SALMOS 71:3 - El Nuevo Testamento y Salmos

³ Muáaj paj aꞌɨ́ɨn puéꞌeenyeꞌ ɨ nyaj jitzán arányacaꞌnyej, ¡muáaj paj aꞌɨ́ɨn puéꞌeenyeꞌ ɨ tɨ jitzán ɨꞌríj tɨꞌij náahuɨɨreꞌen pajta ɨ tɨ nyajapuáj huatányuunyij! ¡Muáaj paj aꞌɨ́ɨn puéꞌeen ɨ nyaj jitzán arányacaꞌnyej ajta tɨꞌij náahuɨɨreꞌen!

SALMOS 71:3 ပူးပေါင်းရင်းမြစ်များ

SALMOS 144:2

aꞌɨ́ɨ pu nyaꞌ amíincuj puéꞌeen tɨ quee tyiꞌtɨ́j jɨn áꞌɨtzeereꞌ, aꞌɨ́j nu jimi tyámuaꞌ tyíꞌchaꞌɨɨriꞌhuaj; ɨ tɨ jéetzeꞌ jútyeꞌ ɨmuáj jáꞌsejreꞌ nyej nyij jitzán huatyényaꞌavaaj, ɨ tɨ nyajapuáj huatányuusij, aꞌɨ́ɨ pu aꞌɨ́ɨn puéꞌeen ɨ tɨ nyacánasij, aꞌɨ́j nu nyij jɨn huatyényanasij; aꞌɨ́ɨ pu tyuꞌtáꞌsij nyej nyij tyihuoꞌtaꞌíjtyeꞌen aꞌ chájtaꞌ maj joꞌcháatɨmee.

SALMOS 18:2

Muáaj paj naatyáhuɨɨreꞌej, aꞌɨ́ɨ paj puéꞌeen ɨ tɨ nɨeꞌcánasij, ɨ tɨ nyajapuáj huatányuusij, nyaj Dios, ɨ tyetyéj tɨ nyéetzij naatyánasij, ɨ nyaj jɨn huatyényanaj, ɨ tɨ néijmiꞌi putyíꞌuurej tɨꞌij nyajapuáj huatányuunyij, ajta ɨ tɨ jitzán ɨꞌríj nyaj huatyényaꞌavaaj jútyeꞌ ɨmuáj.

SALMOS 18:3

Muáaj, Tavástaraꞌ, aꞌyaa pu a jimi tyiꞌtyéevijtɨj mej mij tyuꞌtáchuiicaj, nyatɨꞌɨjta muaatájeevej, aj paj nyaj japua huatányuusij aꞌɨ́ɨjma jimi ɨ maj nyéjchaꞌɨɨreꞌ.

SALMOS 42:8

Tújca pu ɨ Tavástaraꞌ uyaꞌtaꞌítyacaa ɨ tɨ jɨn nyaxɨeꞌveꞌ, ajta tɨ́caꞌ canu jaꞌantyipuáꞌrityeꞌsij ɨ nyaj tyiꞌtyéchuiicaj capu ajta ɨ nyaj tyényuusij ɨ Dios jimi júuricamej tɨ nyatáꞌcaa.

SALMOS 44:4

¡Muáaj paj nyaj Rey!, ¡pajta nyaj Dios! Muáaj paj huoꞌtaꞌ mej mij tyuꞌtyámueꞌtɨn aꞌɨ́ɨmaj ɨ maj aꞌtyéɨtyeristyamuaꞌ puéꞌeen;

SALMOS 68:28

Nyaj Dios, huataséjrataj ɨ paj jɨn néijmiꞌi putyíꞌuurej, ¡pajta tyámuaꞌ jáaꞌuurej tyiꞌtɨ́j paj jeꞌej huáruuj ityájma jimi!

SALMOS 89:27

Nyáaj nu nyij aꞌɨ́j tyaataꞌsij aꞌɨ́j tɨ tyíꞌcɨꞌpuaj ɨ tɨ anaquéej huanɨeꞌhuacaꞌ, quee tyiꞌtɨ́j maj tyíchaꞌɨj íiyan cháanacaj japua maj tyíꞌijta.

SALMOS 90:1

Tavástaraꞌ, muáaj paj aꞌɨ́ɨn puéꞌeen ɨ tɨ tahuɨɨreꞌ tyatɨꞌɨj tyanaꞌaj áꞌtɨjtɨꞌrej tyajúurij.

SALMOS 91:9

Jiꞌnye papuꞌríj aꞌyan jáaruuj tɨꞌij ɨ Tavástaraꞌ muaatyáhuɨɨreꞌen, ajta aꞌɨ́ɨn muachaꞌɨ́ɨj jaꞌmej ɨ tajapuá tɨ jáꞌsejreꞌ,