SALMOS 71:14 - El Nuevo Testamento y Salmos

¹⁴ Ajta nyáaj nu aꞌnáj tɨnaꞌaj aꞌjimi tyiꞌijchóꞌveꞌej naꞌmej, nyajta jéetzeꞌ nyajtáhuaꞌaj jéetzeꞌ nu tyimuaatatyójtziꞌreꞌej,

SALMOS 71:14 ပူးပေါင်းရင်းမြစ်များ

SALMOS 130:7

Tavástaraꞌ jimi xu tyuꞌchóꞌveꞌen, muaꞌaj mu siaj Israel jitze ajtyámaꞌcan, jiꞌnye aꞌɨ́j pu jitze séejreꞌ ɨ tɨ jɨn taxɨeꞌveꞌ ajta ɨ tyaj jɨn taxáahuaj séjreꞌej.

SALMOS 43:5

¿Jiꞌnye nyij tyiꞌtɨ́j jɨn tyíꞌnyaxaahuataj? ¿Jiꞌnye nyij tyiꞌtɨ́j jɨn jeꞌej tyéꞌnyamuaꞌastɨj naꞌmej? Nyáaj nu nyeríj ɨ Dios jitze tyíꞌcaꞌnyej, aꞌɨ́jcɨ ɨ nyej nyooj tyeꞌtyóotziꞌreꞌej naꞌmej. ¡Aꞌɨ́ɨ pu nyaj Dios puéꞌeen ajta ɨ tɨ nyaj japua huatányuusij!

SALMOS 71:6

Nyóocheꞌ nu nyáaj aꞌáa jaꞌséeriaꞌcaj ɨ jucáaraꞌ jitze ɨ náanaj, nyajta nyeríj muéetzij jitze arányacaꞌnyajcaꞌaj. ¡Muáaj paj tyuꞌtáꞌ nyej nyij huanɨeꞌhuaj! ¡Nyáaj nu aꞌnáj tɨnaꞌaj tyiꞌmuatyóotziꞌreꞌej naꞌmej!

Filipenses 1:9

Aꞌyaa nu tyáꞌhuoo ɨ Dios jimi siaj jéetzeꞌ huóoxɨeꞌveꞌen jujɨ́ɨmuaꞌaj, tɨꞌij ajta ɨ Dios jamuaataꞌan siaj sij jéetzeꞌ tyámuaꞌ naa néijmiꞌi tyojoꞌitéej xáꞌraꞌnyij siajta tyámuaꞌ metyityoomuámuaꞌreꞌej,

1 Tesalonicenses 4:10

Aꞌyaa xu muaꞌaj rɨcɨj aꞌɨ́jna jɨmeꞌ siaj huaꞌxɨeꞌveꞌ ɨ juꞌihuáamuaꞌ ɨ maj aꞌáa joꞌcháatɨmee néijmiꞌqueꞌ aꞌáa tɨ huacaꞌaj a Macedonia. Tyajta ityáj, aꞌyaa tu tyajaꞌmuahuaviij taꞌihuáamuaꞌ siaj jéetzeꞌ huóoxɨeꞌveꞌen.

Hebreos 10:35

Aꞌɨ́j xu jɨn quee yóꞌhuaꞌnan ɨ siaj jitzán tyíꞌcaꞌnyej, jiꞌnye jéehua xu tyaꞌancuriáaꞌsij.

1 Pedro 1:13

Aꞌɨ́j xu jɨn, siataꞌaj tyámuaꞌ eenyeꞌ siajta tyámuaꞌ metyityoomuámuaꞌreꞌej. Néijmiꞌi xu jɨn ɨ Dios jimi tyiꞌijchóꞌveꞌej aꞌɨ́jna ɨ tɨ tyajáꞌmuacɨꞌtyij ɨ tɨ jɨn ɨ Dios tyámuaꞌ tyajamuaatáꞌsij aꞌájna xɨcáaraꞌ jitze tɨ huataséjreꞌen aꞌɨ́jna ɨ Jesús tɨ ajta Cɨríistuꞌ puéꞌeen.

2 Pedro 3:18

Siajta muaꞌaj siataꞌaj jéetzeꞌ tyámuaꞌ tyáamuaꞌtyij aꞌɨ́jcɨ ɨ tavástaraꞌ tɨ ajta Cɨríistuꞌ puéꞌeen, siataꞌaj aꞌɨ́jna jɨn huahuóseꞌen ɨ siaj jɨn huóoxɨeꞌveꞌen. Tyicheꞌ aꞌnáj tɨnaꞌaj tyéꞌtyojtziꞌreꞌej. Cheꞌ aꞌyan tyáꞌraꞌnyij.

1 Juan 3:3

Ajta aꞌtɨ́j tɨnaꞌaj tɨ aꞌyan aꞌɨ́j jitze tyiꞌijchóꞌveꞌ, aꞌɨ́j pu jɨn tyámuaꞌ juꞌuurej tɨꞌij jɨꞌréenyaꞌaj séeriaꞌaj táꞌraꞌnyij, aꞌyájna tɨꞌɨj ajta ɨ Jesús ɨ tɨ Cɨríistuꞌ puéꞌeen.