiꞌcaa ɨ tyeɨ́tyee ɨ paj néijmiꞌi jɨn putyíꞌuurej!

SALMOS 77:15

Pajta ɨ paj néijmiꞌi jɨn putyíꞌuurej aꞌɨ́j paj jɨn huaꞌ japua huatanyúj aꞌ tyeɨ́tyeristyamuaꞌ, yójmuaꞌmuaꞌ aꞌɨ́jcɨ ɨ Jacob pajta aꞌɨ́j tyíꞌyojmuaꞌ ɨ José.

SALMOS 86:10

Jiꞌnye muáaj papuꞌuj Dios puéꞌeen, ¡muáaj paj vaꞌcán jɨn tyíꞌmuarɨeꞌ ajta naa tyihuaꞌséjratyeꞌ aꞌ jitze tɨ tyíꞌsejreꞌ!

SALMOS 98:1

¡Siataꞌaj jájcuacan tyuꞌtáchuiicaj ɨ Tavástaraꞌ jimi, jiꞌnye tyámuaꞌ pu vaꞌcán jɨn tyúꞌruuj tajimí ɨ tyaj jɨn jeꞌej tyoꞌtaséj! ¡Puꞌríj jatáaꞌsacaꞌ ɨ tɨ jɨn tyuꞌtyámueꞌtɨn aꞌɨ́jcɨ jɨmeꞌ ɨ tɨ néijmiꞌi jɨn putyíꞌuurej, ajta ɨ jumuácaꞌ jɨmeꞌ tɨ tyámuaꞌ een!